منقول من صفحه السائرون الي الله علي الفيس بوك و التليجرام ، اتمني منك بجد انكم تتابعوها و تستفادوا منها
#حي_علي_الفلاح
#السائرون_الي_الله
#المقدمه (((بالكامل))) ❤️🌿
💥💥💥💥💥💥#البدايه💥💥💥💥💥💥💥
بسم الله والحمد لله والصلاه والسلام على رسول الله صلى الله عليه وسلم... أما بعد..
💥💥💥💥نعلن عن بدايه مشروعنا (حي على الفلاح)
ونسأل الله تعالى أن يكون عملنا خالصا لوجه الله
ونطلب منكم إخلاص النيه في التقرب الى الله ومساعدتنا على نجاح هذا المشروع...
✍️اولا سبب التسميه..
مشروع لان اي مشروع بيكون متكون من شركاء وهدف.. انتوا واحنا شركاء ونسأل الله أن نكون صحبه صالحه..
وان نضع أمامنا الفردوس الأعلى هدف لينا هنا...
و هنجتهد مع بعض ونأخذ بالاسباب ..و نعقد النيه على كده ونسأل الله القبول وان يحقق لنا هدفنا..
وليس من الدنيا فلاح اكتر من العمل للفوز بالفردوس الأعلى.. علشان كده سميناه حي على الفلاح..
يعني نشد الهمه ونقف مع بعض للفلاح والفوز العظيم بحول الله ورضاه عننا وبأخذنا للأسباب...
✍️ثانيا نظام مشروعنا... هنبدأ اليوم ١٠ شوال وهنكمل واحده واحده مع بعض لحد رمضان القادم ان شاء الله..
شهر بشهر واسبوع بأسبوع...
كل شهر هيكون في هدف رئيسي عايزين نتعلمه ونتقنه ونساعد بعض على تنفيذه..
وكل أسبوع في دروس نظريه.. ايام السبت والأحد والاثنين وبعدين أنشطه هيعملها كل واحد فينا هنطلبها هنزلها الثلاثاء والأربعاء..في أنشطه أساسيه وفي أنشطه لأصحاب الهمم والعزم
والخميس والجمعه اجازه..
بس كل جمعه هننزل كشف حساب عن أهداف الاسبوع وكل واحد يسجل لنفسه جاب درجه قد ايه... وراضي عن نفسه بنسبه ايه..
👈ملاحظات سريعه....
💥الجروب هنا معمول للمشاركه يعني مينفعش متشاركش معانا..وتتفرج وخلاص.. ده تفاعلي واحنا هنا صحبه مع بعض.. واللي هيواجه مشاكل هنساعده.. محدش يتكسف يسأل او يستفسر.. كلنا هنا اخوه في الله.. وربنا يكتب لينا التوفيق والسداد.
💥مش هنزل منشورات لإخواننا هنا لعدم التشتت.. في جروب تاني اسمه السائرون الي الله ممكن تنزلوا عليه أي حاجه تفيد اخوانكم.. مفتوح للتفاعل للجميع ..
أما اللي حابب يستفسر عن أي حاجه.. ممكن في التعليقات يكتب اللي هو عايزه.. علشان نحافظ على نظام الجروب...
💥في منشور مثبت فوق في الجروب هيبقى فيه كل الدروس منظمه ومترتبه علشان محدش يتلخبط..
ممكن تشاركه عندك أو تعمله حفظ علشان تراجعه يوميا.لانه متجدد باستمرار.
🌿🌿🌿🌿🌿🌿🌿🌿🌿🌿🌿🌿
#حي_على_الفلاح
#مقدمه
#الاراده
💥💥💥احنا عايشين ليه🤔؟
هل علشان نأكل ونشرب ونلبس ونشتغل ونخلف ونموت
. بس كده.. وبعدين ايه الهدف يعني؟
👈لازم تعرف الهدف من حياتك.. ربنا سبحانه وتعالى قال.. { وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ } ..
انت اتخلقت للعباده.. والدنيا دي دار ابتلاء ومحطه قصيره جدا في مشوارك.. علشان ياتنجح فيها وتوصل للجنه يتفشل وتدخل النار عافانا الله وإياكم..
دي اول حاجه لازم تعرفها👌
أنت تقرأ
صدقه جاريه ( لعلهم يتفكرون )
Spiritualهتكون عباره عن معلومات عامه او نصائح سمعتها و اريد ان تستفيدوا منها كما استفدت منها انا ، ولعلها تكون صدقه جاريه لي في يوم من الايام
