#مقوله_أفزعتني
لن ينجو يوم القيامة إلا صاحب القلب الطاهر السليم😳
..... طيب ايه الدليل على كده؟
هقولك.. قال الله تعالى: {يَوْمَ لا يَنْفَعُ مَالٌ وَلا بَنُونَ . إِلَّا مَنْ أَتَى اللَّهَ بِقَلْبٍ سَلِيمٍ} [الشعراء:88-89]،
طيب يعني ايه قلب سليم؟
قال ابن القيم رحمه الله: "القلب السليم هو الذي سلم من الشرك، والغل والحقد، والحسد والشح، والكِبر وحب الدنيا والرئاسة...
... طيب هو في حد فينا قلبه نقي وسليم كده فعلا... دي حاجه مرعبه جدا... يعني نفقد الأمل في الجنه ولا ايه 😔
لازم قبل أي حاجه تعرف ان ربنا سبحانه وتعالى ارحم الراحمين وهو احن علينا من أي حد.. هو الودود الرحيم
عندنا ١١ فلتر للقلب علشان يتنقي ويبقى قلب سليم ويقدر يدخل الجنه... هتاخدهم بالترتيب.. بس عايزك تركز معايا
اول ٤ منقيات في الدنيا و٣ في القبر و٤ في الاخره..
...... نبدأ بالاربعه في الدنيا..
١.التوبه ✍️
التوبه بتمحي كل الذنوب والخطايا الا حاجتين لو ظلمت حد او اغتبته... لو ظلمت حد ترجع المظلمه ليه.. لو اغتبت حاول تذكر من اغتبته بخير في مواضع ذكره بسوء او تعطيله هدايا قبل ميصفي حسابه معاك يوم القيامه وياخد حسناتك
والتوبه المفروض نعملها يوميا قبل متنام توب لربنا..طبعا من شروط التوبه الندم والعزم على عدم العوده الى الفعل مره آخره.. ودي من أكبر وأسهل طرق تنقيه القلب..
٢.الاستغفار✍️
لازم يكون ليك ورد يومي من الاستغفار.. وبالذات وقت الفجر.. وانت رايح تصلي الفجر وانت نايم على السرير بالليل.. والمستغفرين بالأسحار 👍
٣.الحسنات✍️
الحسنات يذهبن السيئات واتبع السيئه الحسنه تمحها.. يعني كل متجيب سيره حد تستغفر فورا.. تعمل حاجه حرام تعمل بعدها خير علطول اوعي تسيب نفسك المعاصي.. خليك رقيب فوري عليها.. صليت فرض اتبعه بختام الصلاه وصلي السنه.. كل حسنه هتتحسر عليها يوم القيامه.. اول مييجي في بالك عمل خير.. ده بيكون ملك بيسمعك في ودنك.. اعمله فورا.. هتلاقي الموضوع يتكرر تاني وتالت.. وسارعو في الخيرات..وفرصه احنا في الشهر الكريم اوكازيون حسنات.. اضرب في عشره في سبعين كل حسنه والله يزيد لمن يشاء.. اشحن رصيدك.. هتحتاج اكيد 👍
٤.المصائب ✍️
ودي بقى حاجه مش بأيدينا لو ربنا ابتلاك بمصيبه مثلا مرض او فقدان حبيب أو أي من مصائب الدنيا وصبرت عليها فده جبال حسنات لاتتخيلها ومن اكبر مكفرات الذنوب ومنقيات القلوب.. بس طبعا مش معناه اننا نتمنى المصائب.. ده حرام.. ولكن يبتلي المرء على قدر دينه.. فاللهم اجعلنا من الصابرين
كده خلصنا الاربع منقيات في الدنيا.....
