#حــــــــــــــــــصريــــا على قمر الزمان جزانسيات
بعد عام من الاعتزال ليوم حبيت نرجع لعالم لكرونيكات و نشارك معاكم قصتي الجديدة ... نتمنا نلقى فيها الدعم كيما لكرونيكات لي قبل نحبكم تزلزلو و ناس كل تسمع بلي #هدولة رجعت ......
🔥🍯️ #عــــــــــرش_الـــــــــدم 🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.01📍✿
واقفاا عند لمراية لمرصعة من كل جوانبها بالكريستال والاحجار الكريمة لابساا غوب غوز فوق الركبة.. ملامحها المتقونة تقول مرسومة باليد.. خذات تفاصيل العينين من بوها تقول عليهم هاوية ما نجمش تركز معاهم تخاف طيح و تتودر داخلهم رموشها طوااال بلا ماسكارا كيف بوها.... اما ملامحها الباقية خذاتهم من امها البراءة و البشرة الصافية... .. هازا مشطة من حطب مخدومة بإتقان تبان ورثتها من اميرات العهد الفيكتوري كملت مشطت شعرها الحريري المموج.. تشوف مع روحهااا... من صغرها توقف هك و تتفقد روحها من صغرها معجبة بروحها ممكن هذي الصفة خذاتها من امها.... هزت حلق قديم من فوق الطابل تبسمت وهي تشوف فيه مصنوع من ذهب و لؤلؤ يفكرها بحكاية صراتلها وقت كانت صغيرة .. لبساتو و ردت شعرها ورا وذنها ... صونا تيليفونها ميلت وجها ليه و هزااتو ترسمت تبسيمة وهي تقرا فالاسم... خرجت بخطوات واثقة و متسارعة للبالكونة... متلهفة بش تحكي معاه ..البلكونة لي كانت الطل على جنانات واسعة... اخضرار الشجر ما تنجمش تحددلو نهاية.... هذي الاراضي لي سال عليهم الدم و صرااو مجازر كبار عليها... ... هزت عليه قبل ما يتقطع الخط و قبل ما تنطق نطق....
♕: قريتي لكتاب ولا مزال
ميلت راسها لكتاب لي كان محطوط فوق الطابل بجنبها كرسي في زاوية البالكون تركزو عينيها مع الكوڤر تاع لكتاب ... و رجعت هدرت معاه
♔: مزال ذرك نبدا فيه.. عجبني الكوڤر عللخر
جاوبها
♛: انت بش تكوني اول قارءة رسمية لهذا لكتاب حبيت انت تبدايه ...
♔: متوترة و متحمسة بش نقرا اقوى قصةحب في تاريخ عايلتنا
هبطت عينها وين كانو واقفين مشبكين يديهم ببعضهم ابطالالرواية لي بش تتقراا واقفين حذا اول شجرة رمان يشوفو و نظرتهم لبعضهم نظرت عشق تعدى مراحل الهيام و الجنون... تبسمت خاطرها كانت ثمرة من ثمرات هذا العشق.. لي الناس الكل تهدر بيه... ثمرت عشق و جنون ... ♡
فاقت على صوتو من جديد
♛: راكي تسمعي فياا....
♔: نسمع
♛: وقت تكملي تقرايه قوليلي
♔: اووك بش نقولك . اما توعدني بش تحضر لعيد ميلادي
♛:اميرة عائلة عشماوي بش تقفل 20 من عمرها و خوها مكانش ما تصلحش..
♔: بش تجييي
♛: اكييد.. هيا بش نخليلك وقت تقراي فيه
♔: اوك رد بالك على روحك
علقت عليه الخط... و توجهت للكتاب لي كان تحت اسم
#الملح_الحلو
دوراتو تقرا فى الكتيبة لي من لور...
♡ فالحياة كاين الحلو كيما كاين فيها المر وفي زوج نقيض بعضهم كيف الموت و الحياة و العتمة و النور و الماء و النار ... و مستحيل يخلق النقيض من النقيض... مستحيل يخلق الملح الحلو فالحياة... ♡
تمتمت بين شفافها...
♔: فلسفة الحب
و ترسمت تبسيمة على وجها... جبدت الكرسي لي يقابل كل هذو المزارع و الجنانات... و قعدت.... حلت لكتاب بش تبدا تقرا فيه
تركزو عينيها على الاحرف لمكتوبة بالعرض الكبير... مكتوبة في نص الصفحة الأولى
#المقدمة
مكـــــــانش حاجة اسمهـــــــا صـــدفة فالـــحياة... كل لي يجـــــــــرالنا و نعيـــــشوه كان مقـــــــدر انو يتعــــــاش يصـــــرا كل لي كـــــــــنا نقولـــــو عليــــــه المستـــــــحيل يصـــــــرا... لي يقــــــــول ما نطيحش يطــــيح... تقــــول ما نتحــــــــــملش و تتـــــــــحمل.. و الغـــــــــــريب من هــــذا تقــــــــــول مستــــــــــحيل نعـــــــــــيش و تعييــــــــــــيش.... لي مكتوب على الجبين لازم تشوفو لعين... مكانـــــــش مهـــــرب من هــــذاا... على الانسان يتعايش مع الصعوبات فالاخير بش يتحلو كل لبيبان المغلوقة و يعم النور على حياتنااا..... بعد كل غم بش يجي لفرج ...
قرات المقدمة تنهدت... طلعت عيونها لسماءالصافية... يتغللها غيم☁ ابيض.. خلا منظرها يشرح الصدر... و رجعت هبطت عيونها للكتاب .. قلبت الصفحة و بدات تقرااا.....
....
لحياة سعات تعصر عليك لدرجة انو عينيك يعماو على لي تعيش فيه و قلبك يتحمل حتا يولي ما ينجمش اكثر.. تولي ما تنجمش تشوف الخير من الشر و الصح من الغالط.. حتا انك ما تنجمش تطلب المساعدة من حد... خاطر لكل لي لجأتلهم بش يساعدوك خذلوك... تفقد الثيقة فالناس... حتا انك تفقد ثيقتك فروحك... تولي تتقبل الحقيقة بالامها و دموعها حزنها و رغم انها مرة.......
......... تكمل تعيشها. ...
