🔥🍯️ عــــــــــــرش الــــــــــــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.02📍✿
وصل كورتاج طوموبيلات من فرد نوع باللون لكحل... تحلت بوابة القصر الرئيسية... ركاو جنب القصر... نزلو من لكراهب رجال من مضهرهم و لبسهم تعرف وش من عشيرة ينتميو... تحل الباب و نزل بكل وهرتو... دور وجهو.. يشوف مع الاراضي.. من خمس سنين ما جاش هناا... الوحيد لي هربوه و حبو يمنعوه من المجازر لي كانت بين العشائر... من شهر خرجت جنازة اخرى من هاذالقصر... جنازة الاغا.. اغا القصر و العشيرة..... تحل باب القصر الكبير.. و خرجت منو تمشي و تتركز على عكازها.. لابسا كل شئ اكحل... و فولارا كحلة على راسها مكحلا عينيها لي زاد فيها وهرة وهيبة... باين عليها زعيمة العشيرة... ...نظرة منها ممكن ترعب الف انسان....طلع عينو ليها.. شافها ترسمت تبسمة على شفافو... و توجهلها بخطواتو الرزان.. وصل عندها ميل روحو و نزل لمستواها و باس جبينها لي برز علية التجاعيد و مرسوم عليه وشم ممكن رمز لشي حاجة ...
ڨرمية: مرحبا بزعيم عشيرتنا
تبسملهااا و قدم باس جبينها... و جاوبها بصوت رجولي يخشخش بعد ما طال نظرو فيها
تيم : شكون هنا..
ڨرمية: الكل يستنا فيك لداخل ..
حركلها راسو بمعنى اوك... وقف جنبها و مشاو دخلو... بكل هيبتهم...
العايلة كل كانو يستناو فيه.. من شهر توفى الجد حمدان زعيم العشيرة.. وهو خلف مكانو بما انو عمامو الكل كانو ضحية موت بين العشائر.... وهو الحفيد الاكبر بين اولاد عمو... ستلم كرسي و منصب الزعيم وآغا العشيرة ... من خمس سنين ما شافوهش.. الكل يستنا فيه... الكل متوتر خاطرهم سمعو انو قاسي كيف جدو...
نطقت مراة مش كبيرة بزاف.. لابسا الاسود.. و حاطة فولارا فوق من راسها...بنفس لون قشها
رقية: هند اختك ويني
هند : لفوق قافلا على روحها لباب
فيصل: اطلعي خبريها تنزل... خطيبها وصل
حركتلو راسها اوك وناضت متوجهة تعيطلها
هي خرجت.. و دقايق دخل عليهم... خطواتو واثق منهم.. يد وحدا داخل جيوبو... وقف عند الباب... الكل قامو... يستقبلو فيييه
تيم : السلام
الكل ردو عليه السلام عدا عينو عليهم الكل... لاحظ عدم وجودها... مشا قعد هو و جداتو في فوتاي جنبهم طابل عليها كادر كل شخص مات من العايلة هذي..... بعد صمت كان يعدي في عينو على كل العايلة.. كاين لي يشوف معاهم و كاين لي مهبط راسو هايب منو و متوترين من نظراتو.... و كاين لي يشوف معاه تقولليخذالو بلاصتو... حتا قاطعاتو..
ڨرمية ( جداتو): تيم هو حفيدي البدري و زعيمنا من ليوم و رايح ... راح نمشو على كلامو... العايلة هاذي خرجو خمس جنازات منها..... لا انا ولا هذي العايلة عندها قدرة بش تخرج جنازة اخرى من القصر
هزت عينها ليه.. كان مركز عينيه فالكادر لي وراها.... امو و بوه عمامو... عمل قبضة ✊ بيدو يتمالك بيها اعصابو عيونو برزو نار خاجرة منهم و حواجبو تجملو لبعضهم ...فاللحظةهذي....
دخلت على باب الصالون.... طلع عينو شاف معاها... تحطو عيونهم مع بعض.... فيسع ما حل القبضة و رجع وجهو ما يدل على شي كأنو مش نفس العبد لي كان من شوي قادر يخرج النار من عينيه .. كأنو خذا الطاقة منها ولا بنظرة منها نجمت تطفي النار لي داخلو...
شكونها... ؟ وش هي لحكاية لي بش تبدا!!!
