🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 22📍✿
يمشي بين الاراضي .. الجو ربيعي و زرع طالع ... الدنيا خضرة بكلها ... و الشجر مثمرة ...
الياس: تشفا وقت جدي كان ينزلنا معاه و نبقاو نجريو و نلعبو فالاراضي هاذي
تيم: تممم لوقت يمر بسرعة ..
الياس: بالنسبة ليك خاطرك عشت بعيد ... احنا عشنا في رعب كنت نسمع صوت السلاح نقول اكيد بش يتكرر نفس الشي كل مرة ..
سكت ما ردش عليه .. و بقا يخزر للحدود بينهم و بين ال خليفة ... واقف بوهرتو ... و عاقد يديه ورا ضهرو ..
تيم: احكيلي عليهم ...
الياس: شكون!!
رفع تيم راسو و اشار بعينيه على الاراضي لي قدامو ...
الياس: ال خليفة ... !
دار شاف معاه يستنا يجاوبو ...
الياس: بلقاسم ال خليفة كان عندو ربع ولاد ... سليمان سباب كل شي تقتل بلا ما نعرفو السبب كمال لي تزوج الزهرة عمتنا ... رضى يكون كبيرهم ولادو مهدي و سمير و السبع تاعهم يوسف ...
تيم: سبع!!
ضحك
الياس: دمو حار هههه
تيم: هههه هاهو ضهر بينهم سبع.. كمل
الياس: اخرهم سعيد يضهرلي عندو غير لبنات
تيم: هههه مليح ... قضيتهم ساهلة
الياس: شتقصد!!
تيم: الارض لي بينا بش ناخذها منهم
الياس: ما تتهورش
تيم: نعرف وش ندير ..
هز يدو يشوف مع الساعة...
تيم: خلي نرجعو بش نجهزو رواحنا لكل يستنا فينا ...
الياس: روح للقصر شوي و نلحقك
تيم: ما طولش
الياس: لا لا اطمن
#هدولة
خرجت من الجامعة و الفرحة مش ساعيتها الدنيا بش تعبر عليها ... شهادتها في يدها ...
يوسف: مبروك
افراح: يعيشك ...
و سكتو ... دورت راسها من و من و نطقت
افراح: اممم كاين روسترون هنا قرييب خلي نروحولو
هز يدو شاف في ساعتو و رجع هدر
يوسف: كنت نتمنا ههه بصح لازم نروحو ما بقاش للاجتماء
افراح: هيه هيا ماعليش خلي نروحو
و ركبو و ديماراو ......
#هدولة
في قصر ال خليفة
خارجة من الصالو تمشي بعكازها ...
فضيلة: يما علاه نضتي من بلاصتك
شافية: خلي نمشي شوي ... حاسة عضامي تكتفو
فضيلة: يوسف ما جابلكش الدوا لي قلتيلو عليه!!
شافية: راه طلع لبلاد ليوم ذرك يجيبو ...
فضيلة: وش مطلعو لبلاد ...
مطقت من وراهم
فتيحة: ماهو لالة افراح مشات تخرج وراق الخروج
شفاء: هههه مش الخروج امي التخرج
فتيحة: لخروج ولا تخرج نفسهم فالاخير ما عندها ما دير بيهم
فضيلة: والله و انا قلت هك ملول كان فالثلث سنين هاذم لي ضيعتهم ذرك راني هازا حفيدي بين يدي
شفاء: شتقصدي حماتي هههه ماو لا قرينا ولا رحنا للجامعة و سي ولدك مزالو يطوط فيا ههههه
شافية: ههههه والله لمرة هاذي شفاء عندها حق
فتيحة: هههه و انا نقول هك امي
فضيلة: ماو مهدي و تعرفوه يعني كلامي عندو لا يهمو .. انا كان يوسف كان نطلب افراح ليوم يعرس من غدوا
ضحكو الكل
فتيحة: مدامها كملت قراية برا اجبدولها الموضوع ليوم مش قالت حتا نكمل تعليم
شافية: خلو الموضوع ليا
فضيلة: والله يا امي يوسف محروق قلبو تي راهو من سنين مصبر روحو
شافية: تو نحكي مع الحاج لعشية و نخبركم وش قال
فضيلة: و عليك نعول
و دارت عند شفاء
فضيلة: و انت عندك لا تجبديلها الموضوع افراح و تعرفيها
شفاء: ههههه ما تخافوش و سدت فمها بيدها
تبسمو .... فالوقت لي قارا فيه يوسف عند الباب
