🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ26.📍✿
قاعد بين لحقول قرعة شراب في يدو .. ممكن الرابعة لي يشرب فيها ... و يحكي معاه فالمواضيع ...
مهدي: تعرف يا فاتح كان جيت رئيس عشيرتنا كنت نسمح في كلش غير باه تتنحا العداوة بين العيلتين .... كنت بش نحي الخوف و نخلي السلام بينا ... التراب هاذا شبع من الدم ... لوكتاه بش نبقاو هك ...
فاتح: عندك حق و انا كنت راح نخم هك كان جيت في بلاصتك ...
مهدي: بصح تعرف لي مش مليح انو انا الوحيد لي نخمم هك ... حتا من يوسف خويا همو انو الارض ما تتمسش و قادر يضحي بحياتو عليها ...
فاتح: الا ما تكون حاجة عندو اهم من الارض و العرش معدي: اممم حاجة تنسيه فيها
فاتح: وش هي ...
مهدي: بصح تقعد بينا
فاتح: حاشي يا مهدي كاش نهار حكيتلي حاجة و خرجتها ...
مهدي: حبيبتو قادر يسمح فالارض على جالها و عندو حق في هاذي كان جيت منو كنت خميت كيفو ... كنت سمحت فيها للعشماوي باه يمدوهالي ...
فاتح: يعني تقصد يحب وحدا من العشماوي... قاطعو
مهدي: لا لي يحبها من عرشنا و من قصرنا افهمها هههه
فاتح: مهدي تحب نوصلك لدار سكرت ياسر
هدر بعد ما شاف في ساعتو ...
مهدي: لالا ماعلييش نكمل القرعة و نروح ...
فاتح: مالا انا نخليك تعرف نهار كل ما رحتش لمرتي و ولادي
مهدي: رووووح الحب صعيييييب و البعد على لحبيببيييب اصعب
فاتح: هههه تصبح على خير يا لعاشق لولهان ضحك و راح خلاه وسط لحشيش
#هدولة
كمل تعشاو و مشاو قعدو...
ڨرمية: الياس تيم وينو !
الياس: قال عندو خدمة صغيرة ويجي ...
رقية: سيف اطلع عيطي لامك و لخالتك احلام
ڨرمية: عيط لاحلام برك ... هند ما نحبش نشوفها
الياس: علاه وش دارت نانا
ڨرمية: وقاحتها زادت
زينة: امان امي مش قدام لولاد.
ڨرمية: اصلا وش مسهرهم لولاد لتو ...
الياس: سيف هز معاك بدر و فداء عيط لخالتك و فوتو ترقدو
سيف: حاضر
فداء: بابا
تبسم الياس اصلو ضعيف قدام بنتو
فداء: نحب نولي طبيبة كي نكبر ما نحبش نولي عروس
شاف فيهم... و نطق
الياس:اطلعي لبيتك ....
خرجو نطق
الياس: شكون قاعد يحكيلها لحكيات هاذو ...
قرمية ترحي فالقهوة مش سامعة بيه و هدرت كانو ما سالش
ڨرمية: تاخر تيم
الياس: فهمت ذرك علاه هند مخزنة روحها فالبيت ... خرج و طلع لبيتو ....
#هدولة
في طموبيلتو حابس على جنب ... يحكي معاه و مركز مع كل كلمة يقولهالو
فاتح: مهدي انسان تع روحو اناني ممكن يدمر عايلتو علجال مصالحو شخصية ما يتأمنش ... جدو ما يوثقش فيه ....و على الاغلب عاشق من عرشنا
تيم: تعرفها!!
فاتح: لا ما قاليش اما انا ستنتجت من كلامو ....
تيم: اعرفهالي ... و احكيلي على يوسف ...
فاتح: يوسف لي حامل كل المسؤولية ... قلبو حار على كلشي متهور و متسرع في الامور لي يخصوه ... يعمل ليل و نهار همو الوحيد الاراضي يضحي روحو على زوج حوايج ...
تيم: ليهوما
فاتح: الارض و حبيبتو
تيم: ههههه هاهو طلع عندو نقطة ضعف شكون هي!!
فاتح: من عرشهم و في قصرهم اكيد بنت عمو ... و قدرت نستنتجها بما انو رضى ولد الحاج عندو غير الذكورة مهدي و يوسف و سمير و سعيد عندو الا لبنات شفاء خطيبت مهدي و سهى متزوجم من ولد الحاج عمار ... تبقى وحدة لي هي بنت عمتك وردة ... افراح
بقا يشوف قدامو ... فاتت عليه هذيك الليلة نظرتها ما راحتش من بالو و جرأتها قدامو ...
تيم: افراااح ههه .. راح يعجبني الحال و انا النذل هاذا الراجل
فاتح: تقصد يوسف!!
تيم: مدام هو سبعهم وبطلهم راح نذلو و مش هو برك ... راح نخلي قبيلتهم تحت يدي...
و شاف في فاتح ...
تيم: خليك عندهم ... و رد بالك يحسو بحاجة ...
فاتح: من سنين و انا عندهم مش راح يشكو فيا ...
تيم: تنجم تروح ....
نزل و كمل تيم طريقو .... للقصر
