لو سألت أي واحد بيكلم زميلته في الكلية أو في غيرها من الأماكن المختلطة .. أنت بتكلمها ليه ؟ هيقولك مجرد علاقة بريئة
بقى فيه حاجة بين الولاد والبنات اسمها الصحوبية وبعدين تنتهى بكل المشاكل اللي انتوا عارفينها
اسأل نفسك بعد الوقفة دي معاها أنت قربت من ربنا ولا بعدت عنه ؟
الأرض اللي أنت وقفت ومشيت عليها معاها دى هتشهد ليك ولا عليك يوم القيامه ؟
اللي كتب الوقفة دي ملك الحسنات.. ولا ملك السيئات ؟
بعد الوقفة دي قلبك بقى مايل لإيه ؟ لدرس دين .. ولا لأغنية ؟
افتكر كل نظرة خطفتها .. هتتحاسب عليها لأنها اتكتبت عليك "يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ "
ولسه مفاجآت القيامة على القنطرة
لما كل واحد من أهلها ياخد حقه منك
الاختلاط هو الثغرة اللي الشيطان دخل منها للمجتمع بتاعنا
البنت اللي بتكلم الولاد وتصاحبهم ..اوعي تفتكري إن فيه أي واحد منهم هيتزوجك ويسعدك
ما عند الله لا ينال إلا بطاعة الله 👌
البنت هتخرج من العلاقة دي خسرانة كل حاجة في الدنيا
وهتدمر حياتها ونفسيتها ...
و لو ما تابتش هتتعذب في القبر وفي جهنم وفي يوم القيامة يحشر المرء مع من أحب
"الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ (67)"
لازم نفوق يا جماعة الاختلاط بيعمل مشاكل بتوصل لتغيير الدين ...
العلاقات اللي كانت في الأول بريئة اتحولت لكوارث !!
الخوف من الله و العفاف و عدم الانجراف وراء تيار الاختلاط هو الحل لكل المشاكل دي
ربنا سبحانه وتعالى حرم الصحوبية مرتين في القرءان :
"محْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ ۚ"..... النساء
"مُحْصِنِينَ غَيْرَ مُسَافِحِينَ وَلَا مُتَّخِذِي أَخْدَانٍ ۗ "..... المائدة
ربنا لما كلم أطهر قلوب على وجه الأرض
قلوب أمهات المؤمنين وقلوب الصحابة قال سبحانه :
"وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاءِ حِجَابٍ ۚ ذَٰلِكُمْ أَطْهَرُ لِقُلُوبِكُمْ وَقُلُوبِهِنَّ"
كوني غالية كما قال تعالى على مريم بنت عمران : "والَّتِي أَحْصَنَتْ فَرْجَهَا فَنَفَخْنَا فِيهَا مِن رُّوحِنَا وَجَعَلْنَاهَا وَابْنَهَا آيَةً لِّلْعَالَمِينَ "
وكأنها في حصن ... مفيش حد يقدر يقرب من الحصن.
فكرت في العرض على الله هتقوله إيه ؟؟
📌 القرار الحاسم الجرئ اللي لازم تاخده :
أنك تنقطع عن طريق الاختلاط تماما وعن أي علاقة محرمة حتى لو كان دا صعب أو قاسي عليك .. هتتعب في الأول وبعد كده هترتاح ..
ارعى المسؤلين منك ولا تتهاون في الحرام أبداً
اشغل وقتك بالقرءان .. بالدروس ....
واملأ حياتك بصحبة الصالحين ... وابعد عن أماكن الاختلاط والمعصية 👌
اتق الله في قلبك ❤️
أنت تقرأ
صدقه جاريه ( لعلهم يتفكرون )
Spiritualهتكون عباره عن معلومات عامه او نصائح سمعتها و اريد ان تستفيدوا منها كما استفدت منها انا ، ولعلها تكون صدقه جاريه لي في يوم من الايام
