រឿង បោកចិត្តយកបេះដូង ( ចប់ដោយបរិបូរណ៍ )

ភាគទី២៤ ( អូនផ្ដើមស្រលាញ់ បងផ្ដើមមិនខ្វល់ពីអូន )

#រឿងបោកចិត្តយកបេះដូង
#ភាគទី24

     ទោះបីជាអ្នកគ្រូសម្ដែងទឹកមុខកាចសាហាវយ៉ាងណា ក៏ ចន ជីមីន មិនព្រឺដែរ មានតែឌឺដងឲ្យថែម។ ចន ជីមីន ជាក្មេងមិនចេះខ្លាចនរណាទេ សូម្បីតែប្ដីកាចម្លឹងហើយគេមិនចុះញមជាមួយផង។

     " ប្អូនកុំ​សម្បើមរឹកពេកណា ចន ជីមីន! ចេះគោរពអ្នកដែលមានឋានៈខ្ពស់ជាងប្អូនខ្លះផង! "
 
     " គោរពចេះតែគោរពហើយ តែមុននេះខ្ញុំអត់ដឹងថា អ្នកគ្រូចូលមកផងហ្នឹង! "

     " ចន ជីមីន!!! "

   សំឡេងស្រែកឈ្មោះរបស់ ជីមីន ចេញមកពីមាត់ទ្វារ ជាសំឡេងរបស់លោនាយក ចន ជុងគុក។ គេមកនេះដើម្បី ណែនាំ គីម ជេហ៊ី ដែលជាអ្នកគ្រូថ្មី តែចៃដន្យជាប់និយាយជាមួយគ្រូដទៃ ទើបយឺតបន្តិច។ មកដល់ចំពេលដែល ជីមីន បង្ហាញចរឹកមិនល្អ ឌឺដងឲ្យអ្នកគ្រូ ទើបគេស្រែកមកពីចម្ងាយបែបនោះ។

    " នេះមានរឿងអ្វីហ្នឹងហា៎? "

    " គឺ...គឺ មីន រវល់អានរឿង ហើយមិនបានចាប់អារម្មណ៍ថា អ្នកគ្រូចូលមក! គាត់ក៏ស្ដីឲ្យ មីន ហើយ មីន ក៏តមាត់គាត់វិញ! មីន មិនខុសទេ ហេតុអ្វីលោកគ្រូស្រែកគំហកឲ្យ មីន? "

   " បង​សូមទោស មីន ផងណា៎ ដែលស្រែកឲ្យ មីន!  តែ មីន ក៏ខុសដូចគ្នា ព្រោះ មីន អានមែនហ្គា នៅក្នុងម៉ោងចូលរៀន! មីន ក៏ត្រូវមានទោសដែរ! "

   ( អាដែលហ្នឹង អាញខ្ញុំនិយាយឡើងកំសត់! ប្ដីស្អីអត់ជួយប្រពន្ធអ៊ីចឹងលោកអើយ! ចង់តែទៅលោតទឹកទេអាញ! )

    " ខ្ញុំមិនខឹងគេទេ គ្រាន់តែខ្ញុំមិនចូលចិត្តពេលគេតមាត់ជាមួយខ្ញុំតែប៉ុណ្ណឹងទេ! "

    " បាទ! អរគុណ ជេហ៊ី ណាស់ដែលយល់ដល់ភរិយារបស់បង! "

    " ចាស់! "

   " អ្នកទាំងអស់គ្នា ថ្ងៃនេះលោកគ្រូសូមនែនាំអ្នកគ្រូ គីម ជេហ៊ី ដែលជាអ្នកគ្រូរបស់ពួកយើង! គាត់នឹងបង្រៀនអ្នកទាំងអស់គ្នាលើមុខវិជ្ជាអក្សរសាស្រ្តអង់គ្លេស! "

   " សួស្ដីប្អូនៗទាំងអស់គ្នា សង្ឃឹមថា អ្នកទាំងអស់គ្នានឹងខំរៀនលើមុខវិជ្ជារបស់ខ្ញុំ! "