#រឿងបោកចិត្តយកបេះដូង
#ភាគទី13ជុងគុក បាននាំ ជីមីន មកភូមិគ្រឹះវិញដើម្បីប្រមូលរបស់របបទៅរស់នៅផ្ទះថ្មីរបស់ពួកគេ។ ជុងគុក ត្រូវរៀបចំតែម្នាក់ឯងដដែលព្រោះ ជីមីន ធ្វើពុតជាគេងលក់ ទោះបីគេដាស់យ៉ាងក៏មិនខ្ជីក្រោកដែរ។
" ចុះនេះស្អីហ្នឹង? "
" កុំប៉ះរបស់ មីន! "
" ក្រែងអូនគេងហ្អី? "
" មីន មានវិញ្ញាណទី6ប្រាប់ ថាលោកគ្រូចង់បើកមើលរបស់ មីន ទើបដាស់ឲ្យភ្ញាក់! "
ត្រូវហើយមនុស្សធម្មតាមានវិញ្ញាណតែប្រាំទេ តែមនុស្សខ្ជិល ហើយមានល្បិចច្រើនដូចគេ គឺមានវិញ្ញាណដល់ទៅប្រាំមួយឯណោះ។ ជុងគុក ខំទប់សំណើច ព្រោះគេបានបើកវាមើលរួចហើយ ក៏ដឹងដែរថារបស់នោះ សុទ្ធសឹងតែក្រែមម្សៅទាំងអស់នៅក្នុងប្រអប់ធំនោះ។ រាល់ដងគេឲ្យឃើញតែឡេ និងគ្រឿងសម្អាងតែបន្តិចបន្តួចប៉ុណ្ណោះ នៅលើតុសម្អាង តែក៏មិននឹកស្មានថា លួចលាក់ច្រើនម្លឹងដែរ។
" បើងើបហើយ ជួយរៀបបងផង! "" អួយ! លោកគ្រូប្រើគេទៀតហា៎? "
" ចុះជារបស់នរណាគេ? "
" របស់ខ្ញុំហ្នឹងហើយ! "
" អ៊ីចឹងជួយរៀបបងទៅ នឹងឆាប់បានទៅផ្ទះពួកយើង! "
គ្រាន់តែឮថាផ្ទះពួកយើងហើយ ជីមីន ឡើងអស់កម្លាំងពីខ្លួនតែម្ដង។
ជុងគុក នៅតែនិយាយបង្ខំផង លួងលោមផង រហូតអ្នកជាភរិយាយល់ព្រមធ្វើតាម។ ទោះបីត្រូវពិបាកក្នុងការនិយាយជាមួយយ៉ាងណា ក៏រាងក្រាសមិនបោះបង់ក្នុងកែចរឹកក្មេងម្នាក់នេះដែរ។
ក្រោយពីរៀបចំរួចរាល់អស់ហើយ ជុងគុក និងជីមីន បានលាប៉ាម៉ាក់របស់ពួកគេទៅរស់នៅផ្ទះថ្មី ដោយប្រើប្រាស់ជីវិតគូ។ ជុងគុក ជ្រើសរើសយកការប្រើជីវិត តាមបែបសាមញ្ញ ដើម្បីកែចរឹកភរិយាកំហូច។
// ផ្ទះតូច //
ក្រោយពីទុកពេលឲ្យគេសម្អាតស្អាតហើយ បរិវេនផ្ទះ និងតួផ្ទះទាំងមូលចាប់ផ្តើមមានសោភ័ណ្ឌភាពឡើងវិញហើយ ជាពិសេសកន្លែងចិញ្ចឹមរបស់ ជីមីន។
ជីមីន ចេញពីក្នុងឡាន ក៏ស្រាបតែកើតអារម្មណ៍ចម្លែកចំពោះផ្ទះតូចមួយនេះ ខុសពីព្រឹកមិញដែលគេចូលមក វាស្អុះស្អាមមិនគួរឲ្យរស់នៅនោះទេ។ គេបានលាក់អារម្មណ៍នោះ ដើម្បីកុំឲ្យ ជុងគុក ចាប់បានថាគេចាប់ផ្ដើមចូលចិត្តផ្ទះនេះ។
" មីនហា៎! តទៅផ្ទះនេះ ជាផ្ទះរបស់អូនហើយ! អូនត្រូវចេះមើលថែ និងកែលម្អវាផងណា៎! "
" ហេតុអ្វី មីន ត្រូវមើលថែនោះ? "
" ព្រោះ មីន ជាមេផ្ទះនោះអី! មីន ត្រូវមើលការខុសត្រូវ អ្វីដែលផ្ទះគួរមាន និងអ្វីដែលផ្ទះមិនគួរមាន! "
" គិតទៅបានប្ដីគ្រូ ពូកែប្រដៅអ៊ីចឹងមែនហា៎! "
" មីន! "
" ទៅគេដឹងហើយកុំនិយាយច្រើនពេក ធុញណាស់ស្ដីនៅសាលាមិនគ្រប់ មកស្ដីនៅផ្ទះទៀត! "
" បងប្រាប់ព្រោះបំណងល្អ! "
" ថាគេដឹងហើយ! ផ្ទះគួរមានប៊ីយែរ និងសាច់ក្លែម ហើយផ្ទះមិនគួរមានមនុស្សចាស់ពូកែរអ៊ូទេ! "
ក្រោយពីនិយាយចប់ ជីមីន ដើរចូលក្នុងបាត់ កុំឲ្យ ជុងគុក តបជាមួយគេទាន់ មិនអ៊ីចឹងទេ ជុងគុក ប្រដៅគេទៀតហើយ។
_______________
ហ៎អ្នកការហើយ មើលអូនមីន ជាគំរូហា៎ ក្នុងផ្ទះគួរមានប៊ីយែរហា៎😆😆😆😆
#យូជី
YOU ARE READING
រឿង បោកចិត្តយកបេះដូង ( ចប់ដោយបរិបូរណ៍ )
General Fictionរឿងរ៉ាវស្នេហ៍កើតឡើងដោយសារតែការបោកលេងៗ ហើយក៏កើតចិត្តស្រលាញ់មែន។