🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.11📍✿
مزالت في نفس لبلاصة .. متسمرة .. تشوف فالطريق لي مشا منها ... حتا قطعتها ..
افراح: شفاء شبيك !!
شفاء: شوف انت شعملت
افراح: مكانش قصدي يسمع ..
شفاء: سمع و خلاص
افراح: قالك حاجة قلقاتك
شفاء: بش يفض المهزلة .. هك قال
افراح: ما فهمتش
ركزت معاها و نطقت ...
شفاء: فما مرا اخرى في حياة مهدي ... متاكدة
افراح: اوووه نمي منين تجيبي0فيه السيناريو هذا
شفاء: انتو ما تحسوش اما انا نحس
افراح: بلعي بلعي.. شاعرة زمانك هههه
شفاء: مش نضحك نقولك مهدي فما مرا اخرى في حياتو
افراح: هو قالك!!
شفاء: لا
افراح: تي خلاص يكون قلق مني تو نروح نحكي معاه و تفض لحكاية
....
افراح: وينو؟!
شفاء: مشا جيهة البير
افراح: اوك بش نحكي معاه
شفاء: ليل راهو تمشيش تقرصك حاجة فالطريق خلي يرجع و احكي معاه
افراح: لاا ما يصرالي شي... نروح و نرجع فيسع ...
طلقت الريح لرجليها .. تمشي و تثبت وسط الشجر... غير ضو لقمر لي مضوي شوي الدنيا.... متوجهة جيهة البير ... تحوس ... وصلت للبير و ريحتو مكانش ... كملت مشات ... بعدهاا دارت وراها شافت من حولها ... هي تعدات الحدوود ... هي في اراضي العشماوي ... شجر الرمان عاملين طرييق قدامها ... رجعت خطوتين ... بعدها لمحت خياال... تمتمت
افراح: مهدي !!! شيعمل فاراضيهم .... مش ممنوع انو نتجاوزوهم !! مفرط فيروحو... مانجمتش تعيطلو خايفة خاصةانو في واراضي لعدو
تخمم تلحقو ؛!! والا ترجع للقصر وقت يروح و تسألو ... ثواني وهي تخمم كلام شفاء على وذنها ... بعدها خذات قرار انها تلحقو... بلكشي يكون صح ... و ترضي فضولها في هاذ الارض الليل مستحيل نكون الحراسة بزاف
بدات تمشي من وراه حوالي بينهم 400 ميترا.... وقف مقابل القصر ... وهي تخزر من وراه ... يشوف معاه .. و هي تشوف مع لقصر لي من صغرها ممنوع عليها ... خوف داخلها ماتعرفش علاه ... قلبها ضرب و يدها بدات ترجف .... كانو شي راح يصرا
ستراس ..... حتا تشوف فيها جاية و تزرب جيهتوو ... و تلاحت في حضنو ... حلت عينيها على وسعهم وهي تشوف فيهم ... شفاء معاها حق ... مرا في حياة مهدي ... مرا من العايلة لعدوة .... تسمع في كلامهم لخافت .. كلمة تسمعها و كلمة لااا ....
مهدي: انااا ما نعييشش حياتي على خاطر الناس بش نعيشوهاا مع بعض ... حد ما يهمني .. انت لي تهميني تفهمي !!
افراح رجعت خطواة لورا بعد لي سمعاتو ... كيفاه بش تخبر شفاء هي اختها مش بنت عمها و بس ... كيف راح يتكسر قلبها مع الانسان لي حباتو ... الانسان الوحيد لي بغاه قلبها قلبو معلق مع غيرها ... دارت و كملت تمشي و تزرب ... حتا وقفت ... و حلت عينيها على وسعهم ... من لي تشوف فيه قدامها .....
