صدقه جاريه ( لعلهم يتفكرون )

٥ : الصبر

افتح كده المصحف على آية ١٥٣ من سورة البقرة
قال تعالى:"يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ ۚ إِنَّ اللَّهَ مَعَ الصَّابِرِينَ"

-قرأتها؟
=أيوة.
-طب الآية دي نزل ترتيبها في المصحف بعد آيات إيه؟، يعنى إيه سببها؟ ليه أمر الله المؤمنين بالإستعانة بالصبر والصلاة؟، ايه اللي حصل؟

هقولك بص كده على الآيتن (١٤٩و ١٥٠) اللي قبلها
قال تعالى :"وَمِنْ حَيْثُ خَرَجْتَ فَوَلِّ وَجْهَكَ شَطْرَ الْمَسْجِدِ الْحَرَامِ ۖ وَإِنَّهُ لَلْحَقُّ مِن رَّبِّكَ ۗ وَمَا اللَّهُ بِغَافِلٍ عَمَّا تَعْمَلُونَ (149)وَمِنْ حَيْثُ خَرَجْتَ فَوَلِّ وَجْهَكَ شَطْرَ الْمَسْجِدِ الْحَرَامِ ۚ وَحَيْثُ مَا كُنتُمْ فَوَلُّوا وُجُوهَكُمْ شَطْرَهُ لِئَلَّا يَكُونَ لِلنَّاسِ عَلَيْكُمْ حُجَّةٌ إِلَّا الَّذِينَ ظَلَمُوا مِنْهُمْ فَلَا تَخْشَوْهُمْ وَاخْشَوْنِي وَلِأُتِمَّ نِعْمَتِي عَلَيْكُمْ وَلَعَلَّكُمْ تَهْتَدُونَ (150)

الآيات دي ذكر فيها إن الله-عز وجل- أمر سيدنا النبي صلى الله عليه وسلم بتحويل قبلة الصلاة من بيت المقدس للبيت الحرام.

-طب لما ده هيحصل تفتكر المنافقين و الكاف..رين هيسكتوا وهيعدوا الأمر عادي كده"؟!
=أكيد لا طبعًا.
-هيقولوا إيه؟ ارجع ٨آيات كمان لحد آية ١٤٢ عشان تشوف ردهم.

=قال تعالى :"سَيَقُولُ السُّفَهَاءُ مِنَ النَّاسِ مَا وَلَّاهُمْ عَن قِبْلَتِهِمُ الَّتِي كَانُوا عَلَيْهَا ۚ "

-طب لما السفهاء هيقولوا كده ويستغربوا، مفروض رد النبي صلى الله عليه وسلم عليهم يكون ايه؟
=الرد في تكملة نفس الآية :"قُل لِّلَّهِ الْمَشْرِقُ وَالْمَغْرِبُ ۚ يَهْدِي مَن يَشَاءُ إِلَىٰ صِرَاطٍ مُّسْتَقِيمٍ""

الله بيقول للنبي قولهم يا محمد إن سواء القبلة كانت ناحية المشرق أو المغرب فهي هتكون تحت ملك الله وفي ملكوته ❤

-طب جدل السفهاء ده مش متعب ومُحزن لسيدنا النبي صلى الله عليه وسلم وللمؤمنين؟!
=اة طبعًا.

-طب مفروض يعملوا إيه وقت حزنهم؟
ارجع تاني لآية ١٥٣ هتلاقي الحل وهو "الإستعانة بالصبر والصلاة "

-طيب سيدنا النبي صلى الله عليه وسلم لما كان بيحزنه أمر ما مش كان بيفزع إلي الصلاة، صح؟
=صح

-طب ماسألتش نفسك ليه نداء الله للمؤمنين في آية ١٥٣ بأن يستعينوا بالصبر والصلاة، وذكر الصبر قبل الصلاة!؛ بالأخص لإنك لو فكرت فيها بالمنطق هتلاقي إنك مفروض لما تحزن هتروح تصلي الأول فهتدعي ربنا إنه يصبرك على الإبتلاء والحزن اللي صابك مش العكس!

فإزاي الصبر هيكون قبل الصلاة والدعاء؟!

علماء التفسير قالوا إن الصبر يشمل تلات حاجات
الأولى: الصبر على الطاعات
التانية :الصبر على المعاصي
التالتة :الصبر على أقدار الله كلها

فلما ربنا يقدم الصبر الأول في الآية قبل الصلاة ده لإن الصبر يشمل الصبر على الطاعات واللي منها الصلاة، فأنت مش هتجري على الصلاة وتفزع إليها غير لما يكون عندك الصبر.

فبالتالي الصبر هيكون عام وأشمل، والصلاة بالنسبة للصبر هتكون جزء من كُل❤

-لما تحزن ويصيبك هم وكرب هتعمل إيه؟!
=كما أمر رب العزة"اسْتَعِينُوا بِالصَّبْرِ وَالصَّلَاةِ"💙
.. منقول