🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 20📍✿
حلت عينها متحمسة ليوم تهز شهادة التخرج تعها ... و هكا تكون افراح اول بنت في عايلة ال خليفة و من القلائل لي فالعشيرة لي كملت قرايتها و تخرجت من الجامعة... و بحكم انو ممنوع عليها تقرا بعيد تخلات على التخصص لي تحبو و قرات التخصص الموجود فالولاية لقريبة تروح تقرا صباح يديها يوسف و كيف تكمل يروحها هذا الشرط لي سمحلها باه تقراا ... الساعة مزالت تشير لل 5:00 تع الصباح ... افراح كملت لبست هزت شعرها و عملتها كعكة داخلا بعضها بحكم انها تحمست و ما عندهاش وقت تعدلو ... هزت الفاست تعها نسمة باردة مع الصباح ... خرجت من بيتها و طلعت عند يوسف .. دقدقت على بيتو ... و تهمس باسمو
افراح : يووسف ... يااا يوسف هيا نوووض
يفتح في عينه و يتعمد ما يردش باه تزيد تناديلو باسمو اكثر ...
افراح: يااا يوووسف اذا ما نضتش والله نحل لباب و ندخل تعرف كيفماه نفيقك
تبسم اخر مرة عمل روحو ما فاقش صبت عليه بيدون ما بارد شمخاتو ههه
يوسف: نضت نضت .. اهبطي تفطري ما بين نلبس و ننزل ..
افراح: ما طولش ..
نزلت وين لقات جدها ... تفكرت بلي كان قلقان منها قدمت باستو من خدودو ... رغم من انو زعيم العشيرة و شخصيتو قوية قدام الناس و العايلة اما هو ضعيف قدام افراح ... يحس روحو هو المسؤول على حياتها ..
افراح : بلقاسم الحاج ما زلت قلقان مني
رد عليها بكل برود
بلقاسم: وين بيها على صباح
دخل يوسف من وراهم
يوسف: ليوم افراح تهز ديپلوم التخرج
افراح: ايه جدي رايحة نجيب اوراق التخرج بحكم ما سمحتوليش نحضر حفل التخرج و هبطت راسها
تنهد اصلا كان خايف عليها عليها ما سمحلهاش تروح ... تقدم ليها و رفعلها راسها
بلقاسم: بعني نتي جينيورة ذرك
تبسمت
افراح : نحتاسب مديرة اعمال
ضحك
بلقاسم: هيه مليح قريتي باه تولي مديرة اعمال في دارك و ولادك
وجها ضرب فيه الصفورية ... كل مرة يفكروها انو الطفلة فالاول ولا فالاخر راح تكون في بيت زوجها ...
و لقراية لطفلة حاجة مش لازمة بلعت ريقها ....
يوسف: افراح هيا راح علينا الحال ... حركت راسها ب اوكي زربت خرجت تتوتر كل مرة يجبدولها الموضوع هذا شاف يوسف في جدو لي رجع يقرى فالجريدة و نطق
بلقاسم: كون هنا قبل الضهر عمار و سليمان بعثولي خبر قالو بش يعملو لقاء مع العشماوي ... بلاك فرخهم جديد يرضى يسلمنا الارض ...
يوسف: ان شاء الله
و خرج لحقها .. لقاها فالطوموبيل ... ركب نوض و ديمارا نص الطريق ساكتين ...
دار شاف معاها و رجع يسوق و نطق
يوسف: افراح ما تقلقيش لازم تكوني فخورة بروحك ...
افراح: بواه فخورة قرايتي و كل لي درتو راح نخبيه فالخزانة .. و نسكر عليه
يوسف: انت لي عليك درتيه ...
افراح: قال وشيه بلاصة الطفلة في بيت راجلها
بقا ساكت ...
يوسف: يمكن في بيت راجلك تقدري تخدمي
ضحكت باستهزاء
افراح: وينو الراجل لي في عشيرتنا لي راح يخليني نخدم يعيش خويا.... كان لقيت واحد هكذا وريهولي انا نهرب ليه هههه
زير على المقود مش عارف كيفاه كيفاه يصارحها بحبو ستنا سنين هاذي كل مش قادر يصبر كثر... كلامها قلقو ...
يوسف: لي فيها الخير
مش راح نطلب بزاف ديري جام و حطي كمونتار برك 🥺
