امير الفضاء (مكتمله ) "جارى تعديل السرد "

الجزء الثانى_الفصل التاسع عشر 🍂

" فعلا مش هيروح هدر ،انتى مقبوض عليكى ياميار  ..!! "

استدار الجميع لمصدر الصوت بينما ميار كانت على وشك الموت رعبا ..!!

همست ميار بخوف قائله/ ادهم ؟؟!!!

اقترب ادهم كثيرا منها ليساعدها على الوقوف برفق ظنت ميار ان شقيقها سيساعدها ولكنها صدمت عندما وجدت صفعه قويه تلقتها من يد ادهم الذى صرخ بعدم استيعاب قائلا/ ليه ؟؟!!! ليه؟؟!! انتى مش اختى الـ اعرفها انتى مكنتيش كدا !! عمرك مابصيتى للـ فى ايد غيرك ،انتى مش اختى انا عاوز اختى تقدرى ترجعيها ردى عليا ..!!! ياما قولتلك طريقك دا غلط ياميار قولتلك عز مش ليكى وبلاش تبصلى لحاجه غيرك ..!!! انتى مش بس دمرتى نفسك انتى حقدك عماكى ودمرتى حياه ناس كتير ..!! ذنبها ايه مسك انها تخسر اخوها بسببك ذنبها ايه ردى ؟!!!

انفجرت ميار فى البكاء لتصرخ بغيره قائله/ذنبها ان الراجل الـ حبيته حبها هيا ورفض حبى ليه !! دا ذنبها كسبت الكل وانا خسرت..!!

رمقها ادهم بحزن على حالها ليتحدث بنبره بارده قائلا/ انا اختى ماتت من اليوم الـ ظهرتى انتى فيه !! اعتبريتى موت انتى النهارضه بقيتى يتيمه ياميار و انا بنفسى هسجنك وهدفعك التمن .. صمت لثوانى يرمق شقيقته التى لازالت تبكى بشده ليصرخ بغضب قائلا/ ياعسااكر خدوها على البوكس ..!!

اقتربت مجموعه من عناصر الشرطه لتقم بتكبيل يديها واخذها تحت صراخها بآن يتركوها ..

بينما ادهم اقترب من عز ليخفض رآسه بحزن ثم تحدث قائلا/ انا اسف ياعز  انا عارف ان الاعتذار مش هيفيد ولا هيرجع حسن تانى ،بس والله لو كنت اعرف كنت منعتها سامحونى بجد انا اسف ..!! ياريت حسن كان هنا كنت اعتذرتله على معاملتى الزفت الـ كنت بعامله بيها ..

نظر ادهم فى الارجاء حتى سقطت عيناه على مسك التى كانت تبكى بصمت ،اقترب منها قليلا ليتحدث بحزن وعيناه ممتلئه بالدموع وهو يحاول منعها من الانزراف  ..  همس ادهم بحزن قائلا/ انا اسف يامسك واوعدك ميار اختى هتدفع التمن .. وانا اضمنلك انها مش هتخرج من السجن وحق اخوكى هيرجعلك .. ومره تانيه انا اسف..

ومع انتهاء اخر كلمه كان يسير تجاه الباب ولكنه توقف فور سماعه لصوت سليم البارد/ ادهم ..!!

استدار ادهم سريعا صوب سليم يرمقه بإستغراب شديد ،اقترب سليم منه  ببطئ واضعاً يده برفق على كتف ادهم ثم همس قائلا/ احنا مسامحينك ياادهم بس مش علشان حلاوه عنيك مثلا لا .. علشان انت راجل جدع على الرغم من حبك لااختك الا انك وقفت ضدها علشان مصلحتها ..!! هيا اه مش هتتعدم بس هتتسجن ودا افضل من انك تخسرها على طول ..!! احنا عيلتك ياادهم ..!!

انزرفت الدموع بشده من عينا ادهم الذى اندفع جهه سليم يضمه بشده وهو يهمس قائلا/ انا كنت غبى كان لازم اوقفها من زمان ومعملتش كدا ،انا خسرتها وخسرت نفسى معاها .. انا مكنش ليا غيرها بعد موت اهلنا ياسليم ..!!