■● « 49 Pages with 49 Days »●■

18 - මරණයේ රැජින

■□■□■□■□■□■□■□■□■□■□■□■□■□
○●○●□■□ 49 Pages with 49 Days □■□●○●○
■□■□■□■□☆17☆□■□■□■□■

▬▬▬▬▬▬▬▬▬▬▬▬▬▬▬▬▬
2017.05.13
22ⁿᵈᵛDay
(author's pov)
__________________________________________

ලයා කොන්ක්‍රීට් වතුර බටේ උඩ තිබුණ අනිත් බටේ
ඇතුලට ලොකු උත්සහයක් දරලා පැනගත්තා. ටිකක් වෙලා එය එතනම හිටියෙ පොඩි වෙලාවකටවත් අඩු නොවුනු හිතේ කලබලකාරී බවයි ගතේ මහන්සියයි නිවාගන්න. හැබැයි එයාට ඒක කරගන්න බැරි වුනා. ලේ වතුරින් තෙත් වෙලා තිබුණ උඩ ඇදුම් ගළවලා ලයා හෙමින් හෙමින් ඒ බටේ දිගේ ඉස්සරහට යන්න පටන් ගත්තෙ ඒ නිසයි. එයාගෙ ඇගේ වතුර එක්ක මිශ්‍ර වෙලා තිබුණ ලේ කැටි වෙලා තිබුණා.

පැය භාගයක් විතර එයා ඔහේ ගියා. දණගාගෙන තමයි එයාට ඒ බටේ දිගේ යන්න වුනේ. තවත් ටිකක් දුර ඒ විදියට එයා ගියා. ඒ වෙනකොට පහළ ලොකු වතුර බටේ වතුර සද්දෙත් ඇහෙන්නෙ නැතිවෙලා තිබුණෙ. ලයාට රස්නයක් දැනෙන්න පටන් ගත්තා. සීතලට ඇගේ කැටි වෙලා තිබුණ ලේ දියවෙන්න පටන් ගත්තා. හීනියට දාඩිය බින්දු ඇග දිගේ ගලාගෙන යද්දි ලයා එහෙම්මම වාඩි වුනේ මහන්සි නිවාගන්න. හැබැයි මේ වතාවෙත් එයාට එයාගෙ මහන්සිය නිවාගන්න බැරි වුනා.
මොකද ,
එයාට ඇහුණා වළන් පිගන් එහෙ මෙහෙ කරන සද්දෙ.

''කුස්සියක් ?''

ලයා එයාටම කියාගෙන බටේ බිත්තියට කන තියාගෙන අහගෙන හිටියා. එයාට ඇහුනා ගෑණු අය කතා කරන සද්දත්. එයා ටිකක් වේගෙන් එතනින් ඉස්සරහට ගියේ මන්ධිරේ ඇතුළෙ තහනම් ප්‍රදේශයකට ආවා කියලා දැනගත්තු නිසා. ඉක්මනින්ම ඒ බටෙන් එළියට පනින්න එයාට ඔඅන වුනේ.

එයාගෙ ඒ වුවමනාව ඉක්මනින්ම ඉSට වුනේ, පහළට බහින්න කවුලුවක් හම්බවුන නිසයි. ඒ කවුළුව ඇරගන්න එයාට ගොඩක් මහන්සි වෙන්න වුනා. ලයා ඒ ගියේ කිසිම කෙනෙක් නැති , පාලු , දූවිලි බැදුණු කුටියකට.

'' අහ් ! හරියට එළියක්වත් නෑනෙ . මේක සමහර විට මේ නිකායෙ ප්‍රධානියගෙ වෙන්න ඇති. ''

ලයා ඒ කාමරේ එහාට මෙහාට යනකොට , ප්‍රධානියෙක්ගෙ වගේ ලොකු ලියන මේසෙක තිබ්බ බාගෙට ඉවර වෙලා තිබ්බ ඉටිපන්දමක් දැක්කා.