🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ 18.📍✿
لحقتها و هي تأفأف على مهدي ... دخلت للبيت وراها ..
افراح: شفاء
ما ردتش عليها .. تشوف فيها قعرت و تاكل في ضفارها ...
افراح: راكي مليحة ...
سكتت شوي و رجعت شافت نعاها عينيها حمر باين عليها حابسة دموعها .. بعدها ردت
شفاء: علاه نهمكم اذا مليحة ولا لا ؟! اصلا شكون هي شفاااء
افراح: وش دخلني انا علاه تجمعي وكتاه ما كنتيش تهميني
شفاء: ما نهم حد .. وحد ما عاملي اعتبار .. كيف كاينة ولا مانكونش .. هدرت والا لا ... حد ما نهموو
افراح: علاه تحكي هك ..
شفاء: سمعت لي حكيتيه نتي و مهدي
بلعت ريقها ...
افراح: وش لي حكيتو
شفاء: افراح جاوبيني وقولي لحقيقة ...
حركتلها براسها اوك بمعنى نصارحك
شفاء : تعرفيها !!
افراح: مفهمتش قصدك
شفاء: لي يحبها مهدي
سكتت مالقاتش وش ترد
شفاء: سمعتكم مااا تنكريش كنتو قراب من بعضاكم
افراح : وين لمشكل !
شفاء: سقسيتيه وش لي راح يصرالي وقالك لمحتلها لي حياتي مش معهااااااا وش تفسريلي !!!!
افراح: انا و انتي علبالنا مهدي من الاول هذا قرارو .. انت لي مش باغيا تصدقي ...
تحرك في راسها بلا مش باغيا تسمع مش حابة تواجه الحقيقة و تصدقها .. ... ناضت مشات شوي تاكل في ظفارها من التوتر .. فجأة دارت مخطوفة و نطقت ....
شفاء : لاتكوني نتي هي لي يحبها
عملتلها قريماس تع استغراب
افراح: كيفاااه وش راكي تخروضي ... انا و مهدي !!!! تي راهو خويا
شفاء: مش خوووووك ما تحاوليش تقنعيني و تقولي خويا و تلعبيها من ورايا ...
افراح: راكي تسمعي وش راكي تخرجي من فمك !!! علاااه بش نلعبها عليك .. انا كان بغيت حاجة نديرها وقداام الناس ما نعملهاش من ورى الضهور
شفاء: ااااا صار ذرك تقولي نعملها قدام الناس .. و كتاه كنتو بش تخبروناا اه ... اصلا من بكري ونتي هك .. لحاجة لي باغيتها ليك تكرهيني فيها باه تديها انا مش راح نسمحلك المرة هاذي و نخليلك مهدي ...
افراح: اووووف تي راكي كبيرة مهدي مش لعبة نتخاطرو عليها شكون بش تديها و حبيتي ولا كم كرهتي اتقبليها مش انا لي قلت لمهدي ما يحبكش... و مش انا لي قنعتو باه يشوف في غيرك ..
وهي تهدر صرخت في وجها
شفاء: برااا ... افراااح قوووووتلك برااااا
افراح مصدومة من لي تقول فيه شفاء ما توقعتش نهار انو تهدر لكلام هذا ... ما توقعتش انها تتقاس ومن شكون من الطفلة لي حطتها كي اختها .... تشوف في عينيها مش شايفين قدامها نار الغضب عماتلها عيونها غيرتها على مهدي خلاها ترد لوم على افراح وهي مش فاهمة الموضوع و مش حابة تفهمو ... لكلمة لي على لسانها تقولها ... افراح تحطمت داخليا ... اما شخصيتها قوية .. فيسع ما جاوها الكلمات بش ترد عليها ..
افراح : قبيل سقسيتيني إذا مهدي في قلبو مرا اخرى .... بش نجاوبك ... صحيح كاين ....
شافت فيها شفاء و ركزت ...
افراح: اما تهناي مش انا ... و مستحيل نديرها و ثاني مش راح نخبرك شكون خاطر مانعرفش و حتا كان نعرفها ما نقولكش.... بصح راح نقولك وش خبرني لتحت .. هو قالي انو قلبو مش ليك ...
بقات تشوف معاها ما دارت حتا ردت فعل اصلا علبالها ...و الكلام هذا قالهولها مهدي بذاتو....
افراح : مرة اخرى قبل ما تحكي يا حاجة يا لالة ...اوزني كلامك مش انا لي يتقالي الكلام هذا ...
قبل ما تجاوبها هزت روحها وخرجت ... وخبطت لباب وراها ... مشات و دخلت للبيت لي حذاها.... قفلت الباب مشات لبلاصتها .. حطت راسها على لمخدة ... تخمم و سهات لبعيد ... و هبطت دمعة لخصت كل وجيعتها من الداخل ... هي صح كبرت وسط عايلتها و تربات مع ولاد عمها و لي تبغيه يحضر اما ديما تحس روحها وحيدة ... لا اب و لا ام و لا اخ تواجه فالحياة وحدها ... بجسمها الضعيف ... بنات شخصية القوية لي تنجم تواجه بيها اي حد بلا خوف ... يتكسر قلبها و يجبر وحدو عمرها لا شكات حقها تجيبو وحدها من صغرها كانت تحتاج عايلة و حضن والدين تدفى بيه .... لدرجة جراحها يطيبو وحدهم مع الوقت بلا ما يشوفهم حد ... في حياتها كاين حلقات ناقصين منهم .. حد ما يحكيلها على الماضي .. مدام امها ميتة وينو قبرها !!! حتى صورة لبوها و امها مكانش ... شكون هي !! علاه الحلقات لي تحوس عليهم ما لقاتهمش ... صعيبة انك تعيش وحدك ... صعيبة انك تواجه العالم من صغرك وحدك ... صعيبة انك تحاول تعيش كيما تحب و ما تنجمش خاطر مكانش لي يدعمك ... تمرض طيح و تنوض وحدك ...
تنهدت تنهيدة من قلبها ... مسحت الدمعة لي طاحت ... .. غمضت عينيها ... و ستسلمت لنوم ...
100جام و كومنت نكمل
