=من فضلكم ممكن بلاش نتكلم عن حد لان دى غيبه ✋
_هو ليه انتِ دايما يعنى بتعملى ست الشيخه وتقولى حرام الغيبه والكلام دا
الغيبه لما اتكلم كدا عن حد وانا مدايقه منه مش حرام
😊اولا متزعليش من الكلام اللي هيتقالكِ لما تقولي بلاش ياجماعه نتكلم عن حد
ومتتكسفيش انك تقولى ف المجلس اللى بيتغتابوا فيه ان الغيبه حرام خليكى قوية في دينك ✊ وانكري المُنكر
واضعف الإيمان ولو كنت بمكان فعلا صعب جدا تقولي بلاش غيبة أضعف الإيمان انك تقومي تغيري مكانك عشان يفهموا انك انتِ مش موافقه ع المجلس دا لو فضلتِ جالسه معهم ف مجلسهم حتى لو ساكته انتِ كدا شريكه معهم ف الغيبه 👌 ف خلى بالك
وبعدين تعالي ابشرك أن الله يرد عن وجهك النار لما تقولي للناس ياجماعه بلاش نتكلم عن فلانه ✅قال النبيﷺ:مَن ردَّ عن عِرضِ أخيه ردَّ اللهُ عن وجهِه النَّارَ يومَ القيامةِ
من بعد الان خلى شعارك لن اسمح لأحد يغتاب اختى المسلمه وانا موجوده ✊لانى اريد أن يرد الله عن وجهي النار يوم القيامه
💭على فكرة لازم تعرفي ان نفسك والشيطان هيوهموكِ انك بلاش تتكلمي وخليكى قاعده وساكته مافيهاش حاجه
والشيطان هيزين لك المجلس عشان تفضلي قاعده ومتقوميش لان الشيطان لايريدك ان تخرجي من بؤر المعاصي ف خلى بالك وكوني أقوى من الشيطان ✊
وبعدين على فكرة اللي تقولك الغيبه مش حرام لان فلانه ظلمتني لازم تعرفي ان الغيبه اسمها غيبه واصلا غالب الناس اللي بتغتاب بتكون بتتكلم عن حد ظلمها أو بتكون ادايقت من فلانه ف تبدأ تتكلم عنها
أو بتكون شايفه فلانه افضل منها ف عايزة تبدأ تنشر بين الناس ان فلانه يعنى مش كويسه كل دا ووو
ممكن نقول انها مش غيبه: مثلا
لما تسألي شيخه أو تسألي حد وتقولي له ماحصل عشان يفيديوكِ وينصحوكِ تتصرفي ازاي
الواجب العملى✊
١_:استعين بالله واعلم ان الشيطان هيزين لي مجلس الغيبه ف اكون أقوى منه واقوم اغيري مكاني أو اقول بلاش ياجماعه نتكلم عن فلانه لاني انا ارى بعين قلبي اني لما اقول بلاش ياجماعه نتكلم عن فلانه ف الله يرد النار عن وجهي يوم القيامه
استنونا ف بوستات قادمه نتكلم عن عقاب الغيبه وكيف نتوب منها ان شاء الله
أنت تقرأ
صدقه جاريه ( لعلهم يتفكرون )
Spiritualهتكون عباره عن معلومات عامه او نصائح سمعتها و اريد ان تستفيدوا منها كما استفدت منها انا ، ولعلها تكون صدقه جاريه لي في يوم من الايام
