صدقه جاريه ( لعلهم يتفكرون )

٧٢ : احذر

✋🏻 احذر إنك أنت تقع أو إن الشيطان يضحك عليك ثاني

🚫 احذر إنك ترجع للكسل والتوهان تاني

⛔️ احذر إنك ترجع للنوم تاني أو إنك ترجع للبعد عن الله تاني

✋🏻 احذر إنك ترجع لغفلة القلب عن الله تاني

🚫 احذر إنك تموت تاني وإن قلبك يموت ثاني بعد ما ربنا أحياك سبحانه وتعالى

🛑 علشان كده بعد الصلاة بنقعد نستغفر لازم العبادة تزيدك انكسار

⏪ علشان كده برضو في سورة المزمل بعد ماقمت ثلثين من الليل ربنا قال { وَاسْتَغْفِرُوا اللَّهَ ۚ إِنَّ اللَّهَ غَفُورٌ رَّحِيمٌ}

💡 وربنا قبلها قال { إِنَّ رَبَّكَ يَعْلَمُ أَنَّكَ تَقُومُ أَدْنَىٰ مِن ثُلُثَيِ اللَّيْلِ وَنِصْفَهُ وَثُلُثَهُ }

✋🏻 اوعى تمنّ على الله بعملك يبقى نتوب من الكبر اللي بيجي في القلب بعد العبادة

⁉️ طب أنت هتوب من إيه تاني توب من معاصي السر يا أخي

👈🏻 لو أنت في البيت لوحدك أو لو أنت حتى في الشارع

كل 👀 نظرة حرام كل 🔥 معصية سر 👈🏻 دي الحاجة اللي بتتسمى خيانة أنت خاين حاجة اسمها { خَائِنَةَ الْأَعْيُنِ}

💔 تتوب من معاصي القلوب وأمراض القلوب اللي جوة قلبك وأنت عارفها

🤔 معقول قلبك ما فيهوش رياء خالص قلبك ما فيهوش نفاق قلبك ما فيهوش أمراض قلبك ما فيهوش تعلق بغير الله قلبك ما فيهوش سوء ظن بالله ساعة ما بتحصل لك مشكلة

💢 إبليس بعد 70,000 سنة انتكس ليه لأن قلبه في أمراض

🔥 اللي قلبه فيه امرأة ومش هيواجه المشكلة دي هتوقعوا

🗯 ده حتى الشيطان ساعة ما تيجي تموت هيشكك في عقيدتك وأنت هتقع في التشكيك بتاعه ولا لا على حسب أمراض قلبك

✅ علشان كده النبي كان بيقول وأعوذ بك إن يتخبطني الشيطان بعد الموت ما تبقاش عامل زي الكورة في يدي إبليس

🔍 الناس اللي مش بتهتم بقلبها الشيطان بيلعب بيها الكورة ساعة الموت إلا أن يعصمه الله

🔍 يبقى علشان كده أنت لازم تتوب من معاصي القلوب قبل ما تقع بسببها توب إلى الله من معاصي القلوب ومن الحسد والحقد والغل والأنا

💡 ده النبي عليه الصلاة والسلام قال ( لا يدخلُ الجنَّةَ من كانَ في قلبِه مثقالُ ذرَّةٍ مِن كِبرِ) واحد من أمراض القلوب ما يدخلش الجنة

⛔️ تتوب إلى ربنا من معاصي الفرائض يعني كل صلاة فجر راحت عليك دي كده معصية لأن دي حاجة ربنا فرضها عليك وأنت ضيعتها

⏰ لما تضبط المنبة على الساعة 8:00 الصبح وما تضبطوش على صلاة الفجر أنت كده عملت كبيرة من الكبائر أنت كده تعمدت تسيب الفريضة

😱 واللي بقى له شهور ما بيصليش الفجر

😨 واللي بقى له فترة ما بيصليش أصلًا لازم يتوب لربنا دي كبيرة من الكبائر

✋🏻 لازم تتوب لربنا من معاصي المعاملات والأخلاق حد أنت ضحكت عليك مدرس كلت عليه فلوس من أيام زمان أي حاجة بقى الغيبة بقى مثلًا وما أدراك ما الغيبة والمعاملات المادية مثلًا في شغلك وكل ده

♻️ كعب بن مالك تخلف عن غزوة تبوك مرة واحدة بس شوف حصل له إيه

😱 وأنت يا ترى تخلفت عن كم عبادة شوف هيحصل لك إيه بعد كده

👀 المؤمن بيبص على المعاصي أكثر ما بيبص على الطاعات أو حاطت الاثنين قدام عينيه فهو عايش ما بين الرجاء والخوف

🔍 يبقى كده اللي بعد العشر الغنائم العظمى لازم يبقى عندك ثوابت في دينك بعد العشر

🏷️ لازم من الوقتي تحدد الثوابت اللي أنت خرجت بها لازم من الوقتي تبقى ناوي لأن مرت العشر ليرينّ الله ما أصنع

✋🏻 لازم يبقى عندك انكسار وتوبة وتجديد توبة مع الله سبحانه وتعالى من سنن الله ومن سنن العبادة في مواسم الطاعة إن خواتيم المواسم هي أخطر ما في المواسم

#احذر_إنك_تبعد_ربنا_بعد_العشر
#الشيخ_حازم_شومان