صدقه جاريه ( لعلهم يتفكرون )

٤٩ : خواطر الشر

#حي_على_الفلاح
#تطهير_القلب
#خواطر_الشر
بسم الله والحمد لله والصلاه والسلام على رسول الله..
أما بعد...
نحب في البدايه نشكر كل الناس اللي شاركت معانا في الاستبيان عن (حالنا مع الدروس السابقه) ومدي تأثرهم بيها..
ونقول ان النتيجه كانت كالاتي...
✍️ اكبر نسبه والحمد لله من اللي شاركوا صوتوا بأن حياتهم بدأت تتغير.. وبدأوا يدربوا نفسهم على حفظ المنافذ الحسيه الثلاث.. البصر والسمع واللسان..نسأل الله تعالى أن يبارك فيكم ويعينكم ويثبتكم على الطاعات..
✍️باقي النسب متفاوته في باقي المنافذ الحسيه.. الحمد لله ناس بدأت تضبط بعضها والآخر لا.. ربنا يقويكم ويعينكم على السيطره على باقي المنافذ لكن لاحظنا ضبط السمع كان قليل شويه..
ونحب نقولكم ان عليكم بالقرآن الكريم وسماع التلاوات الخاشعه.. اللي تهز القلوب وتصحصح النفس. وواحده واحده هتنقي سمعك ويرتقي ☺️
✍️أما في نسبه صغيره جدا بتقول للأسف... لم تتغير الي الان...هقولهم ياشباب لازم تخافوا على نفسكم 🤚🤚
كفايه يوم زي امبارح نسمع عن حوادث الإنتحار والذبح في وضح النهار وكثره القتل ..وغيره من ايام نسمع عن انتشار الفساد والرشوه والبعد عن الدين..والنساء الكاسيات العاريات..
كل ده من علامات يوم القيامه..لازم اللي بيحصل من حواليك ده يهزك ويفوقك...🤚🤚
كل اللي حوالينا ده بسبب الغفله عن الدين والغفله عن هدفنا في الحياه..
الناس معظمها بقى ماشي بلا هدف.. عايش في الطاحونه.. يشتغل ويتجوز وياكل ويشرب بلا روح وبلا هدف🤚
👈👈 لازم نرجع نفكر نفسنا اتخلقنا ليه..
✍️معادله الدنيا بسيطه جدا..👇👇
ربنا سبحانه وتعالى قال:
(ومن إتبع هداي فلا يضل ولا يشقي) .. وقال
(ومن أعرض عن ذكرى فإن له معيشة ضنكا)
تبقى مع ربنا تسعد وترتاح👌تبعد عن ربنا تشقي وتتعب👌

👈قَالَ رَسُولُ الله ﷺ: (عَجَباً لأمْرِ الْمُؤْمِنِ إِنَّ أَمْرَهُ كُلَّهُ لَهُ خَيْرٌ، وَلَيْسَ ذَلِكَ لأِحَدٍ إِلاَّ للْمُؤْمِن: إِنْ أَصَابَتْهُ سَرَّاءُ شَكَرَ فَكَانَ خَيْراً لَهُ، وَإِنْ أَصَابَتْهُ ضَرَّاءُ صَبَرَ فَكَانَ خيْراً لَهُ).
👈يعني المؤمن الحق بيكون راضي ومبسوط بكل الاحوال حصله خير شكر.. حصله ابتلاء صبر..لانه عايش مع الله ❤️.. حامد ربه وراضي بقضائه.. وعارف أن الدنيا دار ابتلاء.. وعارف أن لا عيش الا عيش الاخره...
هروح اعمل معصيه على ايه وعلشان ايه.. متعه زائله.. طيب وآخرتي.. حياتي الأبديه... اخسرها علشان ماشي ورا نفسي اللي سيقاني.... فوقوا ياخوانا 🤚🤚🤚🤚
واللي لسه مبدأش يتغير معانا ينوي من دلوقتي..
ويرجع لدرس التوبه يقرأه تاني ويبدأ من جديد..
كل متتعثر أبدا من تاني واوعى تيأس من نفسك..
هتروح لمين غير ربك 🤚🤚... ارجع وقول يارب عبدك الضعيف عصاك وانت الملك الجبار وانا الذليل إليك.. تقبل مني توبتي وساعدني يارب على الثبات.. 🤲🤲
باب ربنا مفتوح ليك في اي وقت مهما عظمت معاصيك...

✍️ونحب نوضح ان دروسنا تحتاج للتطبيق مباشره..
انت بتغير نفسك.. شئ صعب جدا.. عايز اراده وصبر وهمه علشان كده بنسيب فتره كافيه بين الدروس..
علشان كل واحد يشتغل عل نفسه..والتطبيق لازم يكون فوري.. كما قال الصالحون؛
((فالعلم ينادي بالعمل فإما أجابه وإما ارتحل))
يعني يتنفذ وتبدأ معانا.. ياما تفضل زي ماانت 🤚🤚
ان شاء الله اخوانا يزودوا الهمه ويشتغلوا على نفسهم ونشوف متابعه ونشاط منهم والاستبيان القادم يكون أعلى وأعلى 💪💪💪💪💪