🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.15📍✿
تحل الباب قدامهم خرجت قرمية على يمينها تيم و يديه في جيبو ... و نطق
تيم: خير شايفكم عند بابي كشما ضيعتو
بلقاسم: جاي ندي حفيدتي ... نعرف لي افراح لداخل ... خرجها قبل ما يصرا مشكل
شاف تيم في قرمية و غمز و حرك راسو يمين و شمال .... و نطق
تيم: شكون افراح لي يحكي عليها ... نسا اصلا الطفلة لي لداخل ... و ما يعرفش الاسامي بحكم مكانش عايش معاهم ... قرمية هزها مخها لطفلة لي لداخل ... تهدر بينها بين روها .. معناها هي افراح .. هي حفيدتي... كانت جنبي و ما عرفتهاش ... بنت الغالية لي عمري ما شفتها ... حفيدتي لي تمنيت نضمها لحضني.... طلعت عينها ليه ... و عيات تنطق .. قاطعهم بلقاسم
بلقاسم: ياا اماا تخرجوها نعرف لي هي لداخل ... اما بش تنوض الحرب من جديد ...
#هدولة
كانت واقفة وين خلاها ... تشوف فيهم... طلتعلىلبلار شافت جدها و عمها و رجالهم من وراهم.. رجعت تشوف فالدار و فالحيوط .. تحطت عينها مع طابل فيها كوادر ... طلعت عينها كلهم يشوفو معاها ... مشات فااصالون حتا شافت احلام عند الباب تخزرلها ... و صوت جدها و يوسف يعيطو باسمها براا... جات ماشية بش تخرجمن الصالة... فاتت على احلام... شافت فيها قبل ما تهدر معاها
نطقت
رقية: احكمي بلاصتك ..
رجعت شافت فيها ... و نطقت
افراح: مش انتي لي تقوليلي وش ندير... و كملت وشكانت راحتقول لاحلام ...
... و همستلها
افراح: شفتكم انتو مهدي .. تركزو عينيهم مع بعض... و كملت تهدر تسمعها غير هي انا على جال عايلتي نحرق العالم مش عايلتك و بس .. احسنلك تفهمي روحك ابعدي علينا ... و جات ماشية جيهة الباب...
رقية: احكميها والا تهرب تيم قال ماتخلوهاش تتحرك .. نطقت احلام
احلام: حد ما يحكمها ... خليها بينها بين تيم ما تدخلوش نتوما ... اصلا جات عايلتها تاخذها ... الكل شاف مع بعضاه ..
#هدولة
تيم: حفيدتك مش عندي هز رجالك و طير من ...
يوسف: تكلم مليح والاا
تيم: والا واش !!!!
بلقاسم: نعرف و واثق لي حفيدتي لداخل ... افراح لداخل ...
خرجت من لباب لي وراهم .... و نطقت .
افراح: اي جدي انا هنا ....
دارت ڨرمية و تيم يشوفو معاها ... مستغرب اصلا مجاتش في بالو كي كذبت في اسمها ... مجاتش في بالو تكون من عايلة ال خليفة ... ڨرمية تاكدت علاه قبيل دافعت عليها مع انو عمرها لا وقفت ضد اي راجل من عايلتها على جال طفلة ... هي ما تشبهش في زهرة اما هزت طبايع من امها ... هي من دمها...
تمتم تيم بين شفافو
تيم: صار انت من ال خليفة ... مزالت تخزرلو بنفس الطريقة .... جات ماشية من جنبو ...
تيم: حسابي ما فضش معاك
ردت عليه
افراح: و انا زادا ....
و نزلت الدرجات وين جدها و ولاد عرشها وراه
بلقاسم: صارلك حاجة ...
حركتلو راسها بلا
قاطعم
تيم: خلي عرشك بعيد على اراضيااا لمرة لجاية ما نرحم حد... حتى و كانت رمانة منعندكم و شاف في افراح ...
ما ردوش عليه عملهم بلقاسم اشارة كل هبطو سلاحهم و ركبو كراهبهم ... هي اخر وحدة ركبت .. و عينها على ڨرمية لي قعدت ساكتة و عبنيها عليها طول الوقت ... دورت عينها ل تيم لي ما تحرك فيه شي ....
ركبت و رجعو كيما جاو ...
25 جام و 20 كومنت نكمل بالله ياالله
