🔥🍯️ عــــــــــــــرش الـــــــــــــــدم 🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.04📍✿
وصلو للقصر.. لي كان كلو نوار و ورد... السماء برتقالية.... مع غروب الشمس... الغيم عمل لوحة فنية فالسماء... طلعو درجات لي يوصلو لبابوابة ... هو كمل طلع هي حبست... وقف.. و دار ليها...
يوسف: وش كاين علاه حبستي..
طلعت عينها لسماء...
أفراح: سبحان الخالق.. شوف
طلع عينو يتأمل... تبسم.. من صغرها تعشق الغيوم و السماء تعشق التفاصيل...
يوسف: هيا خلي ندخلو جدة تكون نوضت الحرب عليك...
حركتلو راسها اوك.. و كملت طلعت حل الباب و دخلو... توجهو مع بعضهم لصالة وين كانت.. مرا ملامحها تهبل تجاعيد ملا وجها... هازا مسبحة بين يدها و مربعة رجليها مع بعضهم فوق الفوتاي... قاعدة مع طفلة تكون في عمر افراح ... شافتها تبسمت...
شافية: هاي جات فرحتي و فرحت لقصر
افراح: هههه انت فرحتنا نانا..
شفاء: نانا راني نغيير
شافية: هههه انت شفاء لكل اوجاعنا
خزرو في بعضهم و ضحكو
افراح: مغيارة هههه
و مشات تبوس في جداتها من جبينها...
افراح: جدي مزال ما جاش
شافية: مزال...
شفاء: افراح ايجا معايا دقيقة..
قامو الزوز مع بعضهم و خرجو تحت انظار شافية و يوسف
..... بعد ما تاكدولي طلعو .. خبطت يدها على لبلاصةلي جنبها بمعني.. ارواح اقعد جنبي... كمل مشا.. وقعد وين قالتلو...
شافية: لكلام لي لاصق بحلقك غير انطقو
يوسف: اما كلام نانا!!!
شافية: لي بين عينيك
يوسف: كيفاه عرفتي عندي كلام
حركت راسها... و تبسمت
شافية: حتا اني نعرف وش لي راح تقولو
ثبت معاها يحب يعرف وش تقصد ...
يوسف: وش حاب نقول؟!
شافية: راح تقولي نعجلو في عرس خوك مهدي و شفاء .. صح!!
رخف ملامحو... اصلا هذا لي كان حاب يقولو... اما مش الموضوع لي حب يجبد عليه...
شافية: و نعرف انو مش هذا الموضوع الوحيد لي حاب تحكي فيه معايا
طلع عينو ليها... كأنو قرا في ملامحها بعينيه
بعد ما طولو النظر في بعضهم....
شافية: افراح بش تكون ليك يا يوسف... اما لازمك تصبر افراح رأسها قاسح ... حتىنجبدولهاالموضوع .. ... مش حابين نغصبوها كل شي في وقتو مليح....
كانها عطاتلو الاشارة الخضرة بش ينوض من بلاصتو و يتوجه ليها.. يهز يدها و يقبلها و يقبل جبينها... كلامها كان كي لبلسم على قلبو
يوسف: كونك متهنية... راح نرضى مهمايكونقرارها .. نرضى الريح بش يقيسني انا قبل ما يوصللها ليها.... نزعفانا و ترضى هي ارقدي و تهني...
خبطتلو على كتافو ...
شافية: و انا متأكده انو هذا لي بش يصير... متأكده
