صدقه جاريه ( لعلهم يتفكرون )

١١٥ : هل انت من اهل الله و خاصته ؟

هل أنت من أهل الله !؟

= مش عارف !

هو أصلاً مين هما أهل الله ؟ عشان أعرف أنا منهم ولالا 🤔

أهل الله هما " أهل القرآن " ❤

إللي بيسمعوا القرآن ..
ويقرأوا القرآن ..
ويتدبروا القرآن ..
ويعملوا بالقرآن ..
ويتخلقوا بأخلاق المذكورة في القرآن ..
ويتأدبوا بآداب القرآن ..

أهل القرآن هما أهل الله وخاصته ❤

= يعني إيه خاصته !؟

يعني أقرب الأقربين إلي الله

من كتر ما ربنا بيحبهم أوي وقريبين لربنا في الدنيا والاخرة ، النبي صَلَّى اللَّهُ عَلَيْهِ وَسَلَّمَ قال إن هما دول أهل ربنا ..

عَنْ أَنَسِ بْنِ مَالِكٍ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
( إِنَّ لِلَّهِ أَهْلِينَ مِنْ النَّاسِ )
قَالُوا : يَا رَسُولَ اللَّهِ ، مَنْ هُمْ ؟
قَالَ :
( هُمْ أَهْلُ الْقُرْآنِ ، أَهْلُ اللَّهِ وَخَاصَّتُهُ )
وصححه الألباني في "صحيح ابن ماجة"

= طب أنا عايز أكون من أهل الله " أهل القرآن " اعمل ايه !؟

العلماء قالوا علي خمس حاجات لو عملتهم يبقي يا بختك هتبقي من أهل القرآن " أهل الله وخاصته " ❤

1- اسمع القرآن

" اليوم 24 ساعة " أنت بتصحي منهم 16 ساعة " وفيه ناس أكتر كمان "
خصص منهم حتي لو 10 دقايق بس كل يوم تشفي فيهم قلبك وصدرك وسمعك ❤📖

2- أقرأ القرآن

كلنا بنتمني نختم القرآن كل شهر ،،
فيه مننا اللي ربنا وفقه وبيختم كل شهر ، وفيه اللي بيحاول ومش بيقدر يكمل ، وفيه اللي هاجر القرآن خالص ومش بيفتحه غير في رمضان ، وفيه حتي في رمضان مش بيفتحه خالص 😢

خليك من اللي بيحاول يختم كل شهر 📖

إفضل حاول كل شهر إنك تختمه ، ولو ماختمتهوش ومحاولاتك فشلت ..!
حاول تاني ، وتالت ، وعاشر ❤

يوم هتقرأ آية ، يومين هتقرأ 5 ، 10 أيام هتقرأ ربع ،،
إفضل كل يوم حاول لحد ما ربنا هيوفقك ، وتبقي من اللي بيختم كل شهر 📖

3- أعمل بالقرآن

أنت ممكن فعلاً تكون بتعمل به ، لكن مش بتعمل به كله 😊
خليك من الناس اللي :
لما تشوف آية عن الصدق ، فتبقي صادق
او تشوف آية عن الأمانة ، فتبقي أمين
أو تشوف آية عن غض البصر ، فتغض بصرك
او تشوف آية عن الصبر ، فتصبر وتحتسب أجرك عند الله ❤📖

4- تحاكم بالقرآن

يعني إحنا اتنين اخوات حلوين كده اختلفنا سوا مثلاّ في الميراث ، اللي يحكم بينا القرآن
مش الناس ، ولا العادات والتقاليد !!

اتنين متجوزين واختلفوا وهينفصلوا ..
يبقي اللي يحكم بينهم القرآن 📖

5- تستشفي بالقرآن

لو تعبان لازم طبعاً تاخد بالأسباب ، وتروح للدكتور وتاخد العلاج ..
وبتدعي كمان ..
بس الجميل بقي إنك تستشفي بالقرآن 📖

تحط إيدك كده علي مكان التعب والوجع وتقرأ القرآن ❤

أصل القرآن شفاء ❤
شفاء للصدور.، شفاء للروح ، شفاء للأفكار إللي في القلب والعقل ،،
فاستشفي دايماً بالقرآن 📖

وهما دول بقي أهل القرآن " أهل الله وخاصته "📖❤

#فضل_القرآن

#هبةُ_الله

#أهل_الله

#أهل_القرآن