🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 48📍✿
......
وين الكل بقا مصدوم فلي قالو يوسف ... حتى تيم و عرشو في حد ذاتهم تفاجؤو .... مكانوش يستناو فيها .... بلقاسم تعصب ... يوسف عارض قرارو و وقف ضدو .... الشي لي راح يخليه يبان قدام العشماوي ما عندوش كلمة في عرشو ..... دار عند يوسف ...
بلقاسم: يوووووووسف ماكش ملزم انك تتحمل غلطت غيرك و تتستر على وسخهم ....
شاف الياس في تيم يستنا في اشارة من عندو باه تنوض حرب العشائر ... تيم مبرد اعصاابو.... لحد الآن كلش تحت سيطرتو ....
يوسف: انا نتحمل نتيجة قراري هذااا ... ومش راح نتراجع .... و دار عند تيم و هدر
يوسف: هدرت و هنا يتسكر الموضوووع ....
تيم: ... سي بلقاسم هاو خرج كاين راجل بينكم ....
عمار: تيم قول لرجالك. يهبطو سلاحهم .... لميتكم باه نلقاو حل يرضي الطرفين مش بش تنوض الحرب ....
شاف في الياس لي كان هاز سلاحو .. وعمل اشارة بيدو كل رجالو هبطو سلاحهم ...
بلقاسم: طول ما انا عااايش مستحييل يصرا الزواج هذااا .... ولي باغي توصلو في احلامك ما تلحقلوووش .... و سي عماار انا نعمل لي يرضيني ...
عماار: الحاج
سكتو فاللحظة
بلقاسم: اذااا باغي يسيح الدم خلي يسييح....
عمار: الحاج مااا تتسرعش ...
يوسف: جدي انا مااا نعاودش كلااامي .... الطفلة بش تكون تحت جنااحي انااا و اذا حد معارض لي قلتو ينجم يتفضل ...
دقايق معدودة عم فيها الصمت .... يستناو في حد يدير رياكشن ... حتا قام بلقاسم و جاي ماشيي خارج ...
هز تيم يدو لرجالو باه ما يديرو حتى حاجة .... كلشي بش يوصلو وحدة وحدة .... لحقوه واحد ورا واحد ... حتى بقا يوسف و زوج من لعباد .... عينو على مهدي لي نساحب كانو مش هو المسؤول على كل هذاا ....
نطق يوسف...
يوسف: من ليوم قضيتك معايا انا يا تيم عشماوي .... و اذا عندك حساب مع شي حد من لي خرجو بش تحلو معاايا انا ....
تبسم تيم .... تذكر وقت قالولو لي يعيطولو سبع ال خليفة ....
عمار: يوسف كيما قال جدك نتا ماكش ملزم تتحمل غلطت حد ...
تيم:و انا موافق نتعامل معاك ...
دار عمار يشوف معااه ... و هو متاكد انو تيم عندو خطة اكبر من انو تكون قضية شرف بنتهم و برك ....
عمار: يوسف ما لازمش يعارض قراار عشيرتو يا تيم .... و انا هنا كعنصر حيادي بينكم مش قابل يوسف ياخذ قرااار وحدو ...
شاف الياس في تيم و هو مش فاهم وين باغي يوصل ...
تيم: لي يهمني وصمة لعار تتغطى ...
عمار: بش تتغطى بصح مش بالطريقة هاذي
يوسف: قلت بش نتحمل نتيجة كل كلمة قلتها
عمار: بلا موافقة العرش!! ما يكونش الزواج
يوسف: خليولي يومين بش يتعاود يتلم مجلس العشائر وقتها عشيرتي بش توافق و الفاتحة بش تتقرا
تيم: يوومين ... بعد اليومين هاذو ناكدلك الدم بش يسقي الاراضي من جدييد ....
و ركزو لزوج في بعضهم .... واحد نار لي بش تحرق كل لي يجي قدامها و لاخر الماء لي بش طفي النار و تخمد الحرب لي مزالت ما بداتش .......
عدل الفاست تاعو ... شاف مع الياس و تحرك خرجو ....
شكر الرجال لي كانو واقفين معاه ... و كل حد مشا على روحو .. نطق
الياس: تيم مش فاهم ... وين باغي توصل!!! كنا نجمو ناخذو و فوق من خشمهم
تيم: مش كلشي يجي بالقوة ... بش نسيطر على كلشي ... اولهم بش نحي كل حاجة راح تعرقلي طريقي ..
الياس: تحكي على يوسف!!
تبسملو
تيم: هاك وليت تفهمني فيسع ...
الياس: ههه فهمتك
و تبسملو تبسيمة كلها خبث ... مليانة غدر ... تبسيمة ما تبشرش بلي راح يصرا فيه خير ...
( اه يا تيم عطيني شوي من تخمامك ندمر بيه عدياني هههه)
