= حد فيكم شاف ربنا قبل كدة!!
" برغم بساطة السؤال إلا إنه خد مني وقت كبير في التفكير"
وبعد شوية بصيت للسما وابتسمت
- أيوة أنا شوفته قبل كدة كتير.
"كل الناس اللي كانوا قاعدين حواليا بصوا عليا بـ استغراب"
"غمضت عيني وقُلت:
شوفته لما قلبي كان بردان وبيرتعِش من الخوف وبعد دعيته حسيت بـِ دفا وأمان فـ عرفت إنه بيقولي أنا هنا جمبك.
شوفته لما كنت خايف علي حبايبي وهما تعبانين، وكان رحيم بيهم ودلوقتي بقوا كويسين.
ولما وقعت في مشكلة كبيرة وقُلت إن النهاردة يوم صعب ومستحيل يعدي بس بستر ربنا ولُطفه عدا علي اليوم ده سنين وسنين وكان يوم طبيعي جدًا.
شوفته في لمعة عيون أمي بعد ما نجحت وكانت فرحانة بيا.
وفي كل يوم بيعدي عليا وأصحي فيه سليم ومعايا تمن الرغيف في جيبي.
شوفته وبشوفه وهفضل أشوفه في كل مكان وكل ثانية..
وجوايا يقين تام إن ربنا هو السند الوحيد لينا مهما حبينا أو إتعلقنا في الدنيا.
وفجأة.
"حطيت إيدي اليمين علي قلبي وقُلت:
= "ربنا بيتشاف بِـ القلوب وبس، والقلوب بصيرة أكتر مِن العيون".
فـ أيوة كل واحد فينا شاف ربنا قبل كدة وهيفضل يشوفه دايمًا لآخر يوم في عُمره💙
أنت تقرأ
صدقه جاريه ( لعلهم يتفكرون )
روحانياتهتكون عباره عن معلومات عامه او نصائح سمعتها و اريد ان تستفيدوا منها كما استفدت منها انا ، ولعلها تكون صدقه جاريه لي في يوم من الايام
