🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 23📍✿
حطها يوسف كيما الباب و رجع راح ... دخلت وهي فرحانة ...
افراح: ناناا خالاتي فاضيلوووووش فاتوووش وينكم
فتيحة: هههه و انا نقول علاه لقصر سامط ليوم
ضحكو
فضيلة: رانا هنا جميع فالكوزينة ..
دخلت و ضرسة لعقل تبان
افراح: هههه وصلت لجزء من وش راني باغيا ترارارااااا و هزت الشهادة
شافية: مبروك ان شاء الله فرحتك دايمة
فضيلة: ربي يجعل حياتك كلها افراح كيف اسمك
الكل قال امين
شفاء تاكل في شاربها و شبكت يديها مع بعض متلبكة
شفاء: مبروك اختي فرحتلك من قلبي
شافت فيها افراح و قلبت عينها اممم
شافية: لَه لَه لَه شفما بينكم نتوما زوج
افراح: سقسيها هي تقولك ..انا غلبت و طالعة نرتاح ... و خرجت
فتيحة: شعملتيلها ثاني
شفاء: اوووه ماما علاه تحصلوها فيا انا ديما
شافية: خاطرك ديما نتي الغالطة
شفاء: فضيلووش حامي شوي عليا مش انا كنتك و قلبت شفافها ....
فضيلة: اااااا خليولي كنايني الله مشكل صغيور بينهم ذرك يحلوه ...
شافية: ههههه سلكتي منا لمرة هاذي
#هدولة
من جيهة اخرى مجلس العشائر متلم ... دخل بلقاسم و يوسف و مهدي ...
محمد: مرحبا بيك لحاج تفضل
بلقاسم: يزيد فضلك
سليمان: وش خبارك الحاج غبت علينا
بلقاسم: شغل و لكبر ماوليناش كي بكري
عمار: تبارك الله عليك هاهم عندك زوج سبوعة في كتافة
شاف بلقاسم في يوسف خاطر يتكل غير عليه ...
سليمان: ربي يحفظهم ... و يرحم الموتى .. ولا حد فينا ينجم انو يعيش لي عاشوه عيلتين من اكبر العشاير
بلقاسم: يضهرلي ما عينوش يجي ...
عمار: انا مش فاهم علاه مش الياس رئيس لعشيرة ...
محمد: خاطر تيم ولد رضى لكبير... و لحاج وصى يكون هو خليفتو ... يقولو قاسي و نسخة من جدو
يتكلمو عليهم ... في هاذ اللحظة دخل عليهم ...
تيم: سلام عليكم
ردو كل السلام الا ال خليفة ...
مشا وين كانو مجمعين فلرض كي تع البدو و التاي يطيب على جنبهم ...
مشا لياس قبلو .. و هو يشوف معاهم اول مرة يحضر مجلس ...
ربع الياس وسط الجماعة بعدها مشا ربع معاهم... و قعد جنب الياس وين ال خليفة مقابلينهم
عمار: مرحبا بيك وسطنا ...
رد عليه
تيم: بيك ...
بداو يعرفوه على رواحهم حتا وصل ال خليفة اصلا عرفهم كي زدمولو لقصر ...
سليمان: و هاذا الحاج بلقاسم معلوم ... تعرفوه ... عينيه ما نحاهمش منهم كلاهم بعينيه .... و دار لسليمان يتكلم بكل برووود
تيم: ما يشرفنيش نعرفهم ...
غير كمل هدرتو و يتلاح فيه يوسف ببوكس لوجه
يوسف: تحسب فينا حنا ميتين باه نعرفوك ....
حكمو تيم من رقبتو دزو و رجع فيه ببوكسين ....
حتا جابو فلرض ... حتا ولاو يبعدو فيهم من بعضهم ....
الياس جبد تيم و وقفو ...
عمار: استهدو بالله تلمينا لصلح يا الحاج
بلقاسم: يوسف اخرج ستنانا برا
يوسف: وش راح تهدر معاه يا جدي ما سمعتش وش قاااال
بلقاسم: مهدي خرج خووك ...
عرف تيم بلي لي ضربو هو يوسف ...كيف ما قال عليه الياس متهور و متسرع ... ممكن يحسبوه سبع اما هو توضحلو بلي ضبع بكلمة هيجو....
خرج مهدي و يوسف
بلقاسم: انا جيت ليوم بناء على رجال العشائر و مش متعود اني نرد كلمة الرجال ...
تيم: و انا ما جيتش بش نتهارك مع الصغار ... كنت كي قررت تجي يا اجي وحدك يا جيب الواعي و الرزين ... مسح شاربو لي طرتقلو دم
وكمل هدر
تيم:و قول لحفيدك من بكري لي بيناتنا دم ... و دمي هاذي بش يخلصو غالي .... الياس اذا تحب كمل في بلاصتي ... و خرج .... فات على يوسف.. و مهدي يشوفو فيه كان لقاو لموت يشريهالو .. الاول قلقو بالكلام اما الثاني هو عدوه من درجتين ... من لعشيرة و خاطرو بش ياخذ حبيبتو ....
يوسف: مهدي سيبني خلي نقضي عليييه...
مهدي: خلاصو بش يكون على يدي متخافش انا بش نقتلو بيديا...
