#حي_على_الفلاح
#البدايه_من_الداخل
#تطهير_القلب ٢
#حفظ #العين
بسم الله والحمد لله والصلاة والسلام على رسول الله صلى الله عليه وسلم..أما بعد...
👈تكلمنا في الدرس السابق عن قيمه القلب وان لازم نبدأ بتطهيره علشان نعرف نكمل في طريق الهدايه..
وقولنا ان القلب محل نظر الله سبحانه وتعالى في الإنسان ولازم نهتم بيه ونزينه ليكون في أجمل صوره..☺️
👈قولنا ان البدايه هي قفل كل المنافذ اللي بتسبب ظلمه للقلب..
وقولنا ان المنافذ نوعين... حسيه ومعنويه..✋
وبدأنا بالمنافذ الحسيه وقولنا انهم ثلاثه..
العين 👁 الأذن 👂 اللسان 👅
ودرس اليوم ان شاء الله عن حفظ العين 👁 👌
👈هنبدأ بحديث شريف..
ورد في الحديث القدسي عن النبي صلى الله عليه وسلم : أنَّ (النظرةُ سَهمٌ مَسمومٌ من سِهامِ إبليس، مَن تَركَها مِن مَخافَتِي؛ أَبدلْتُه إِيمانًا يَجِدُ حَلاوَتَه في قَلبِه)..
النظره سهم مسموم.. طبعا ده المقصود عند استخدام النظر الى كل مايغضب الله تعالى...
✋✋✋النظر الى المحرمات..ثلاث... 👋
✍️١.النظر الي الدنيا بالتعظيم.
يعني تشوف حاجه جميله تعظمها لنفسها..
يعني مثلا تشوف قصر كبير.. تقول ايه ده كل ده قصر..
بس اللي عايز طريق ربنا ميقولش كده..
لكن يقول.. سبحان الله.. ماشاء الله.. سبحان الخالق.. سبحان خالق الإنسان وأعطاه العلم اللي خلاه يبني المبنى الفخم ده.. 👈ودي كمان حضرتك عباده مهمه وناس كتير متعرفهاش.. وهي عباده التدبر...👌👌
كان سيدنا النبي صلى الله عليه وسلم بيروح يقعد في الغار ويتدبر خلق الله ويسبح ويستغفر.. فلازم نتبع قدوتنا صلى الله عليه وسلم..
👈يعني وانت بتتفسح في مكان.. اتفسح واتبسط.. بس تشوف المنظر الجميل تفكر في ربنا سبحانه وتعالى.. وازاي خلق الجمال ده والابداع ده وتقول سبحان الله لاحول ولا قوة الا بالله..
مش لازم بتتفسح يبقى تعصي ربنا..✋
مفيش أجمل من السعاده والفرح بدون متغضب ربنا عليك او تعصيه سبحانه وتعالى.
✍️٢.النظر الي مخلوق بعين الاحتقار.
👈وده مهم جدا بالذات في بدايه طريقك لله.. ممكن نفسك تحدثك انك أفضل من فلان العاصي..
💥اوعي أما تشوف واحد بيعمل معصيه تحتقره... ✋✋
احتقر المعصيه ولاتحتقر العاصي 👌..
عسى الله أن يتوب عليه ويكون افضل منك..
طالما لسه حي يرزق.. ممكن احواله تتبدل.. وربنا مقلب القلوب قادر سبحانه وتعالى في لحظه واحده يقلب قلبه للعباده والطاعه والعوده الي طريق الهدايه...
👈فالمؤمن الحق لايحتقر أحد 👌👌
💥 ليه تحتقر واحد جاهل.؟ علشان عندك علم اكتر منه..! العلم ده زي مهو حاجه كويسه عندك على قد ما انت هتتحاسب عليه.. علمته لغيرك.. نفعت بيه الناس.. ولا فرحت بيه لنفسك علشان يقولوا عليك عالم...
💥ليه تحتقر فقير...؟ علشان انت أغني منه! ... زي ما المال حاجه جميله وزينه الحياه.. لكن هتتسأل عليه..
جبته منين.. أنفقته على مين.. بتتصدق بيه ولا بتكنزه.. هيكون خير ليك في الاخره ولا حسرات عليك يوم القيامه...