ننتقل الي بعد الموت في القبر عندك ٣ منقيات
١.صلاه الجنازه ✍️
ايوه الناس اللي هتدعيلك وتصلي عليك بتاخد بسببهم كم هائل من الحسنات فربنا يرحمنا ويكتر من آحباءنا 🤲
٢.اعمال الأحياء التي تصل للأموات ✍️
ودي نقطه مهمه جدا 💥💥
اربع اشياء يصل ثوابهم المتوفي👇👇👇👇
الصدقه👌..... الدعاء👌........ الحج👌....... العمره👌
مش البكاء والصراخ.. لا.. اعرف ازاي تفيد أقرب الناس ليك وتبعتلهم حسنات ينفعوهم في اخرتهم.. يارب سخر لينا بعد مماتنا من يتذكرنا بالاربع دول ويرفع من قدرنا يوم القيامه 🤲
٣.أهوال القبر
الظلمه والوحشه وغيره.. لو بعد كل اللي فات لسه برضوا عندك ذنوب للأسف هتأسي شويه في أهوال القبر..بس ده ارحم ليك من عذاب جهنم وهينقي منك ذنوب..
......🎤🎤.............. لو بعد كل ده روحت يوم القيامه ولسه برضوا عندك ذنوب.. هتدخل النار كده؟
... لا لسه رحمه ربنا كبيره.. لسه ٤ منقيات يوم القيامه
١.أهوال القيامه 😳✍️
يوم يفر المرء من أخيه.. هتشوف أهوال تشيب.. بس كل ده هينقيك من ذنوبك اللي لسه مكمله لحد دلوقتى.. يارب منوصلش للمرحله دي ونكون كده خلاص ذنونبا اتنقت 🤲
٢.الوقوف بين يدي الله ✍️
ودي صعبه جدا بعض الناس من كتر ذنوبهم عايزين يدخلوا جهنم بس ميتعرضوش على ربنا جل جلاله.. من شده الخجل من الذنوب وتقف قدام ربنا.. جلد وشك يقع من الخجل.. ربنا يحفظنا وتكون وقفتنا وقفه فرحه 🤲
٣.شفاعه النبي محمد صلى الله عليه وسلم❤️
ياحبيبي يارسول الله بأبي انت وامي.. النبي صلى الله عليه وسلم هييجي يشفع لنا.. كل واحد باسمه..علشان تستحق الشفاعه دي متنساش ٣ حاجات..
اتباع السنه من صلاه السنه وصوم اثنين وخميس وغيره من سنن النبي عليه الصلاة والسلام والصلاه على النبي كل يوم ورد. وبعد ترديد الاذان نقول اللهم رب هذه الدعوه التامه والصلاه القائمه اتي سيدنا محمد الوسيله والفضيله وابعثه اللهم المقام المحمود الذي وعدته انك لاتخلف الميعاد.
٤.عفو (((( الله جل جلاله ❤️))))
ونعم بالله فهو العفو الرحيم ..
اللهم انك عفو تحب العفو فاعف عنا 🤲
.............. اخواني في الله أخشى عليكم ونفسي ان بعد كل الرحمات دي من ربنا يكون لسه باقي ذنوب.. لو انت بعيد قوي كده عن ربنا لا صلاه ولا عباده ولا تفكير في الاخره.. للأسف هتدخل النار لحد مالنار نفسها تنقي قلبك لحد مربنا يكتبلك العفو والسلامه ويرجعك الجنه 🌳
بس ليه تعمل في نفسك كده توصل نفسك للنار..لازم نشتغل على الحاجات اللي في ايدينا علشان نموت انقياء بقلب سليم
أوصيكم ونفسي بالثلاث
التوبه ✌️ والاستغفار✌️ والحسنات ✌️
اللهم توفنا بقلب سليم والحقنا بالصالحين 🤲
أنت تقرأ
صدقه جاريه ( لعلهم يتفكرون )
Spiritualهتكون عباره عن معلومات عامه او نصائح سمعتها و اريد ان تستفيدوا منها كما استفدت منها انا ، ولعلها تكون صدقه جاريه لي في يوم من الايام
