🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.12📍✿
واقف قدامها بكل وهرة ... ملامحو مش باينة فالظلمة كلش اسود في اسود اما هيئتو ضخمة باينة ... حاط يديه في جيبو ... كأنو قاعد يستنا فيها بكل راحة... تلبكت اكيد كانيعرفوها شكون بش تنوض الحرب.. ... شافت من وراها... مهدي بعدت عليهم وعلى المنطقة ليكانت فيها تلفتت من جنبها ليمن قصرالعشماوي قريب علخرعليها... ... دارت علىليسار لقات طريق ... شافت معاه مليح مزال ماتحرك من بلاصتو ... و طلقت رجليها تجري فالطريق لي خيرتها .... تجري و عينها على لي وراها .... شافها تحركت زرب وراها كان حطت في بالو بش تهرب من ثم ... فيسع ما زرب و نقض عليها كي الصيد ... و حكمهاااا من زنودها
دورها من كتفهااا ... و قابلها ليه
افراح : اطلقني ... تي سيب يديي
تيم: شكووون نتي وش جابك هناا !!!
افراح: وش دخلك نكوون وين نحب شكون نتاا
تيم : هدرت مرة و سقسيت شكوون نتي
خمت مليح و هي مطلعة راسها تحب تلفو فيسع يطلقها بش تروح... تشوف في عينيه لي يبرقو ... مع ضو لقمر
افراح : رمانة ..انا رمانة ...
شاف معاها مليح ... عيا يركز مع عينيها بش يشوفها صادقة ولا فيهم برقة لكذب ... حكمها من كتفها و يمشي فيها....
تيم: مالا بش نضيفك عندي شوي يا رمانة خانم 🤣 ....
وسعت عينيهاا على وسعهم....
افراح: اطلقنيي. بوهالي نتا ولا آش..
يمشي فيها جيهة لقصر و هو مزير على يدها و هي تعيط . ...
افراح: سيبنييييي وين بش تديني .... قتلك اطلق عزريني والله نعضك ...
هو جبل ما يهزو ريح ... كشغل ذبانة تزن عند وذنو ...
#هدولة
كانو يحكيو حتا سمعو حس قريب منهم ..
احلام : كاين لي راه قريب منا .. هيا روح نتا
مهدي: مش متحرك من حتا تقرري
احلام: وعد احبي وعد راح نخمم فيها الليلة و غدوة فنفس لبلاصة نمدلك جوابي ... ازرب رووح من قبل حد يشوفنا .. و صوت صراخ طفلة يعلا ...
تهدر معاه وعينيها يحومو من لبلايص كل ...
مهدي: اوك ... ارجعي نتي لقصر
احلام: اوك ما تخمش عليا هياا ازرب ...
مشا و هو مش راضي يمشي .. دخل بين الشجر ... و راح
دارت و مشات تزرب دخلت على لباب .... لقاتو يمشي و في يدو افراح .... وسعت عينيها ... وش جابها هناا ... ستناتهم دخلو للقصر و لحقتهم ... بش حد ما ينتابهلها
#هدولة
صوت افراح و صراخها عبا لمكان ...
فراح : وجعتنييي اطلقني بغل هذاا
رجع بغل تع الصح هههه
حكملها وجها بزوج صوابع ...
تيم: يا تحسني الفاضك يا نفزدلك خليقتك هاذي .... و ركز يشوف مع وجها لي بان مع الضو مليح ...
جات ڨرمية و رقية يجريو ...
رقية: شكون هاذي !!
ڨرمية : تثبت معاها ... ملامح وجها مش بعيد عليها ..
افراح: يا تطلقوني نمشي نروح على روحي. ياا نحرقكم بيكم بالقصر تاعكم ....
دخلت فاللحظة هاذي احلام ... شافت معاها .. احلام عرفتها .. اصلا قداه من مرة تشوفها من بعيد مع مهدي .. وقاللها هي افراح بنت عمو .... بصح سكتت و ما قالت كلمة ...
رقية: شكون نتي حتا تحرقي قصر العشماوي
ڨرمية : تيم شكونها ...
طلعت عينيها تشوف معاه مالا اذا هو تيم ....
تيم: رمانة ... لقيتها بين شجر الرمان ...
قدمت ڨرمية عندها و هدرت معاها
ڨرمية : منين جيتي بنتي ضيعتي طريقك شي ..!!
طلعت افراح حواجبها .. و تشوف فيها بنضرت حقد ... و نطقت بكل ثقة ..
افراح : بعيد الشر اني نكون بنتك ... مانيش بنتك ولا يشرفني حتا نكون من عايلتكم
نلقا 25زجام و 50 كمونتار نكمل
