រឿង បោកចិត្តយកបេះដូង ( ចប់ដោយបរិបូរណ៍ )

ភាគទី៣ ( ទប់ចិត្ត )

#រឿងបោកចិត្តយកស្នេហ៍
#ភាគទី3

   ជីមីន ចង់តែស្រែកយំទេ ព្រោះគ្រួសាររបស់ ជុងគុក យកចិត្តទុកដាក់ជាមួយគេណាស់ ថែមទាំងខលទៅនិយាយពីរឿងកម្មវិធីមង្គលការជាមួយប៉ាម៉ាក់របស់គេទៀត។

   ជីមីន ប្រកែតមិនព្រមរៀបការឆាប់ៗនេះទេ  តែដោយសាររឿងព័ត៌មានលេចឮទៅនោះ ទើបត្រូវគ្រួសារ ជុងគុក បង្ខំឲ្យកាន់តែឆាប់កាន់តែល្អ។

     ជីមីន ខំខលទៅប្រាប់ម៉ាក់ឲ្យជួយព្យាយាពេលតែ ក៏គ្មានលទ្ធផលអ្វីដែរ ព្រោះលោកផាក ក៏សប្បាយចិត្តដែរ ដែលបានកូនប្រសាជាមនុស្សចាស់ទុំ មានគំនិតបែបនេះ គាត់មិនអាចបណ្ដោយពេលកន្លងទៅយូរទេ ត្រូវតែប្រញាប់ព្រោះខ្លាចគេដូចចិត្ត។

     // បន្ទប់ ជុងគុក //

  ជីមីន ត្រូវចាស់ទុំឲ្យមករស់នៅជាមួយគ្នា ក្នុងនាមជាកូនប្រសាពេញសិទ្ធិ។ ជីមីន ដើរចូលមកទាំងពិបាកចិត្ត មិនគួរណា ធ្វើរឿងឆ្គួតៗបែបនេះសោះ ឥឡូវត្រូវធ្លាក់មកលើរូបគេទាំងអស់។ មុនដំបូងស្មានថា គេធ្វើស្ងាត់ៗ ហើយក៏សងសឹងនាយ រួចហើយអ្វីៗក៏ចប់ តែនេះវាផ្ទុយពីគម្រោងរបស់គេទាំងស្រុង។

    " ហ៊ឹម ហ៊ឹម អាលោកគ្រូឆ្គួត! គេមិនចង់រៀបការទេ! ផឹកស្រា មិនទាន់អស់ចិត្តផង! ហ៊ឹក អេ...តែបើយើងផឹកស្រា ហើយចូលក្លឹបទៀត នោះគាត់ប្រាកដជាខ្មាស់គេមិនខាននោះទេ! "

   ជីមីន នៅតែមានគំនិតអាក្រក់ដដែល គេត្រូវតែសងសឹង ទោះបីបានប៉ុន្មានភាគរយក៏ដោយ។

   // ក្រាស //

ជុងគុក បើកទ្វារចូលមក ជាមួយទឹកមុខស្មើ តែមិនមែនមុខកំណាចដូចរាល់ដងនោះទេ។ ទោះបីជានៅសាលាគេរាងកាចបន្តិចមែន តែនៅក្នុងផ្ទះគេមិនសូវកាចនោះទេ។

   " មីន មិនពេញចិត្តបន្ទប់នេះឬ? "

   " ត្រូវហើយ! មីន ចង់កែបន្ទប់នេះទៅជាពណ៌មាស! ហើយតាំងរូប cute cute! លោកគ្រូព្រមទេ? "

   " មានអី! មីន ចង់ធ្វើអីក៏បាន! "

  ( យី! នៅផ្ទះធ្វើឯងសុភាព តាមចិត្តយើង តែបើនៅសាលាវិញ ជេរឯងកប់ៗមាត់ ដាក់ទោសគ្មានប្រណៃទេ! មនុស្សមុខពីរ! )