صدقه جاريه ( لعلهم يتفكرون )

١١٨ : ١٠٠ يوم عباده

#شرح_تحدي_العبادة💪❤️

هنعمل ايه في التحدي؟
المفروض كل يوم أطبق عبادة جديدة ؟
طب ماانا ممكن مداومش عليها !

هقولك التحدي اصلا بيتكلم عن ايه؟!

التحدي بيتكلم عن مفهوم " الرضا "..
عن " شكر النعم "..
عن " التأمل في مخلوقات الله "..
عن " السنن "..
عن " استشعار الآيات "..     وهكذا ..

يعني زي اية مثلاً 🤔

انا بقالي اسبوع  تعبانة جدا ،، والحمدلله على كل حال ..

ايه اللي هيسعدني في أيام زي دي مثلاً؟ وانا مش قادره اعمل المهام اليومية العادية كلها !!؟

عصرت دماغي لقيت ان نومتي ع السرير مع كوباية الليمون دي حاجة فعلا تستاهل اقول الحمد لله..
غيري معندوش بيت وسرير ينام عليه متخيلين ؟
غيري معندوش القدرة يقوم يعمل لنفسه كوبايه الليمون دى ،،
أو معندوش حتي حد يساعده ...

الفكرة اني اشكر ربنا و افرح بالحاجات الصغيرة اللي في ايدي ..
وأحمد ربنا واشكره علي كل حاجه صغيرة اوي

اقول الحمد لله عشان الجو حلو النهاردة ❤️

انا مبسوطة عشان جبرت قلب وخاطر صاحبتي بكلمة حلوة ❤️

سعيدة عشان قريت كتاب جديد ❤️ واتعلمت ولو معلومة واحدة ..
سعيدة عشان ساعدت حد معرفهوش ❤️
مبسوطة عشان صليت الفروض كلها النهارده في وقتها ❤️
فرحانة عشان قريت قرآن حتي ولو صفحة ❤️

يعني ابص للنعم اللي بتحصل في حياتي و اشكر ربنا عليها و اقول الحمد لله ❤️
انتم مدركين كم الحاجات الحلوة اللي بتحصل كل يوم و احنا اصلا مش حاسين بيها؟؟
التحدي بقي بيعلمنا ناخد بالنا منها ..

طب بعمل ايه بعد ما خدت بالي من النعم دي او فرحت نفسي بنفسي ؟

انا عن نفسي بسجلها اونلاين قدام الناس عشان انقل عدوى السعادة و ادي أمثلة لغيري ..

فيه ناس بتخاف من الحسد او من مراقبة الناس ليهم و غيره ، اكتبوا يومياتكم في نوتة ..

التسجيل اليومي مهم جداااااااا لأنه بيثبت المعلومة و بيخلينا فعلا ندرك الفرق بين حياتنا العادية و حياتنا مع مفهوم الرضا و الشكر و السعادة..

طب انا عملت التحدي و حصل حاجة زعلتني اوقف التحدي!؟

لأ طبعاً!!
لان طبيعي يا جماعة هنزعل و نمرض و تحصل الف حاجة تنكد علينا خلال مدة زمنية طويلة زي ال١٠٠ يوم ..

هو هدف التحدي ايه ؟
انه يمنع الزعل ؟
لا طبعا

هدفه اننا لما نزعل يخلينا نطلع من الزعل ده بسرعة و نرضى بسرعة و منكملش في النكد كتير .😊

حصل حاجة زعلتني مثلا :
خلاص غصب عني هقعد اعيط بطبيعتي الحساسة، شيء لا إرادي ..

طب عيطت لحد ما نشفت
كفاية نكد بقا !!!!

أقوم اعمل حاجة تفرحني و ارمي ورا ظهري و اقول الحمد لله يا رب عوضني خير و صبرني..

وسلموا أمركم لربنا و ثقوا في حكمته ❤️
اقل القليل أقوم ابص ع السماء الجميلة ، أو القمر ، القمر في نفسه دة وانسي اي حاجه زعلتني مادام ربنا معايا وجنبي.

احنا بشر
الحزن حق طبيعي لينا
المهم بس منطولش فيه و منستسلمش ❤️

الاستسلام بيضيع حاجات حلوة و فرص كتير من ايدينا.❤️

#١٠٠_يوم_عبادة💪❤️
#هبةُ_الله

انتظروا كل يوم عباده جديده 👍👍
نقلا عن صفحه #هبه_الله_محمد
بارك الله فيها وجزاها عنا خيرا ❤️