🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.46📍✿
طلع النهار .... في قصر ال خليفة .... فتيحة فرحانة.... ليوم صباحية ولدها .... عاداتهم ام لعريس دير الرفيس.... و تشبحو بالمكسرات.... فضيلة طلت على بنتها و نزلت للكوزينة .... وين كانت فتيحة تخدم فالرفيس و شافية عند راسها تراقب.....
فضيلة: صباح الخير
شافية: خير
فتيحة: كيفاه صبحت لعروس!!
فضيلة: لباس ... الطفلة مزالت هنا!!!
شافت فيها فتيحة و هدرت
فتيحة: هييه ان شاء الله تطلع روحها ... امي لوكتاه راح تقعد هنا
شافية: بعد ساعة يتلم مجلس العشائر....
فضيلة: كشما مديتولها تاكل!!!
فتيحة: الزقوم ان شاء الله....
شافية: فتيييحة كيما غلطت هي حتا ولدك غلط و كل نعرفو و علبالنا ما تحطيش اللوم كل عليها .... ما نسمحلكش دافعي عليه قدامي
... دخلت بعضها ... دخلت عليهم
افراح: صباح الخير .... رسمو كل تبسيمة و صبحوها بخير
افراح: كلش مبروك لمهدي و شفاء
فضيلة: يعيشك بنتي عقبال ليك
فتيحة: ان شاء الله شفاء ضروف لي منعت عرسها نوعدك نتي نديرلك عرس كل لعراش تهدر بيه ...
افراح: ما عينيش فالزواج... اذا راح يكون كي زواج شفاء و مهدي ما يكونش خير
شافية: افراح و حلت عينها
افراح: وش نانا كذبت!!!! لبارح تقول مجزرة فالقصر... هك يكون الزواج بانسان ما تحبيهش
فضيلة: كلنا ما خيرناش زواجتنا و عشنا لباس بينا ولي ختارو و هربو مصيرهم كي الطفلة لي فالبيت هاذي... تستنا في موته يقرروه جماعة
افراح: خالتي فضيلة زمانا مش كي زمانكم .... لوكتاه بش تبقا لعشيرة تقرر علينا.... بنت العشماوي عندها حق تعيش كان عتارف مهدي مكانتش حياتها تترهن هك ... كان جيت في بلاصتها ... قاطعتها بصوت عالي
شافية: بناتنا ما يجيبوووش العار يا افراح
افراح: ايه ما نجيبوش العار خاطر الرجال وش يعملو ما يعيبهم شي
فتيحة: افراااح شتقصدي ترمي فالكلام على مهدي!!
افراح: لحكاية مش جديدة ... و مش احلام لوحيدة لي هربت مش هك!!! شكوون منكم من العشماوي .... شكون عمتهم لي هربت عند عمي!!!
الكل شافو في بعضاهم .... تلبكو ... و صوتهم تقطع
شافية: مش قتلك البارح ما دخليش روحك فالمواضيع هاذو!!
افراح: لااا ندخل روحي... عندها حق شفاء وقت قاتلي انت ما تعرفي والو فالقصر هاذا... علاه ما نعرفش بالقصص هاذو!!! علاه مخبيين وش لي ما نعرفوش!!!
صوت عم لكوزينة... تشوف فيهم بالواحد تستنا تبرير...
#هدولة
دخل عليهم وين كانو يفطرو ... جبد كرسيه .... و قعد
الياس: صباح الخير
تيم: خير ...
دور عينو على طابل كل.... نصهم مش فيها ...
تيم: وينهم كل
ڨرمية: ما حبوش يفطرو ...
زينة: رقية و هند قالو ما عينهمش ياكلو ...
الياس: و ولادي راحو يقراو ...
تيم: مليح ... خلي نمشيو...
زينة: ما فطرتوش
ما جاوبهاش
الياس: امي راح لحال بش نمشيو
وقفو
ڨرمية: تيم ...
شاف فيها
ڨرمية: خمم فلي قتلك
حرك ب اوك .. و مشا هو و الياس ...
تيم: وش رقية
الياس: خالتي رقية تعرف بعد ما توفى عمي صالح مش في غرضها وبعدها لي عملو فيصل سلك على الشعرة من الحبس بسيف ما هربو جدي من الحدود و خرجو من لبلاد ... و ذرك احلام ...حاول ما تضغطش عليها
حرك راسو باوك
الياس: تبقى في هند خارج نطاق الحياة ساعات تكون لباس سعات نقول يلزمها سبيطار مهابل
شاف فيه تيم و نطق
تيم: اموركم الشخصية بينك بين مرتك ...
سكتو كي وصلو لطوموبيل... حل الباب و ركبو و ديماراا ... متوجه لوين الاجتماع....
