🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 31📍✿
كل طريق ساكتة و تخمم ... خرجت من الحانوت كي الشعرة من لعجين ... حست بالذنب ثاني من جيهة احلام .. اكيد بش يقتلها بش يشرب من دمها تيم الليلة ... اذا طلع عليها النهار راهي مليحة ... المنظر و هو يخنق فيها ما تنحاتش من بالها .... زهرتو وقت كان يسقسي فيها تتردد على مسامع وذنها ... قاطعها وقت سالها
يوسف: افراح كنتي لباس من لي دخلتي و نتي مش قد بعضك ...
تلبكت كثر .. تحكيلو ولا لا ...
دارت شافت معاه و نطقت
افراح: لقيت لعشماوي عند الصايغ ...
غير كملت زوج كلمات هاذو حتا توجهت لقدام و و رجعت تخبطت فالكوسالة .. خاطرو فرينا باللحظة
يوسف: وش قالوولك !!!!
في بالو قالولها لحقيقة .. انها امها من عايلتهم ...
افراح: شى انا لي قلت و ندمت ذرك ...
يوسف: مش فاهم ...
افراح: يوسف بش نخبرك سر و اوعدني يبقا بينا
حركلها راسو اوك
افراح: وعدني سع
يوسف : وعد وش كاين ...
افراح: مهدي ...
يوسف: راح تجلطيني وش بيه مهدي و شدخل العشماوي ...
افراح: مهدي يحب وحدا من العشماوي بنت عم تيم ...
نطقت كلماتها مرة وحدة و قعدت تشوف البركان كيفاه راح ينووض ...
يوسف: كيفاااااااه .... مهدي ... مهدي خويا !!! مع لعشماوي ... والله بش نقتلوووووو ... يحب يقضي على العايلاا ... يهدر و يخبط فالفولون ...
يوسف: منيين عرفتي !!! هو خبرك ؟! لا مستحيل ما يتجراش يحكي حاجة هك
افراح: ليلة لي كنت في حقول العشماوي لحقتو .. خاطر كان حاب يفسخ خطبتو بشفاء و بهرب هو و ... و حركت راسها حشمت تقول عليها حبيبتو ..
يوسف: اااااااااااااااه مهديييييي والله كان طيح في يدي
افراح: يوسف نتا وعدتني ... و خلاص هاهو بش يعرس بشفاء معناها فاق بغلطتو
حل يوسف لباب و خرج ... يدو على راسو ... و عشعش في شعرو ... قعدة مدة وهو يمش رايح جاي ....
افراح تمتم: علاااه حكيتلو بش تطبق السماء علينا اووووف مني ... حلت لباب و خرجت
افراح: يوسف فاش تخمم!!
يوسف: وش حكيتي للعشماوي..
افراح: مصيبة درتهاااا والله الطفلة بش تموت ليلة و خايفة نكون حطيت مهدي في مشكل
يوسف: احكييي بلا مقدمات
افراح: لقيت طفلة ما نعرفش اسمها توجهت ليها و قلت قدام ڨرمية راحت عليك .... كان قصدي ڨرمية تعرف و تبعدها على طريق مهدي .. اما تيم كان ثم و و ..
يوسف: و واااش !!!!
افراح: سالني و قتلو هي تخبرك و جيت... خليتو يخنق فيها يا يوسف والله بش يقتلهااا ...
يوسف: اوووف اوووووف مكانش لازم نخليك تنزلي وحدك .. راح تخبرو على مهدي بش تصير الكارثة الحرب المتوقفة بش تقووم
افراح: ما نضنش هي تحب مهدي ... مش راح تخبرو
يوسف: ما نعرفوش ما نجموش نحكمو ... الله يستر ...
افراح: خلي نرجعو للقصر و يفوت ليلة هاذي على خير ..
