امير الفضاء (مكتمله ) "جارى تعديل السرد "

الفصل الثانى والثلاثون🌼

تكاد تطير فرحا لانها ستكون ملكه ستدفئ
داخل احضانه ، ستشعر بالامان من جديد...
لن تشعر بالوحده لن تشعر انها بخطر يحيط بها من جميع الاتجاهات..

اقترب منها وهو يبتسم بحب وحنان لها
قائلا بخفوت:_
_فيكى حاجه..؟
غرام: لا ياجان مفيش..
جان بغيظ: المفروض البنت يوم فرحها
تكون مكسوفه فى شويه خجل فى شويه
دم اما انتى معندكيش خالص..
غرام بإستفزاز: ايوه انا معنديش لو عندك سلفنى شويه...

جان بغيظ: واحده مستفزه...
غرام ببرود: فكك من جو العريس والعروسه علشان مبحبهوش واقعد هنا لحد ما غورجان ويسرا يجوا...
جان بتذمر: هتزفت.. اقعد

ـــــــــــــــــــــــــــــــــــــــــــــــــــــــــــــــــــــ
_اى يازفته اخلصى كل دا بتلبسى الزفت ال فى رجلك..

يسرا بتذمر: دا فرحى ياابنى اعمل ايه طيب.. لازم اكون موزه علشان الشباب يعكسونى...

غورجان بغيره: نعم يارووووح امــــــــــڪ

يسرا بتذمر: ملكش دعوه بامى ياغورجان احسنلك...

غورجان: انزلى ياله..
يسرا بغيظ: ياله اشحال مكنش الفرح فى جنينه الفيلا...

خرج الجميع الى حديقه الفيلا الضخمه
يستعدون للزفاف الذى سيقام..
بدات الموسيقى الصاخبه تعلو وتعلو وتشعل الحماس لدى الجميع... وقفز البعض من الحاضرون الى الرقص ، بينما ارادت يسرا الرقص لكن منعها غورجان، وغرام حاولت مع جان لكنه رفض وبشده...

بينما كان الجميع يلهو بالرقص كانت هناك
اعين تراقبهم بحقد وغضب شديد...
وتتوعد لهم بالويل..
اخرج ذلك الشخص هاتفه واجرى اتصالا ما ليرد عليه الطرف الاخر بخبث شديد
قائلا:_
_نفذِ الخطه فى اسرع وقت وهيوصلك دعم... يكونوا عندى بسرعه...

:_ بس كدا دقايق وكل حاجه هتم...

اغلقت الهاتف لتنظر اليهم بغضب وتوعد شديد، لانهم السبب فى افساد حياتها وتدميرها...

ــــــــــــــــــــــــــــــــــــــــــــــــــــــــــــــــــــ

لطيفه: انت ليه خلتها تعمل المهمه دى بدالى ياسمير...؟

سمير بخبث: علشان عندها حماس انها تنتقم منهم على ال عملوه فى حياتها يالطيفه، وكمان علشان محدش يشك فى حاجه...

نظرت له بخبث فقد فهمت مقصده:_
_ماشى ياسمير...

خرجت من الغرفه لينظر الى اثرها حتى تختفى من امامه ليقترب من احدى الطاولات المتواجده داخل تلك الغرفه الضخمه السوداء، امسك ذلك الكوب وهو يشعر بالغضب الشديد، ويفكر كيف سينتقم
من ذلك الاحمق الذى يريد ان يسلب معشوقته منه..."جان"...
امسك ذلك الكوب بغضب والقاه تجاه الحائط بقوه فتدمر بالكامل....