صدقه جاريه ( لعلهم يتفكرون )

١٠٦ : ازاي ابقي ملتزمه ؟

ازاي ابقى ملتزمة
اولآ في حاجه اسمها التزام قلبي 🤍
  لازم نعرف إن الألتزام ليس التزام عبادات فقط ؛ ولكن الالتزام هو التزامك مع الله التزام في الخلوات .. وليست الحكمه من الالتزام اني هكون منتقبة كده انا ملتزمة وهو يبقا ملتحي يبقا ملتزم ؛ التزامك الاول لازم يبقا في خلواتك مع الله تعرفي ان ربنا اقرب ليكي من حبل الوريد يعلم ما تخفيه الصدور ،بلاش ذنوب الخلوات لا تجلعوا الله اهون الناظرين اليكم .. وبكده هتعرفي يعني ايه التزام قلبي 💚💚💚💚💚💚💚
تعالو بقا نعرف خطوات الالتزام 🌻:-

١.التوبة والرجوع الي الله والندم علي المعاصي والذنوب مين فينا معندهوش ذنوب مين فينا مغلطتش وده الطبيعي لان احنا بشر وكل بني آدم خطاء ولكن الرسول صل الله عليه وسلم  قال  وخير الخطائين التوابون.. يعني مش اقول ده عادي كلنا بنغلط لا لازم نرجع ولازم نتوب علشان الجنه تستاهل وعلشان انا جسدي لا يقوي علي النار والاهم علشان انا بحب ربنا وعاوزة ارضيه دايما 💚

٢.الصلاة بصي  بقا  الصلاة ملهاش عذر نهائي طيب ليه مش بصلي... ليه بقيت اقصر واتهاون في الصلاه مع انها النجاة من النار والطريق الي الجنه..طيب انا مش عارفة عقاب تارك الصلاة مش عارفه الرسول قال ايه طيب مش عارفة ان التقصير والتهاون في الصلاة عقابهم وادي ويل في النار لازم نلتزم بالصلاة في معادها يا شباب ويا بنات مهما كانت ظروفك لازم نستحي من نداء الله لنا خمس مرات في اليوم أفلا نجيب داعي الله خلاص هنبدأ عهد جديد مع صلاتنا علشان صلاتي هي صلتي بالله 💚

٣.بر الوالدين هقولك حاجه بسيطة   متتوقعيش انك هتنجحي في حياتك وانت عاقه لوالديكي  متتوقعيش الفلاح في الدنيا او الأخرة بري بهما  مش علشان الجنة وبس لا علشان انا بحبهم علشان مليش غيرهم متزعلش اهلك بفعل لو بكلمه وتعالو نبدا عهد جديد نطلب منهم رضاهم💚💚💚💚💚💚

٤.الصحبة الصالحة اصل الرسول صل الله عليه وسلم  قال المرء علي دين خليله فلينظر احدكم من يخالل بلاش من الصحبه اللي تبعدك عن ربنا لازم يبقا ليك صحبه تعينك علي الصلاه والقيام والطاعات💚💚💚💚💚

٥.الحجاب الشرعي انتي بردو هتبقي جميله بيه مش بس جميله هتبقا جوهرة 💎  اصلا انتي لراجل واحد وهو زوجك  ليه تجعلي نفسك محل نظر لكل من يشتهي النظر ..تشبهي بأمهات المؤمنين والتزامي بسنة الحبيب

٦.الصدقة .. طهري ذنوبك امحي سيئاتك بدليها بحسنات حتي لو حاجه بسيطة جنيه واحد كل يوم هيفرق معاكي كتير💚💚💚💚💚.

٧.غض البصر ياحبيبتي غض البصر ليس للرجال فقط وانتي كمان عليكي بغض البصر..اصل النظرة هي محل فتنة القلب وما يفتن القلب الا لانك اطلقتي العنان لبصرك ؛ هغض بصري علشان ربنا علشان الجنة علشان قلبي💚💚💚💚.

٨.كيف حالك مع كلام الله ياتري ليا ورد يومي من القرآن ؛ ياتري مصحفي بيجي عليه تراب ولا لا  ياتري بمسك مصحفي زي ما بمسك تلفوني ؟؟...خلاص نبدا من جديد كل يوم هيبقا ليا ورد مع كلام الله ونور القلوب ليكون ليا نور لي قبري💚💚💚💚💚💚💚💚.

.ترك الأغاني اصل مهما قولتي القلب الواحد لا يجتمع علي طاعة ومعصية القلب الواحد لا يجتمع علي حب للغناء وحب للقرآن شوفي بقا هتختاري ايه في قلبك .

١٠.النوافل هي اللي هتقربك من ربنا اكتر وهتاخد بأيدك للجنة اصل اللي بيصلي ١٢ ركعة في اليوم والليلة غير الفريضة ربنا بيني ليه بيت في الجنة  هاا مين مستعد مين هيعمر ليه بيوت في الجنة الآ ان سلعة الله غالية ان سلعة الله هي الجنه💚💚💚💚💚💚💚.

١١.ذكر الله انتي عارفة لما تذكري ربنا كتير هتحسي بلذة للعبادات وخشوع في الصلاة وكمان من علامات حب الله لعبدة كثرة الذكر 💚💚💚💚💚.

١٢.الدعوة إلي الله مش شرط اكون شيخة علشان ادعي لربنا اي حد ممكن يدعي لربنا أصل الحلال بيين والحرام بيين لا وكمان كل شخص هتكوني سبب في هدايتة هتأخدي ثواب كبير اووووي وكمان كل عمل هو هيعمل هتأخدي ثوابة شوفتي الخير بقا ايه رايك تكوني داعية

١٣.إصلاح قدر الدين في قلبك لازم يبقا ديني أغلي حاجة في قلبي واتركي حب الدنيا الزائل اتركيها لله💚💚💚