✋اوعي أبدا تحتقر شخص علشان شايفه عاصي أو جاهل أو فقير... أو أي شئ.. كل نعمه من دول انت فيها ده مش شطاره منك.. ده بسبب ان ربنا اديهالك بدون حول منك ولاقوه.. وعلشان تحافظ على النعمه.. تحفظها بحمد الله وشكره عليها.. لتذول منك ✋✋
.. انت نفسك مين؟ نحن الفقراء الي الله.. تواضع وتذلل لله.. عمرك مهتتكبر على حد... وانت بتصلي صلاتك بخشوع وتذلل لله سبحانه وتعالى
وأكسر نفسك كل شويه وقولها انتي مين؟
أخرك مترين في مترين.. شايفه نفسك على ايه...
ومن تواضع لله رفعه.. 👆
✍️ ٣.النظر المرتبط بالشهوات.
وهو النظر الى اي شئ يثير الغرائر والشهوات.. وما أكثر المناظر اللي بنشوفها في حياتنا اليوميه في الشارع او التلفزيون او الموبايل.. وده هيكون أول اختبار صعب في مشوارنا مع بعض.. وهو (غض البصر)..👁
لازم ياخونا نركز مع بعض في النقطه دي..✋✋
💥 💥 عينكوا غاليه ياخونا والله.. افتكر ان ربنا خلقها ليك علشان تنظر اليه سبحانه وتعالى..❤️❤️
يبقى لازم تصونها من كل المفاسد اللي حواليك.. لازم تاخذ القرار دلوقتي.. انت راجل تريد الله تعالى وعايز تمشي في طريقه.. وعايز الفردوس الأعلى.. يبقى لازم تصون نعمته عليك.. مش تستخدمها في معصيته..
طيب تعمل ايه بالظبط؟ ✋
👈 تبدأ بموبايلك.. اي صفحات بتنزل صور خليعه تلغي متابعتها فورا.. وتبدلها بمتابعه الصفحات الدينيه.. اللي بتنزل منشورات تفكرك وتثبتك..
يبقى الغي الفاسد وتابع اللي يفيدك.. وواحده واحده هتلاقيك بتتخلص من الفيديوهات والصور اللي كانت بتجيلك كل شويه على الفيسبوك وتبدأ المنشورات الدينيه تظهر لك.. 👌وطبعا اكيد تلغي الانسجرام والتيك توك.. لازم اي حاجه هتجيبلك سيئات تشيلها من قدامك خالص.. انت عايز الجنه... ولا عايز الدنيا؟فكر وتأمل 🤔
👈ثانيا وانت ماشي في الشارع اي حاجه تشوفها مش مظبوطه تغض البصر فورا.. وكل ما نفسك تغالبك على كده فكرها بالايه الكريمه دي.....
﴿ يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ﴾
يعني ربنا شايفك وانت عمال تبص هنا وهنا ومراقبك🤚
لاتجعل الله أهون الناظرين ليك 🤚🤚😔😔
👈على اكتافك ملكين بيكتبوا كل حرف وكل نظره وكل همسه بتعملها.. عليك مراقبه دوريه على فكره ✋
🤚هتقول طيب كده يعني همشي مغمض عيني..ماالدنيا فيها وفيها..... ؟
👈هقولك لا ليك النظره الأولى فقط.. بعد كده في ذنب عليك..
👌👌فاتقي الله وبدل النظر الى المحرمات بالنظر الي ماهو حلال...زي حاجات كتير حواليك
جمال الطبيعه وجمال خلق الله.. القرآن الكريم.. زوجتك... كتب دينيه او مفيده عاما في مجالات الحياه المختلفه.. فالمؤمن منفتح ومش عايش مع نفسه...استخدم نظرك في مايرضي ربك.. علشان تفوز بلذه النظر الى وجه الكريم سبحان وتعالى ❤️
🤚اتقي الله في نظراتك تصون نفسك وتصون عرضك وتصون قلبك..
وتحقق غلق اول المنافذ الحسيه على القلب ❤️
👌👌أبدأ الان وليس غدا فالعمر قصير ✋✋✋✋
والدرس القادم نكمل باقي المنافذ الحسيه ان شاء الله
يتبع......
#السائرون_الي_الله
أنت تقرأ
صدقه جاريه ( لعلهم يتفكرون )
Espiritualهتكون عباره عن معلومات عامه او نصائح سمعتها و اريد ان تستفيدوا منها كما استفدت منها انا ، ولعلها تكون صدقه جاريه لي في يوم من الايام
