🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.28📍✿
بعد ما فات شهر ... الكل قاعد يوجد ما بقاش للعرس ... قصر ال خليفة و اخيرة راح تدخلو فرحة ... من سنين ما تقامش زردة فالقصر .. بلقاسم عامل اللازم و زيادة .. ماهو حفادو لي بش يعرسو ... نساء لقصر بداو يفرشو و يعدلو ... شفاء الفرحة مش واسعتها ... واخيرا لي بغاتو راح يتحقق ... ياما خافت انو يتفركش هاذا العرس و يخليها مهدي ... اما هو ما عندوش كلام بعد كلام جدو ... نخرجو برا لقصر .. وين كانو يوجدو وين باه تتقام العرس و وين بش يقعدو الرجال ... بلقاسم واقف .. و يهدر
بلقاسم: فاتح نحبكم تذبحو عشر خرفان ... و توفرو الازم من الخضرة و الفاكهة نحب القرية كلها تاكل و تشبع .. خلي يسمعو بلي حفيد بلقاسم ال خليفة بش يعرس ....
فاتح: كيما بغيت الحاج حط لي طلبتو كل تنفذ ....
بلقاسم: صحيت نعول عليك ...
قاطعو يوسف كي حضر
يوسف: جدي كشما تحتاج حاجة؟!
بلقاسم: فوت عند النساء شوف وش خصهم ....
يوسف: راني داخل
و مشا متوجه للقصر
#هدولة
القصر بحلة جديدة ... الصالون مفرش ... فضيلة فالكوزينة واقفة مع الطباخة لمكلفة باه تطبخ للعرس ... فتيحة مع التوجاد عيات تلحق على حاجة ... شافت سهى بنتها كرشها قدامها وهي حاملة القضيان مدخلاتو
فتيحة: اووو سهى مش قتلك سيبي عليك اني برا اقعدي مع اختك و كسلي رجليك ... و خلينا حنا ذرك نخدمو كلش
سهى: امان امي مشها ثقيلة ..
فتيحة: حتى و مش ثقيلة اطلعي ترتاحي ما نحبش كشما يصرالك يهجم علينا عمار وعرشو على جال حفيدو ههههه
سهى: ههههه ما يصرا شي تهناي
و حطت لي في يدها و طلعت لبيت شفاء ... دقدقت لباب و دخلت ..
سهى: شفاء
ما ردتش عليها ولات دخلت لقاتها متلبكة
سهى : شفاء وش بيك
شفاء: اكيييد ناسية حاجة ... علبالي نسييت انت رش هي !!
دخلت افراح بالوقت ...
افراح: الخلخال ...
دارو شافو معاها
افراح: شفاء احنا نسينا لخلخال ما جبناهش من عند الصايغ ...
شفاء: قلتلكم نسييت كيف راح نعمل ... لوووه ربي سيدي كيفاه راح من بالي ...
افراح: يزي ما تقلقي روحك ذرك نشوف يوسف فيسع نمشي لصايغ نجيبو ونجي
سهى: و الدراهم!!
شفاء: خالص سلكتو كان كبير برك خليتو ينقص فيه و راحت من بالي نجيبو ... والله كان تسمع امي تذبحني ...
سهى: اممم ما فماش عندنا عروس تخرج بلا خلخالها
افراح: تي وش تحكيو تقول عصر الحجري ... تي اصلا مش را تخرج راح تبدل لغرفة و برك ...
سهى: حتى كان هك .. يقولو باه تكون دخلتها ساهلة تلبس خلخال
افراح: هههه خرافات
شفاء: هيه اصلا نتي لا علاقة مع العادات تو نشوفو في عرسك كي يحتموه عليك شتعملي
افراح: شكون قال بش نعرس ....
قطعتها من وراها
شافية: بش تعرسي اكيد مش راح تبقاي هك ...
زربت هدرت شفاء ..
شفاء: افراح مش كنتي راح تمشي تجيبيلي لحوايج من بيتك
سهى و انا بش نكسل روحي شوي ...
افراح: رايحة و خرجت ...
قربت شافية من شفاء و سلمتها درا كانو حاجة داخلو لافاتو بيه ...
سهى تبسمت خاطر علبالها وش فيه ...
شفاء: وش هذا نانا ...
شافية: لحاف سرير
شفاء: تع من
شافية: زمان كنتو صغار صنعت ثلاثة واحد لسهى و ليك و لافراح ... قلت نسلمهملكم بيوم عرسكم ... نحبك تفرشيه بعد دخلتك
حشمت و هبطت راسها ..
شفاء: باهي نانا ربي يديمك فوق راسنا
شافية: امين ...
#هدولة
