🔥🍯️ عـــــــــــــرش الــــــــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.06📍✿
#هدولة تهدر
نعرفو شوي بالقصة علبالي تخلطتلكم .... القصة باكملها هي عبارة عن رواية حقيقية مجسدة في كتاب و اسمو #الملح_الحلو... تقرافيه الطفلة ليبانت فالحلقةاللولة..... حكاية العيلتين من كبار العايلات معروفين باراضيهم و جاههم و سلطتهم فالبلدة .. كانو عايلة وحدة .. قبل ما تبدا العداوة بينهم ... عايلة عشماوي كانت تتكون من الحاج حمدان و مرتو ڨرمية و حسن و صالح وحميد و وردة بنتهم الوحيدة ... كل حد فيهم مزوج بولادو ... حسن متزوج من نادية و عندهم ولدهم الوحيد تيم اكبر حفيد للعايلة ... توفاو بعد ما قطعو عليهم الطريق وصرا هجوم مسلح... منع غير تيم فالحادثة هاذي اما صالح مرتو رقية عندهم فيصل ولدهم لكبير و هند و احلام توفى في خرجة من خرجات بش يقسم اراضي لي مشتاركةبيهاالعايلتين .... و حميد متزوج من زينة ولدهم لكبير الياس لي متزوج من هند بنت عمو و سناء و اسلام.... اما على وردة هي سبب المجازر .. وردة لي تحدات الناس كل باه تكون مع محبوبها ... وخلات العداوة تكون بين عيلة عشماوي و الخليفة .... سليمان خليفة لي كان معروف بحبو لنساء و نسونجي و سوكارجي حباتو وردة .. و ضحات بروحها و بعرشها و شرفها غير باه تكون معاه .... هربت عند حبيبها لي كانت حاملة منو ... لي فاجئها انو رافضها و مكانش ناويها ... كانت خيبة ليها...و ليلة كحلة بين العيلتين ... و صرا مجازر ما صراوش من قبل .. كان الضحية لي ماتت فالحادثة هو سليمان ... و تبرا الحاج احمد من بنتو وردة وحيدتو .. و خلاها مرمية في دم حبيبها لي ما تهنات بيه و ما تهنات على روحها معاه ....
اما عايلة خليفة .. الحاج بلقاسم و مرتو شافية كانو ضحية تهور ولدهم ... و بدا فيه كل هاذا ... هبطت المشاكل على ريسانهم كي الصاعقة ... بين ليلة و اخرى لقاو انو العايلات اعداء ... كانو عايلة ما ينقصهم شي حمدان و بلقاسم كانو خاوةقبل هاذ العداوة .. ولاد سي بلقاسم سليمان سباب كلشي و كمال و رضى... و سعيد الوحيد ليبقا بين خاوتو عايش ... كمال توفى بعد ما تزوج من زهرة و سترها حيث كانت حاملة من خوه سليمان لي توفى .... و جابت افراح لدنيا لي هي فالاصل بنت خوه و تكتبت علىاسمو ... رضى هو كبير اولاد الحاج... مرتو فضيلة و ولادو مهدي و يوسف و سمير ... و سعيد مرتو فتيحة.. بناتو شفاءو سهى ... ما بقى غير اسمهم حاملينهم ولادهم ... ما خلاصتش لحكاية هنا ... بقا الصراع و الموت داخلة العيلتين طول عشرين عام و ما تحلش المشكل لي بينهم .. كيف ما عملو و ما دارو ما خلاصت .... العلتين تعبو ... ما بقاش عندهم قدرة انهم يتواجهو مرةاخرى ... كيف راح تبدا الحكاية . و اذا راح يعاود التاريخ نفسو !!! تابعو باقي الحلقات و... بشرط تمدو اراءكم و توقعاتكم بش نكمل
#هدولة_الجزانسية
