سمع صوت دقات الباب المتتاليه، فسمح للطارق بالدخول، دخل بكل برود وجديه ليست من عادته فهو يعشق المزاح ولكن وقت الجد يكون بارد و جاد جدا ، جلس امام ذلك الشخص والذى لم يكن سوى غورجان وتحدث بكل جديه:
_كل واحد مكتبوا جهز، وتقدروا تتفضلوا على مكتبكم الجديد، وبجد انا فرحان جدا
ان عندى اخوات هنا معايا فى الشركه...
نظر اليه وابتسم بسمته الجذابه:
_ تمام يااسر، احنا كمان بنحبك بس بصراحه اول ماشوفتك مكنتش بطيق خلقتك..
اسر بمزاح: وهو دا يوم يتنسى برضوا، دا انت اول ماشوفتنى كنت هتقتلنى كل دا علشان حضنت اختى.. !!
غورجان بضحك: اصل انا مبحبش حد يجى جنب حاجه تخصنى وخصوصا لو كانت حبيبتى..!!
سمع صوت ساخر يتحدث"هوجان":
_كان نفسى اشوف البغل دا بينضرب .. بس هو الحظ بقى هنعمل ايه..!!
اسر بمشاكسه: الحظ بيلعب معايا..!
جان بغيظ: قصدك بيلعب فى عبك يااهبل..!
وقف من مكانه وكاد يخرج لولا صوت غورجان الجاد:
_رايح فين؟؟!
جان: رايح الفيلا...
اسر بإستفزاز: علشان غرام تنفضك صح؟!
جان ببسمه مرعبه: انت شكلك عجبتك العلامه ال تحت عينك وعاوز زيها..
اسر ببسمه غبيه:لا طبعا دى مكفيانى ..
جان: انا ماشى سلام
_سلام
كان جالسا على مكتبه يتفقد بعض ملفات تلك القضيه الهامه، ليقطع انشغاله صوت طرقات حاده على الباب ليسمح للطارق بالدخول..
_سليم باشا..!!
رفع نظره من على الملف ليوجه نظره لذلك الظابط الذى يدعى نادر:
_نعم، حصل ايه؟؟!
اقترب نادر وقام بالجلوس امامه وتحدث بكل جديه:
_عز باشا..!!!
سليم بجديه وخوف ولكنه اخفاه:
_ماله عز؟؟!
ابتلع غصه ما فى حلقه واكمل حديثه بنبره خائفه من رده فعل رئيسه:
_عز باشا فى المستشفى وحاليا فى غرفه العمليات وحالته حرجه بسبب رصاصه اتصاب بيها وهو بينقذ واحده من عصابه الحراق..
_مستشفى ايه؟؟!
نادر بخوف: مستشفى ***
وقف بسرعه واخذ هاتفه وركض للخارج وهو يدعى ربه ان يكون صديقه بخير ..
استقل سيارته وانطلق الى تلك وجهته!!
_ديماااا ديمااا جبتى الاكل..
ديما بغيظ: بتصرخى ليه صرخوا عليكى يابعيده، ايوه جبت الاكل فى التلاجه انا ماشيه..
سالى من داخل غرفتها: على فين؟؟!
ديما بصراخ: الشغل هكون رايحه فين يعنى!!
سالى بلااهتمام: ماشى..
ذهبت ديما بينما ابتسمت سالى بإستمتاع لما ستفعله مع ذلك الوغد، حسنا انها لم تتصل به منذ يومان، فالان ستستمع، حمقاء لاتعلم انها تتصل فى الوقت الخطأ
امسكت هاتفها وقامت بتركيب خط جديد قامت بشراءه مؤخرا، وضغطت على بعض الازرار منتظره رد الطرف الاخر..
أنت تقرأ
امير الفضاء (مكتمله ) "جارى تعديل السرد "
Fantasyعالمــــان مختـلفـان أجبرهما القدر على الاندماج معاً ليصنعوا من المستحيل الممكن . لقائهما كان السبب فى دمار اعدائهم وسبباً فى لقاء احبابهم ،ولـكـن كـان للقدر رآى أخر فى مصير حبهم لـ ينكهها بطعم الحيـاة ..♡ رواية أمير الفضاء هيا احدى روايات الخيال ال...
