🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.50📍✿
دخلت عليهم .... نطقت خلاتهم كل يشوفو معاها ....
افراح: وش لي بش تقوووليه نانا ... وش التخرويض لي تحكيييو فيها ..... وش من زوااج تهدرو عليييه .... كيفاه تخممو تزجوني بلا ما نعرف!!! و بيوسف وش الشكشوكة هاذي .... تسمعو وش راكم تقولو ...
فتيحة: افراح بنتي حنا ...
افراح: وش نتووومااا اخالتي واااش اه!!!
شافية: شفنا الصح انك تتزوجي بيوسف مجاتش فرصة نقولولك برك ...
ضحكت
افراح: هههه الصح مالاا!!! ماكو خميتو و قررتو... كنتو بش تخبروني نهار العرس ولا وكتاااه !!!! اصلا شكون عطاكم الحق تقررو علياا!!!
فتيحة: افراح اسمعينا ...
افراح: مااا عندي ما نسمعكم ...سمعت كلشي ....
شافية: لمصلحتك بش تعرسي بيوسف .... لمصلحتكم فيزوج ...
افراح: مش بش نعرس بحتاااا حد تفهمي ... و نعرف مصالحي وحدي و يوسف مش صغير حتى تقررو مصلحتوو..... لا هو مهدي ولا انا شفاء
شافية: افراااح ما تقلقينيش ....
افراح: انااااا لي قلقت ذرك يا نانا ...
شفاء: افراح اسمعينا
دارت ليها وهزت صبعها وجهاتو جيهتها
افراح: نتي بالذات .... بذات نتي تسكتي و ماا تهدريش معايا ....
شافية: افرااح سكتيينا.... قررنا و حتى جدك و موافق
افراح: شدخلني في جدي و فييييكم اه !!!!! انا مش مواااافقة وما تنجموووش تحتمو عليا حاجة ما نبغيهاش
فضيلة: لا يكون حد في حياتك يا طفلة
افراح: اووووووف.... انا وين و نتوما وين ....ولا يمكن نتزوج بيوووسف و حطوها في مخكم .. يوسف خوويا ... وهو مستحيل يواافق ...
فتيحة: افراح انا ....
افراح: خلااص خالتي انا لي عندي قلتوو ....
شفاء: يحكو لمصلحتك
افراح: انا مشني نتي ... باه يقررو في بلاصتي و انا نعمل لمستحيل بش يتنفذ لي يبغوه .... الذل مش انا لي نعييشو (اصبري برك تيم راه فالطريق هههه)
دخل عليهم ...
يوسف: شبيه صراخكم برااا وش كاين!!
افراح: هاه جا يوسف .... بش نخبرو بالمهزلة تاعكم
يوسف: وش كاين اافراح !!! وش من مهزلة
افراح: بش يعرسولنااا ... لمصلحتنا ...
شاف فيهم يوسف كان منبههم ما يحكيوش معاها
افراح: مش قتلي انك مش موافق ؟!!
يوسف: افراح هدي روحك .... بش نفهمك..
شافية رتاح قلبها خاطر تعرف انو يوسف يحب افراح من صغرو ... و مستحيل يتخلا عليها ...
افراح: يوسف والله تعصبت بالصح .... و خبرتك لمرة لي فاتت... وعلبالك قدواه يقلقني الموضوع هذا
شافو الكل في بعضاهم!! يعني هي كانت علبالها!!
يوسف: افراح مش قتلك ما تقلقيش روحك .... و شاف معاهم ... انا ولا يمكن نسمحلهم يزوجونا .... تبسمت افراح .. و تصمرو لباقي ...
شافية: يوسف .. قبل ما تكمل و تفضحو بلي يحبها نطق
يوسف: انا خذييت قراري و مش راح نتراجع.... بش نعرس باحلام عشماوي....
افراح: 😳
شافية: يووسف ما تحكيش و تقرر من راسك
يوسف: انا نعمل فالصح يا نانا
فتيحة: ما نرضاش عليك كان عملتها
افراح: وش لحكاية .. وش يعني تتزوج باحلام ...
فضيلة: يوسف قرر يتزوجها فمجلس العشائر
يوسف: امي ما تقوليش هك ... خاطر كان مش بش نتزوجها بش نموتو ...
افراح: يوسف نتا مش ملزم تتحمل غلطت مهدي خلي هو يتزوجها...
شفاء: افرااح
افراح: قتلك اسمي ماعاد تنطقيه على فمك ...كان ما ذليتيش روحك ماكناش وصلنا هك ...
شفاء: قتلك اسكتي
افراح: مش راح نسكت ... قالك انو ما يحبكش بصح نتي بقيتي لاصقة فيه ...
شافية: افراااااح
افراح: شبيكم كل ما نهدر افراااح افرااااح ....
شافية: خاطر كل ما هدرتي تزيدي الطين بلة في عوووض ما تلومي شفاء لومي روحك كان مش انتي ما نوصلوش لي رانا عليييه
شافت افراح في يوسف تلمو دموع ... اصلا دموعها غير يوسف لي موالف يشوفهم .... غير شاف لمعة عيونها ... عيط .....
يوسف: نانااا
افراح: خلاص يوسف ..هوما عندهم حق ...
خرجت تزرب صح كل ما تهدر تزيد مشكل على مشكل .... ..
يوسف: بردتووو ذرك ؟!!!
جا بش يلحقها ...
شافية: خليييها وحدها ...
فضيلة: افراح و حافضينها ذرك تطلع تشم هوا برا و ترجع كانو ما صرا والو
قدمت شافية ليوسف ...
شافية: انا مش مقتنعة يا يوسف بلي تعمل فيه ... كيفاه تسمح روحكك و دير هك !!
تنهد اصلا حتى هو مش مقتانع ....
يوسف: افراح هي اختي ... ومش راح نقبل ولا راح تقبل اننا نتزوجو .... هذا هو الصح ...
