🔥🍯️ عــــــــــرش الـــــــــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.05📍✿
في قصر ال عشماوي .. بعد ما لكل تعشاو مع بعضهم... دخلت عليهم من جديد هازافي يدها سنيوة ... ريحة القهوة العربية نتاشرت فيكل الصالة... حطتها فوق الطابل بعد ما خذات الاشارة من عينين جداتها بدات تصب فيها و هو عينو ما نحاهاش منها... مش صابر عليها... اما هي كانو عيونها لاسقين مع الفناجل... ما هزتهمش... ولا عطاتو نظرة من عيونها...... وزعت القهوة على امها و فيصل خوها و ڨرمية... حتا نطقت...
ڨرمية: هند قومي كملي صبي على اختك و وزعي على لي بقاو... وانت احلام جيبي قهوة خطيبك و اقعدي حذاه... جا لوقتلي لازم نحكيوفي موضوعكم...
مع سمعت لكلام تقول اعصابها ترخفو.. طيحت الفنجال ليفي يدها و ساح ليكان فيه.. يديها يرعشو.. و عقدتهم مع بعض بش مايبانش عليها
احلام : سم.. سمح... سمحولي....
نطق بكل صوت رجولي
تيم : مش مشكل
قدمت بخطوات مترددة و قعدت حذاه
ڨرمية: بما انو تيم هو كبيرنا من مدة نخمم انو للعايلة هاذي لازمها تكبر و تعمربالصغار لي يكملو نسلنا...
هزت يدها حكمت يد تيم و و بيد تانية حكمت يد احلام لي كانت ترجف.... و كملت نطقت
ڨرمية: من صغرهم وانا ما نشوف غير احلام لتيم و تيم لاحلام
شافت فيه كان وجهو ما دل على شي اما مبين الرضى عليه.. عكسها لي تخطف من ووجها اللون... و تعض في شفافها من التوتر
ڨرمية: شقولك تيم... نبداو نجهزو؟!
تيم: لي تشوفيه نتي يكون يا لالة... ابداو وجدو ما عندنا علاه نستنو كثر ...
احلام عينيها غرغرو و دموعها حاكمتهم بش ما ينزلوش قدامهم... ما تحبوش و ما تنجمش تقول لا... عندهم المرا لازم ترضى بمكتوبها و نصيبها.. و تتخلى... على... حاجةاسمها الحب و مبادءها.. ... تنطت من بلاصتها تحت انظارهم كل و خرجت تزرب... طلعت لبيتها و قواو شهقاتها.... لوقت لي كل لي لتحت ستغربو منها... و من تصرفها
ڨرمية: شبيها بنتك رقية؟!!!
رقية: يمكن مت.. متوترا برك خالتي... هند قومي شوفي اختك... نطقت بخوف و رهبة
#هدولة
لحقتها تزرب دقت عليها الباب و دخلت...
هند: احلام شبيك!!
صوت بكاها و شهقاتها قوا
هند: احلام نحكي معاك
احلام: ما بغيتوش ما نحبوووش
هند: خطيبك من 7 سنين علاه لتو باه ترفضي فيه....
احلام: مكانش موجووود ما قلتش بش يرجع
انا قلبي مش معلق بييه
هند : فات الوقت هو مش معارض
تنطت من بلاصتها .. ..
احلام: اماااان هند عاونيني ما نحبوووش ما نحبش نعرس بيييه قلبي معلق مع غيرووو مستحيل ناخذ من غير مهدي
هند : انا ماعندي مانعمل انا رضيت بولدعمي و انتلازمكترضاي.... و مهدي علاقتك معاه مستحيلة العيلتين مش راح يقبلووو انسايه انت بش تكوني مرت تيم عشماوي و من ادراك وش باغيا اكثر.....
احلاام؛: ما بغيييت شي بغيتو هو بغيييت مهدي افهمييييني اختي.... بش نقتل روحي احسنلي من انو نعرس ب تيم ....
فالدقيقة هاذي و مع كملت كلامها ... تهزو و تنفضو في بلايصهم ودارو في نفس اللحظة للباب يشوفومعاه بعدما سمعو خبيط عصاها فالارض و نطقت بصوتها لي يرهب... عينيها تڨدي نار 🔥....
ڨرمية: احلااااام ...
مخطوفين و حلو عينيهم على وسعهم... خوف لاتكون سمعتهم 😱 .....
