🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.10📍✿
جبدت منو شوي ... و قعدو عينيهم؟ مع بعضهم
مهدي: شبيهم عينيك !!! كنتي تبكي ؟!!! عملولك حاجة!!! تيم عملك حاجة ..
يهدر بغش و في نفس الوقت خايف عليها ...
احلام: عرفت لي تيم رجع
مهدي: هو لي بكاااك ؟!! والله ندفنو... نقتلو و نشرب من دمو
بقات تشوف معاه ... كانها تحفظ في تفاصيلو ... عيات تخرج الحروف من فمها... غير دموعها ينزلو
مهدي: احلام انطقي حاجة
بلعت شهقتها... حكمتلو يدو... و زيرت عليها.. ركزت مع عينيه و نطقت
احلام: مهدي بش نعرس.... بش نعرس بتيم
قالت جملتها و رجعت تبكي بشهقة
جن لحمر ركبو ... عينيه حمارو
مهدي: مستحييل نسمحلهم ... مستحييل نخليك تعرسي بيه ...
احلام: من؟ الاول علاقتنا غالطة ... لازم كل حد يشوف طريقو ... انت بش تعرس ب شفاء و انا ب تيم و كل حد راح ياسس حياتو
مهدي: سكري فمك ... لكلام هذا ما نحبوووش يتعاود والا بش نتغشش منك
احلام: هاذي لحقيقة بش نتقبلوها ... حتى و حد فينا ما عرس.. علاقتنا مستحيلة .. لعشيرتين اعداء ... دم لي سال بينهم مستحيل يرجع مااا ... مستحيل يا مهدي
#هدولةفالصالون ... هاز فنجال قهوتو .. واقف عند البلار يطل على اراضي لمقسومين مع ال خليفة... يخطط و بخمم و عينو على القصر ليبان من بعيييد.. ... حتا سمع خطوات متوجهين ليه ... رشف قهوتو و دار ...
الياس: جدي كان يوقف هك وقت كنا صغار ... تتذكر !!
تيم: كلامو و وصايتو عند وذني لتو
الياس: اما؟ وصاية !!!
رجع رشف وش تبقى من القهوة... و خزر نظرة موت ... لجيهة القصر ....
تيم: الارض و العرض و الدين ... ثلاثة تسيل على جالهم الدم .... و اراضينا بش ترجع كلها
الياس: و عرضنا !!
تيم: لحكاية تقفلت من 22 سنة كل حد خذا جزاءو
الياس: و عمتي وردة
دار شاف معاه
تيم: وهي ماتت...
فاللحظة هاذي وصلت ڨرمية عندهم لحقت على اخر لكلام...
ڨرمية: شكون لي ماتت
شاف الياس في تيم ... كان بش يهدر سبقو
تيم: بنتك....
تنهدت ...
ڨرمية: بش نرجع حق بنتي
الياس: اما نانا
رفعت يدها بمعنى ستوب 🖐
ڨرمية: بش نرجع حق بنتي لي غدروها في صغرها ... لحق لي سكتني عليه حمدان طيلة 22 عام لا نطقت حتا منسيرت بنتي ما جبدتهاش ... تو بش يخلصو لقديم و جديد
تيم ما نطق شي ... فجأة حل لبلار و خرج للجردينة... يزرب بخطواتو متوجه جيهة الشجر والغابة .... خلاهم من وراه مستغربين ... ؟!
تتوقعو يكون شاف احلام و مهدي ؟!!!
هيا اراءكم و توقعاتكم
احلام و مهدي 🔽🔽