🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 09📍✿
#عايلة عشماوي ...
بعد ما دخلت عليهم... تنطت من بلاصتها
احلام : نانا راكي هنا ... وكتاه جيتي ...
كملت دخلت للبيت
ڨرمية: هند خليني مع احلام نحكي معاها ... هند: باهي .. خرجت و ردت الباب من وراها ... .
مشات ڨرمية و قعدت فوق السرير ...
ڨرمية: ساميني .. اقعدي عندي ما نهدر معاك ...
مشات قعدت حذاها... و مهبطة رأسها
ڨرمية: دنيا هاذي يااحلام ما تمدش كلش .. و قد ما مدتلك و عطاتك في حياتك راح تاخذ منك بنفس القدر .... غصة القلب تبدا قاسية فالمرة لولا .. توجع... ضربة على ضربة يقسا القلب .. خاطرو تعود... يتبنا جدار القسوة ... تولي بلا رحمة... خاطر ما تحبش تخسر عزاز عليك بما انو جربت انك تفقد منقبل و تعيش وحدك ... ماتحبش تعاود تعيش لي عشتو قبل...
احلام تشوف معاها .. تدرس في كل كلمة تقولها اما مش فاهمة علاه تهدرلها هك
ڨرمية: تيم... مش عبد قاسي كيما تتوقعيه ... تيم عاش يتيم و كبر وحيد ... انا نعرفو و نفهمو من عينيه .. و انت بش تفهميه ... بش تكونيلو سند.. و تصونيه
تشجعت... و نطقت بصوت خافت
احلام: حياتي بش تطفى يا نانا ...
ڨرمية: الزواج نصيب و الحزن نصيب اما الفرح قراار.... انتي لي بش تقرري اذا حياتك تطفى ولا تشعل ... كلنا ما نتحكموش في النصيب اما نجمو نتحكمو فالقرار ....
نزلوو دموع احلام ... و مهدي بين عينيها ... قلبها فيه غصة ... تحب تعيط باعلى صوتها .. و تقول ما نحبوش نحب مهدي ... اما كل هذا مستحيل ...
ڨرمية: تو بش تمسحي عينيك و طلعي راسك بش تعاوديترسمي كحل عينك لي طاح .. و طلعتلها فكها خلات وجها يعلا و يقابلها ... وكملت تهدر و عيونهم مع بعضهم
ڨرمية: بش تنزلي و تقعدي جنب راجلك ... بش طيعيه و تسمعي كلامو ... بش ترضاي بكل شي .. ما نحبش نشوف لحزن في عيون حفيدي .... قررنا و بش يتنفذ.....
ركزت معاها و مع عينيها لمغرغرين و لحزن و لعجز طغى عليهم... و قامت خلاتها ... خلات دموعها ينزلو شلال من وراها ... احلام خيوط قدرها يجروها بش تتلاح في حفرة قبرها... بش يقتلوها وهي عايشة ... حطت يدها على صدرها ترد فالنفس .... حلت التاقة... و تتنفس كانو اخر نفس في حياتها .... بقات تشوف في بلاصة وحدة ... فيسع مسحت دموعها و ثبتت مليح .. لمحت خيالو ... و كيف ما تعرفوش وهي قادرة تفرقو من الف عبد و في اخر الدنيا ... بلا ما تخمم.. زربت خرجت من لبيت و نزلت... دخلت للكوزينة هزت فولارا من فوق الكرسي ردتهاعلى راسها ... حلت باب الجردينة شافت وراها نظرة سريعة... تتاكد انو حد ما شافها خرجت ... ردت لباب و زربت دخلت بين الشجر ... وين لمحاتو من؟ تاقة غرفتها... وصلت وين كان واقف .... و نطقت ....
احلام : مهدي ...
فيسع ما دار ليها بعدماسمع صوتها ... و عيونو يبرقو من فرحتو ... انو قدر يشوفها... كان محتاج ليها ... تبسمتلو و مشات تجري ليه... تلاحت في حضنو ....
