🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.41📍✿
وجها مخطوف منو اللون .... كي سمعت وش قاللها ... ثم ثم جاوباتو ...
افراح: كيفاه كنت بش تقبل... كيفاه يعني...
ساكت ما يجاوبش فيها... عينيه برقو...
افراح: يوووسف.... جاوبني وش قصدك .... خلاها توترت و قلقت.....
ضحك... و ضحكتو تلالي ضحكة هيستيرية ... ممكن خرجت من قهرتو.... ...
يوسف: كنت ندير اي حاجة باه نشوف صدمتك...كان تشوفي وجهك كيفاه رجع هههههههه و كمل يضحك من قلبو ( مسكييين 🥺 ساعات انا كي نحب ما نبينش حزني نبدا نهدر لي جا و نضحك )
تعصبت و دارت ڨريماس تع غش
افراح: اوووووف منك يوسف خلعتني .....
يوسف: هههه علاه تحسبي فيا خلاص هبلت بش نتزوج بطفلة كيفك ....
زادت تعصبت 🥹😮💨
افراح: علاااه وش بيا ناقصة عين ولا ما عنديش خشم ...
زاد ضحك
يوسف: لااا اولا قلت عليك طفلة مش مرا ههه... يعني مازلتي صغيرونة.... و ما عندكش عقل هههه مازلتي تبانيلي عمرك خمس سنين
افراح: اووف الف مرة نقولك كبرت راني 22 سنة... اضحك و بش نشوفو مرتك المستقبلية كيفاه تكون
تبسم.... يحب يخبي مشاعرو ...
يوسف: اكيد مش راح تكون كيفك ههه
ركز معاها و وكمل يضحك و قلبو يعصر فيه... مكانش باغي يخسرها.... مستحيل يخسر افراح... ولا يشوف الحزن في عينيها... ما يحبش يكون سبب في انو دمعة طيح منها....
افراح: اصلا تحوس العالم كل ما تلقاش كيفي
يوسف: هههه اكيد ماكانش فالعالم كل.. وحدة بلا عقل كيفك...
تنعدت وقت فاقت بالوضع تع ليوم ...
افراح: يوسف انا صح بلا عقل ...حطيتكم و حطيت العرش كل في مشكل اليوم... و حتا الطفلة احلام حياتها مش معلوم وش يصرا فيها بسبابي ....
و عينيها تعباو دموع ...
افراح: انا السبب في كلش.... ممكن تموت بسبتي.... جبدها يوسف و حضنها عندو.... غير ذرك كان يقول انو ما يسمحش للدمعة طيح من عينها...
يوسف: شووت ما تبكيش ...كلو قضاء و قدر ( هك صبرنا رواحنا لبارح كي خسرنا ههه) كان بش يصرا خاطر ربي كتبو... سواء نتي قلتي ولا سمعو من بلاصة... الغلطة مش فيك و حياة الطفلة هذيك مش بسبتك... اذا خسرت حياتها هاذا بسبت البغل تع خويا .... من صغرو ما يستعرفش بغلطتو... وهاذي غلطتهم فيزوج يتحملو النتائج...
جبدت روحها شوي منو ...
افراح: ما تسمحلهمش يقتلوها ما عندهاش ذنب...
شاف فيها مليح عمرو ما رفضلها طلب...
يوسف: مش بش نسمحلهم ..... مش راح نخلي روح بريئة تموت في جرت العادات... كونك هانية و ارتاحي
رتاح قلبها... و تبسمت...
جبدت روحها منو...
افراح:صح عمري ما راح نلقا واحد كيفك... كان ماجيتش نعتابرك خويا... كنت هربت عندك باه نعرسو... وضحكت... خلاه يرجع يغوص في ضحكتها... و في كلماتها لي قالتهم.... و طار مخو.... لي يعمل في جهدو باه ما يخليش قلبو يتحكم في تصرفاتو ....
افراح: برد الحال خلي ندخلو ..
يوسف: بش نروح للمزرعة مدام كاين مرا غريبة فالقصر ما يجيش نبات فيه...
افراح: روح مالا وش تستنا!!
يوسف:في مهدي كان بش يحكي مع نانا و نروحو مع بعض
افراح: لااا مش بش يجي
يوسف: علااااه
افراح: جدي قال.... ااااا و سكتت
يوسف: وش قال
افراح: قالو يبات فالقصر بش تكون الدخلتو ليلة...
ستغرب و نطق فيسع مع نبرة قاوية
يوسف: شبيييه جدي هبل كيفاه يدخل عليهاااا بلا فاتحة بلا ما يقرر مجلس العشائر
افراح: علاه قراو الفاتحة صباح و وش دخل شفاء في مجلس العشائر
كي هدرت فاق بلي تهدر على شفاء مش احلام....
و افراح فاقت بلي حسبها احلام
افراح: نهدر على شفاء.... قال الدخلة الليلة و العقد يكون من بعد ...
يوسف: اااا باهي... امشي ترقدي ذرك... و ما تخميش فالباقي .. ريحي بالك
افراح: باهي تصبح على خير
يوسف: ونتي بخير ... مشات دخلت على بالكون الكوزينة ... لي خرجت منو.... بقا يشوف معاها حتا قفلت الباب و ردت الريدو.. و مشا.... يخمم وش الهدف من الدخلة الليلة ... و وش ممكن يصرا في مجلس العشائر غدوا....
