🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 24📍✿
بقات جماعة لداخل
سليمان: الحاج اقعد
بلقاسم : شوف سليمان تعرفني اذا تقرصت.... لبلاصة لي تقرصت فيها ما نوليلهاش ....
الياس: القرصة من عندنا اما السم من عندكم
بلقاسم: حد ما تكلم معاك
الياس قريب يترطق ...
عمار: يا الحاج مش تلمينا ليوم على اساس الصلح
بلقاسم: انا جيت ليوم باه ناخذ ارضي
الياس: نحب نفكرك بلي الارض ارضنا
بلقاسم: الارض ارض جدودي و بش نردها
الياس: احنا لا نعرف جدودك ولا جدود جدودك لي نعرفو الارض ارضنا ارض العشماوي و كان تتقاس بش نوضو قيامتنا عليكم .. و بش ناخذو الباقيين منكم
سليمان: الياس ما تتسرعش و ما تتكلمش شي اكبر منك
الياس: العشماوي كي يهدر ينفذ ...
بلقاسم: على اساس شكونك باه تهدر و تقرر ما عنديش كلام معاك !!
الياس: . اساسا خلصت كلامي ...
و ناض خرج ....
#هدولة
دخل لقصر ... مشا لصالون ... وين كانت هازا مطحنة قهوة و ترهي في حبات البن ...
تيم: سلام
بلا ما تهز عينها ليه
ڨرمية: فيسع جيت ... كشما صرا!!!
تيم: والو
هزت عينها تشوف معاه لمحت شاربو مجروح حطت لي في يدها فوق الطابل ...
ڨرمية: هوما عملو فيك هك !!! شكوووونوو
تيم: خليه عليا نانا ... انا بش نحاسبو ...
زينة: تيم ولدي جيت
تيم: هيه خالتي
ڨرمية: قولي لاحلام تجي توجدلو قهوتو
زينة: امي فيصل بش
ڨرمية: زينة فيصل بش يبقا فالقرية
ما نعاودش لكلام الف مرة
زينة: اما امي مش مر عامين على غيابو
ڨرمية: ولدك غلط و قتل راجل من رجالنا احمدي ربك لي مش فالحبس
تيم: شفما نانا!!
ڨرمية: مش مهم كيما سمعت غلطت و قاعد يتعاقب على غلطتو ... برا ارتاح تو نوجدولك قهوتك
خرجت زينة و خرج وراها تيم
تيم: خالتي زينة ...
زينة: نعم ولدي
تيم: بش نلقا حل لفيصل ما تقلقيش روحك
تبسمتلو و عينيها يبرقو من الفرحة
زينة: ربي يرحملك الغوالي يا رب ويسهلك طريقك
تيم: امين ... و خرج عند الباب و هي مشات تلوج على احلام ..
#هدولة
خرج عيط لواحد من الرجال ...
تيم: كمااال ...
كمال: تفضل اغا
تيم: ابعث خبر لفاتح خليه يجيني ...
كمال: فاتح لي في قصر ال خليفة
تيم: و عندنا فاتح اخر مثلاا!!!
كمال: ساعة من زمان سكون عندك ..
حركلو براسو اوك و مشا يجري ...
بقا بشوف قدامو ... يخم ... و تمتم بين شفافو
تيم: بش تخلصوها غاليا وبالاخص يوسف بش نقضي عليك والا ما نكونش تيم العشماوي
#هدولة
روحو ... دخلو لقصر ...
شافية: جيتو !!
بلقاسم: ماكي تشوفي فينا قدامك لا حول ولا قوة الا بالله ... و مشا لبيتو
شافيا: يوسف وش صرا جدك على اعصابو ...
فضيلة: ما قبلش العشماوي يمدلنا الارض!!
يوسف: لا امي ما قبلش ... و مشا هو ثاني ...
فتيحة: مهدي احكيلنا ما تهربش نتا ثاني
مهدي : لا فوتو خلي نحكيو لداخل خلي جدي ما يسمعنيش ...
فاتو للكوزينة و ردو الباب .. حكالهم كلش بالتفصيل
فتيحة: اوووووه هك قال ؟!
فضيلة: والله يستاهل كي ضربو يوسف
شافية: لا هو عملها بلعاني..... يحوس انو العشائر توقف معاه و على حق... هو قاري و حافظ الخطة لي من سنين يخططلها ... يعرف تصرفاتنا بالواحد ... بش يحاول يلعب بينا ..
فضيلة: شتقصدي امي !!
شافية: هدفو مش الارض و بس هو باغي يدمر ال خليفة كلها ...
مهدي: لا نانا بش ناخذو الارض منهم ... و بش ناخذو حوايج الباقيين ثاني ...
فضيلة: امي انا بديت نخاف ما بقالي الا ولادي فالدنياااا خايفة على يوسف
مهدي: ايه خافي على يوس ما هو بطلنا المغوار ...
و خرج ....
شافية: برا كل وحدة تشوف خدمتها بش نفوت للحاج ....
هاذو 5 حلقات لي وعدت لبنات لي دارو اشهار للكرونيك فالقروب اليوم ... حاولو يطلع التفاعل... ما رجعت و درت لكوراج لروحي بسيف ما تخلوش مورالي يهبط 🥺😔
