امير الفضاء (مكتمله ) "جارى تعديل السرد "

الجزء الثانى_الفصل الرابع🥀🍂

كان يستمع اليه وملامح الصدمه مرتسمه على وجه، ضغط على يديه بغضب وهو يتوعد لذلك الظابط السمج كما يطلق عليه دائما..

وجه نظره الى ذلك الظابط الذى يدعى ادهم ذلك الشخص السمج..
وتحدث بفحيح: انت اى ال عملته دا؟؟؟
هااااا انطق ازاى واحد يجى يقولك اختى اتخطفت قدام عينى تقوله تعالى بعد مرور ٢٤ساااااعه انت مجنون انا هحاسبك ياادهم.. وحسابك هيبقى عسير...

نظر له ادهم بغضب وصراخ: انت ازاى تتكلم معايا كدا ياعز...؟؟؟

رفع عز احدى اصابعه فى وجهه بتحذير:
_اسمى سياده الرائد عز السيوفى، متحاولش تشيل الالقاب ياسياده الظابط سااامع، كلمتى هناااا ال تتنفذ سااامع..!!

ادهم بغضب: انت ازاى تكلمنى كدا علشان واحد و** زى دا وعلشان بنت غبيه اتخطفت يكش تموت وتـــ
لم يكمل كلامه اثر لكمه تلقاها من عز، نظر اليه بغضب جحيمى:
_لاول واخر مره ياادهم التزم حدودك واتكلم بادب، اخلص بس وهحاسبك على ال عملته ولسه لو سياده القائد سليم عرف انت عارف كويس هيعمل معاك ايه ياادهم.. دا لو فلت منى يعنى!!!

خرج عز بغضب واشار لحسن بان يلحق به..

بينما نظر ادهم الى اثرهم بشر وتوعد كبير:
_ماشى ياسياده الرائد عز، انا هدفعك تمن الضربه دى.. مبقاش ادهم الالفى ان مادفعت التمن غالى..

دخل الى مكتبه وجلس على مقعده وهو يتنفس بغضب وجه نظره الى حسن وتحدث بجديه مرعبه:
_دلوقتى بقا انا عاوز اعرف مين لى مصلحه فى خطف اختك؟؟!

حسن: معرفش؟؟!

تنفس بغضب ليعيد سؤاله من جديد بهدوء مرعب وهو مبتسم بسخريه:
_ازاى يعنى متعرفش؟؟ هيخطفوها كدا من غير ميعرفوك!!!

حسن بجديه: انا معنديش اعداء علشان اقولك ان حد من اعدائى خطفها.. فمعرفش بقا مين ال خطفها كل ال اقدر اقدمهولك شريط التسجيل!!

رفع احدى حاجبيه وارجع راسه للوراء وتحدث بفحيح مرعب:
_ورينى التسجيل..!!

قام حسن بإعطائه له، فقام عز بوضع D. V
فى الاب توب وانتظر قليلا ..

كان يشاهد خطف" مسك "وهو يضغط على يديه بقوه، حسنا سيدفعهم الثمن جميعا...
لاحظ شيئا ما اثار استغرابه وبشده فااعاد الشريط من جديد ليبتسم بخبث فهو قد عرف كيف سيصل لتلك الطفله المشاكسه..

عز بهدوء: حضرتك تقدر تروح وانا خلال ٢٤ساعه هجبلك اختك سليمه لحد البيت..

كاد يعترض حسن ولكن منعه حديث عز الصارم:
_استاذ حسن انت سمعت انا قولت ايه؟؟
قولت اتفضل وانا هرجعلك اختك متقلقش كلمه عز السيوفى مش بيترجع فيها..

وقف حسن وتحدث بنبره مليئه بالخوف على صغيرته:
_اختى ياسياده الرائد..

عز بنبره مليئه بالحب: متقلقش هرجعهالك سليمه مفيهاش خدش واحد واوعدك انى هدفع الشخص ال عمل كدا التمن غالى اوى..