صدقه جاريه ( لعلهم يتفكرون )

٨٢ : الحذر ثم الحذر

شاب كان مشترك فى موقع إباحى
لمدة 5 سنوات بـ500 جنيه
الموقع بيرسله على إيميله كل يوم صور
و مقاطع إباحية
هو من كتر ما كان مُعجب بالموضوع لم صحابه
و عرّفهم على الفكرة بكل فخر و فرّجهم على
الحاجات اللى الموقع بيرسلها
هما كمان إنجذبوا للموضوع فقرروا يشتركوا
ف الموقع قال لهم لا و تشتركوا ليه ما أنا مشترك
أنا هضبط إعدادات إيميلى إن الرسالة اللى تجيلى
من الموقع ده يتعملها إعادة تحويل و ترسل
ليكم كلكم على إيميلاتكم
و قد كان
استمروا على الحال ده 6 شهور
و بعدها الشاب ده عمل حادثة و مات
صاحبه بيحكى إنه لما رجع من الجنازة وجد
رسالة أرسلت له من إيميل صاحبه الميت
بالصور و المقاطع الإباحية
أصحابه أرسلوا للموقع إن صاحب الإيميل ده
توفى فياريت تلغوا الرسائل اللي بترسل
كان رد الموقع إنه مش هينفع تتلغى
قبل نهاية الاشتراك
اللى لسه هيكمل 4 سنين و نص !!!
4 سنين صعب جداً يكون أصحابه بالوفاء
اللى يجعلهم لا يفتحوا الرسائل فى لحظات
ضعف أو رغبة أو عصيان
فـ فضل الحال على ماهو عليه ..
الشاب ف القبر الله أعلم بحاله
و الذنوب عمالة تكتر عليه

💧نفس الفكرة دي بنعيشها ف قصص كتير
من غير ما ننتبه لها 👇

👈 البنت اللي بتقلع الحجاب فتقنع صاحبتها
إنهم يخلعن الحجاب أو تكتب على السوشيال ميديا
قد إيه الحجاب كان غلط و مش فرض أصلاً
و قد إيه هي مبسوطة بالتحرر منه فتكون
سبب ف ضعف بنت غيرها

👈 الشاب اللي بيشرب سجاير فيعزم على صاحبه
و يعلّمه يشرب معاه علشان ما يبقاش لوحده

👈 الشباب أو البنات اللى تاركى الصلاة خالص
أو الصلاة مش من أولوياتها فلما تبقى ف خروجة
حلوة تمنع أي حد من الموجودين إنه يروح يصلى
بحجة " ابقى صلى ف البيت بقى ما حبكتش "
إنت كده مش هتشيل ذنب تأخير صلاته مرة واحدة
هو ممكن يتعود على كده و يبقى ده مبدأه دايماً
حتى لما يخرج مع حد غيرك فيبقى يصلى لما يرجع
بقى مش لازم دلوقتى

🔴 لو هتعمل الذنب اعمله لوحدك ..
بلاش تقنع حد بيه و لا تحرّض حد عليه

إنت بعد فترة ممكن تتوب .. ممكن تبطل كل الذنوب
و تبقى من الصالحين كمان .. لكن ساعتها مش
هتعرف تجرى وراء كل واحد نقلت له العدوى
و اتعود على الذنب ده و تجعله يتوب
و لو عرفت تكلمهم جميعاً مش هتعرف تقنعهم
بإنهم يتركوا حاجة اتعودوا عليها خلاص
لمجرد إنك تركتها
مثل ما فى صدقة جارية فيه ذنوب جارية
احرصوا على الأولى و احذروا من الثانية

قال تعالى : ( لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ
وَ مِنْ أَوْزَارِ الَّذِينَ يُضِلُّونَهُمْ بِغَيْرِ عِلْمٍ أَلا سَاءَ مَا يَزِرُونَ )

و قال صلى الله عليه و سلم : ( مَنْ دَعَا إِلَى ضَلاَلَةٍ
كَانَ عَلَيْهِ مِنَ الإِثْمِ مِثْلُ آثَامِ مَنْ تَبِعَهُ لاَ يَنْقُصُ
ذَلِكَ مِنْ آثَامِهِمْ شَيْئًا ) صحيح مسلم
#الحذر_الحذر
...منقووول.