صدقه جاريه ( لعلهم يتفكرون )

٧٩ : ما الافضل عمله وقت الوفاه

أخيراً لقيت حد عارف معلومة ختمة القرءان و العزاء

الحقيقة إللى كلنا عارفينها و متأكدين منها إننا كلنا ربنا كتبلنا إننا نموت فى ميعاد محدد غير معروف ...

وعشان كده كتبت الكلام ده لأنى محتاج حاجات معينه تتعمل وحاجات خايف تتعمل وأنا مش عايز حد يعملها لمجرد إنها معروفه .. ووقتها طبعاً مش هعرف أقولها لحد ..

١) صلاة الجنازة أهم من العزا و هى إللى كل ما العدد زاد كل ما ثوابى ما كان أكتر ... فأرجوكم تصلوا عليا

٢) مش شرط تيجى العزا وياريت لو إتعمل فى البيت أو مكان بسيط و بفلوسه تطلعولى صدقة جارية.

٣) من فضلكم لم يثبت أو يتفق عليه عمل خاتمة قرآن للمتوفى إنها هتوصله،، بس مثبت إن الدعاء والصدقة بيوصلوا للميت ،، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه ..

٤) بلاش صدقة جارية تقليدية وسهله ومش مستفاد بيها يعنى المصاحف كتير فى مصر اوى وكل بيت فيه كتييير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول ميه لبيت غلابه أو بناء سقف لبيت فقراء،، حاجات ناس تستفيد بيها..

٥) دى نقطة مهمه اوى بالنسبة ليا .. محدش يقول لحد بتعيط عليه لية!! ومتعيطش عشان هو بتتعذب!! الكلام دة غلط ،، سيبوهم يعيطوا لحد ما يطلعوا كل الشعور اللى عندهم و مفيش حاجه بتقول إن العياط معناه عدم رضا بقضاء ربنا "وأبيضت عيناه من الحزن فهو كظيم".

٦) أهم حاجة تانى هى الدعاء وبسسس والصدقة

٧) من فضلكم تكثفوا الدعاء وقت نزول القبر وتتصدقوا بأى حاجه بنيه إن ربنا يجعل قبرى روضه من رياض الجنه ويثبتنى عند السؤال لأن دة أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زى دى ..

٨) الموت علينا كلنا حق وإحنا كلنا أمانات ربنا وهيردنا تانى ... فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تانى ..

٩) إدعولى كتير عشان لو مفيش حد يدعيلى ..

١٠) ودى مهمة أوى أوى أوى كمان وهى إسألوا على ‏حبايبي علطول وودوهم وخليكوا وقريبين منهم وشيروا بوستات دينيه كتير من صفحتي

اللهم إن كثر موت الفجأة من حولي و كثر موت الشباب غفلة
ف يارب إن كنت أنا القادم فأحسن خاتمتي و يسّر طلوع روحي وهوّن عليّ سكراتي فإني أحب أن ارحل في هدوء و سكينة وطمأنينة ولا تقبض روحي إلا و انت راضٍ عني لكي اكون عبداً مقبولاً لك وعِندك حتي أليق بلقائك العظيم
و إن كان لي من العمر باقي فأغفر لي ذنوبي و معاصي نفسي الأمّارة بالسوء و أعفو عني و أمحو لي كل ما
يعرقل طريقي إليك و ردّني إليك ردّاً جميلاً