🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ29.📍✿
نزلت الدرج و هي تزرب .... تخبطت في فضيلة ...
فضيلة: شبيك افراح !!! علاه زربانة
افراح: خالتي ما شفتيش يووسف محتجاتو
ايرجون
فضيلة: وش هي ايرجون حاجة وصتيه عليها ؟!
ضحكت من قلبها
افراح: ههههههههه لا قصدي محتجاتو ضروري
فضيلة: هههه قولي هك .. لا ما شفتوش يكون مع جدك لحاج مع تجهيزات
افراح: باهي ذرك نلوج عليه
فضيلة: علاه خير
افراح: لا شي وصيتو على حاجة ما جابهاليش خلي نرووح نشوف وينو ... و كملت نزلت ... مع حلت الباب لقاتو مقابلها ..
يوسف: وين ماشية!!
افراح: ليك ... ركز معاها
افراح: يعني كنت جاية نحوس عليك
يوسف: علاه!!
افراح: رانا في ورطة ..
يوسف: خير وش صرا
افراح: لازم نروحو لبلاد ذرك ذرك
يوسف: وش كاين
افراح: تديني ولا لا!!
يوسف: نديك اما احكيلي!!
افراح: باهي هيا خلي نروحو فالطريق نحكيلك ... و خرجو مع بعض ....
#هدولة
خارجين من القصر .... سبقتهم احلام بش تركب لورا ....
ڨرمية : اركبي لقدام احلام ... انا و رقية نركبو لورا
احلام: بصح نانا
ڨرمية : ديري كيما قتلك ...
ركبت احلام جنب تيم لي كان يستنا فيهم ... و ڨرمية و رقية لورا
تيم: نانا وش فايدت نخرج معاكم انا الا ما اصريتي انا لي نجي علاه!!
ڨرمية: مش خطيبتك لي بش تخير صداق و جهاز... لازم انت لي تكون جنبها
تيم : لقرية قايمة فوقاني تحتاتي و نتوما همكم لوحدي هذا!!
ڨرمية: ما همناش في عرس ال خليفة ...
دارت احلام ليه و حكات بغصة .. بسيف ما خرجو لكلمات من فمها ... اصلا تعرف بلي عرس مهدي...
احلام: مش بش نطولو نانا اصرت نخرج
تيم: معليش...
من وقتها مزاد سمع صوتها لحتا وين وصلو ...
نزلو و توجهو لوين يبيعو لفراشات ... شراو حوايج لي عجبو ڨرمية ... احلام قلبها غاصها و كان ما حتمتش عليها قرمية ما كانتش خرجت ... هي مش تشري في جهازها هي تشري في كفنها لي بش يدفنوها بيه .... حاجة تخنق فيها تحب تعيط ... تحب توقف كل شي .... اما حاجة ما تقدر عليها .. راح تجيب لبلاء لروحها .... اصلا مهدي ستسلم و مش راح يحارب على جالها ... تمشي معاهم جهامة بلا روح ... حتى قرصتها امها
رقية: شبيك يا طفلة تقول غاصبينك والا في جنازة تبسميلك قدام راجلك ...
احلام : تمتم اي مغصوبة...
رقية:ما تخلينش نخبك نلسقك فالحيط ... تبسمي ما تخليش جداك تنتبهلك كي نروح نتفاهم معاك
بلعت احلام ريقها و تبسمت شطر تبسيمة كي وراتلها ڨرمية فراش و لمتها ثم ثم ....
تيم: نانا كان مطولين خليني تمشي و نبعثلكم شي حد يروحكم ...
ڨرمية: هيا خلاص بقات الصباغة و نكملو ...
احلام: نجمو نروحو مش لازم
ڨرمية: مش انت لي تقرري
هبطت احلام راسها
ڨرمية : امشي قدامي ... فاتو لصايغ ...
طيب (مول الصياغة) : مرحبا بيكم شرفتو الحانوت
حركلو تيم براسو ...
طيب: بواش تامروني
نطق تيم: صياغة الصداق ...
طيب: حاضر عندنا كل لي راح يعجبكم ان شاء الله .. بدا يخرجلهم القطع تع الذهب لمقليس و السلاسل ... و ڨرمية تستفقد فيهم ...
تيم جابد روحو على جيهة ... مش فاهم وش راهو يدير هنا و وش غاية ڨرمية تقولو يجي ...
#هدولة
قريب يوصلو ...
افراح: مش فاهمة علاه مزالو يصدقو الخرافات
يوسف: انت لي تقولي عليهم خرافات هوما عاداتنا و تقاليدنا ....
افراح: امم العادات و تقاليد لي خلاو حياتنا مبنية على ارض و عرض ...
يوسف: الارض و العرض و الدم يا افراح مش خرافات
افراح: ماك بديت تهدر كيفهم يا يوسف ... تعرف لي انا نقلق من المواضيع هاذي
تنهد ... و حب يغير الموضوع
يوسف: باهي ... قوليلي وش فايدت الخلخال ...
هدرت بلا ما تفيق ...
افراح: تصدق بلي يقولو تسهل الدخلة ... كملت هدرت و حلت عينها و حطت يدها على فمها .... من الصدمة
تبسم هو اصلا كان عارف ... و بغا يسالها خاطر كي تكون معصبة تحكي بلا وعي و تقول الحقيقة ... حافضها ماهو مربيها على يدو ...
افراح: سمعت!!
اممم
يوسف: هههه لا عملت روحي مش سامع ههههههه
افراح: اووووف علاه تسقسيني ماني قتلك خرافة
يوسف: خلاص خلاص ما تقلبيش شفافك
داخلو فرحان مش عارف علاه ممكن خاطرها تحكيلو كلشي... ولا ممكن يحب يملكها وتكون حلالو في اقرب وقت .... وصلو .. و حبس قدام البازار
افراح: خلي فيسع نروح ونجي
يوسف: بش نجي معاك ....
افراح: خلي فيسع و نجي ...
يوسف : تفوتي خمس دقايق نلحقك
افراح: ما نفوتش .. و راحت تزرب ... و صلت دزت باب الصايغ و دخلت ....و مشات تهدر مع الصايغ ...
افراح: عمي طيب الخلخال.... ما كملتش هدرتها دارو عندها كل يشوفو معاها .... و تفاجات انهم طلعو العشماوي لي قدامها ....
