صدقه جاريه ( لعلهم يتفكرون )

٢٥ : التوبه الصادقه

#حي_على_الفلاح
#التوبه
💥💥💥ازاي أتوب توبه صادقه لله👌؟! 😔

طيب قبل منتكلم عن شروط التوبه الصادقه.. لازم نفكر مع بعض شويه..🤔
👈لازم نستحضر مع بعض مصيرنا الحتمي اننا كلنا هنموت... وبعد الموت في بعث وبعد كده يوم القيامه وفيه أقوى مشهد لينا وهو الوقوف بين يدي الله..(حوارك مع الله سبحانه وتعالى)
👆 لازم تفكر فيه شويه وتتأمل فيه 🤚..
ربنا هيقولك ياعبدي تذكر يوم فعلت كذا وكذا وعصيتني وانا أكرمتك وانعمت عليك وانت ياعبدي استخدمت نعمي عليك في معصيتي😔
وكمان تعلم أن الله مطلع عليك وانت بتعمل المعصيه وجعلته سبحانه وتعالى اهون الناظرين إليك 😔
في ناس من شده خجلها في اللحظه دي جلد وشها بيقع.. 👈تخيل كده..🤚
وبعد كل المعاصي دي ربنا سترك ومفضحكش قدام الناس واخدت فرصه واتنين وتلاته...
😔الموضوع كبير ياخونا والله.. مش كلام....
👈هقولك تخيل كده ابنك حبيبك.. بيعمل حاجه غلط وانت تقوله عيب يابني.. يقولك معلش.. تخيل لو كرر الفعل ده تاني وتالت وتيجي تقوله عيب يقولك مخلاص بقى.. هتغضب منه قد ايه.. ده ابنك المدلل..
انه حتى معتذرش ليك.. هتقوم تعمل فيه ايه ساعتها ..
✍️ ولله المثل الأعلى...
فعايزك تفكر كده حالك مع المعصيه عامل ازاي..
بتندم بعدها ولا لا..
تخيل لو انت مبتندمش على المعصيه... ولا كأنك عملت حاجه غلط..ولاهمك حاجه..
..لو انت كده فعلا.. خاف على نفسك..🤚
👈 لازم ياجماعه نأنب نفسنا على اي حاجه غلط بنعملها..
مش مشكله نغلط بس لازم نعتذر.. ونتوب.. ايوه نتوب.. التوبه معناها الرجوع مره اخرى لربنا ... معناها انك مقدر ربك وخايف منه.. غلطت ارجع تاني.. لو ١٠٠ مره تغلط ترجع تاني.. انت ليك حد غيره سبحانه وتعالى ..👆❤️
اوعي الشيطان يقولك ازاي هترجع لربنا.. دنتا عملت وسويت.. اوعي 🤚...
لا ييئس من روح الله إلا القوم الكافرين..👌

✍️هنقول روايه عن عبد الله بن مسعود رضي الله عنه احد كبار الصحابه انه جاء اليه احد الناس ذكر ليه ذنب قبيح عمله.. فسيدنا عبد الله بن مسعود أعرض عنه.. مش قادر يبص ليه من قبح الذنب.. لكن سمعه بيبكي.. راح راجعله تاني..
قاله لو صدقت في توبتك ربنا هيغفرلك.. وان الجنه ليها ٨ أبواب كلهم يفتح ويغلق الا باب التوبه.... مفتوح دايما....سبحان الله التواب الرحيم الودود العفو...

👈طيب هقولك اخر حاجه.. سيدنا النبي صلى الله عليه وسلم قدوتنا ❤️ كان بيتوب في المجلس الواحد ٧٠ مره وهو المعصوم صلى الله عليه وسلم....
فالحياه عباره عن توبه لا نهايه لها..للمؤمن الحق 🙌
👌 ياريت كل يوم نقول (استغفر الله العظيم واتوب اليه)
١٠٠ مره.. اتباعا لسيدنا النبي ونواظب عليها كتوبه يوميه لينا...

✍️نيجي بقى لشروط التوبه👇👇👇
هي اربعه..
✍️ اولا... الندم... على الافعال المحرمه
✍️ثانيا.... الإقلاع.... عن فعل ماتبت منه
✍️ثالثا..... النيه بعدم الرجوع.... مره تانيه للذنب
ودي مهمه جدا مش ابقى ناوي ان بكره هعمل نفس المعصيه واقول انا هتوب تاني... لازم تقطع على نفسك كل اسباب المعصيه... مكان بتروحه في فساد يبقى متقربش منه.. صديق سوء هيلعب في دماغك.. يبقى متعرفوش تاني.. وهكذا
✍️رابعا.. رد الحقوق لأصحابها....
مابينك وبين ربنا من معاصي وذنوب تغفر جميعا برحمه ربنا عليك.. لكن لو واكل حق من حقوق الناس لازم ترده ولو عاجز انك ترده.. ربنا هيساعدك لو نيتك صادقه..
👈الغيبه والنميمه من الحقوق برضوا.. دي بقي نعمل فيها ايه؟
لو ذكرت واحد في مجلس بسوء تذكره بخير ف نفس المجلس...
لو تعرف تعتذر ليه.. لو حاسس انه هيقبل ممكن.. لكن لو هيزعل منك وده في الغالب.. ابقى ادعيله..كل متفتكره...
الغيبه والنميمه دي بتاكل في حسناتك يوم القيامه.. كل واحد جبت سيرته بسوء بياخذ من حسناتك.. ولو خلصت حسناتك بتاخد من سيئاته....
💥💥 احذروا ياجماعه من الغيبه والنميمه..
وبناتنا وستاتنا خصوصا 🤚🤚

....... كده شروط التوبه خلصت......... 👌

يالا بينا نتوكل على الله ونتوب 💪
فكر ان في موت... وفي حساب... وفي وقوف بين يدي الله مالك الملك....
قوم وصلي ركعتين سنه التوبه حالا 💪
.. وقول يارب عبدك الضعيف... المذنب.. اللي ياما عصاك وصبرت عليه... وياما عمل معاصي وانت سترته يارب.. راجع ليك ذليل يتمنى عفوك ورضاك.. يارب توب عليا لاتوب يارب...
لو ربنا وفقك انك تقرأ الكلام ده وتقوم وتصلي وتدعي..
اعرف ان ربنا هيقبلك برحمته وعفوه...هو التواب الرحيم ❤️
وتكرر التوبه دي تاني وتالت وعاشر.. امحي ذنوبك كل شويه..
وخد رتبه ان ربنا يحبك كمان..
👈هتقولي ازاي؟
هقولك..... مش ربنا قال (ان الله يحب التوابين)
يالا ياسيدي هتكسب كمان محبه ربنا.. بس دول التوابين يعني الكثيري التوبه.... يعني متنساش كل يوم استغفر الله العظيم واتوب اليه... ١٠٠ مره...

🌿اللهم تقبل منا إنك أنت السميع العليم
🌿اللهم تب علينا انك انت التواب الرحيم