#البوست_ده_للناس_اللي_عايزة_تلتزم_بالصلاة 👇😍
الصلاه تقيلة على قلبي .. بكسل اقوم اصلي .. بكون عاوز والله اصلي بس معرفش بيحصلي اية .. نفسي اصلي .. بصلي بس بســـــــرح فــ الصلاه 💨
اعمل ايه ؟! 😭
صل علي النبي 😉
#أولاً ربنا ذكر صفات الخاشعين في القرآن وقال :
" وانها لكبيرة الا علي الخاشعين "
هي ايه يارب اللي كبيره وصعبه ؟!
#الصلاه .. كبيره جداً علي اي حد اٍلا اللي بيخشعوا في الصلاه 💜
طب ايه مواصفاتهم يارب ؟! ☺
قالك : الذين يذكرون الله قياماً وقعوداً وعلي جنوبهم "
يعني عاوز ربنا يخليك تحب الصلاه ويضع حبها في قلبك تلقائيا افضل اذكر ربنا كل شوية فى اى وقت ....
#ثانياً : حِب الله .. صلي حُباً في جلال الله 👆
مش علشان طالب جنه او نار 😉
حِبه علشان هو يستحق انك تحبه 😊
كُنت قرأت سَطر بيقول :" والله يا رب لاٍن ألقيتني فـ النار وقررت عَني بُعدك .. لأخبرن يا رب أهل النار أني أُحبك 💜 ... يااااااااه علي كمية الحب المزروع فـ قلب صاحب الجمله دي 😍
.
#ثالثاً : انت كل لما بتصلي بتصلي بالسور اللي انت حافظها من جزء عمّ 😉
و ده بيخليك بتصلي من غير تركيز لانك عارف انك مش هتغلط ! ✋
لكن لو حفظت كل يوم 5 آيات من القران الكريم 📖
ياسلام بقي لو كُل آيه تحفظها تعرف تفسيرها هتحس انك وانت بتصلي في عالم تاني خالص كأنك في كوكب الطاعه خشوع وتأمل الكلمات هيخلي قلبك طاير بجد (وحاول تجرب)😃
.
#رابعاً : صلي وخليك مؤمن انك بترتاح بيها مش منها ☺
يعني السجده بتحضنك واحكي لربنا ومتقومـش من السجده غير لما تكون قولت كل حاجه جواك ومش شرط صيغة دُعاء معينه .
#خامسًا : اعتبر انك الامام والملايكه المخلوقه بنور الله الجميل طايره بترفرف بجناحتها وبتصلي وراك ! 😃
#سادسًا والاخيره : وانت بتصلي تخيل ان النبي صل الله عليه وسلم .. قاعد قدامك ومربع رجليه وعمال يبصلك ويبتسم ويتأمل صلاتك 😉
ياتري تحب يشوفك ازاي وانت بتصلي ؟ 🤔
الصـلاة اكسجـين لاتحـرم نفسك من استنشاقه 💜
💚غفر الله لنا ولكم ولوالدينا 💚
خير الناس أنفعهم للناس💜
أنت تقرأ
صدقه جاريه ( لعلهم يتفكرون )
Spiritualهتكون عباره عن معلومات عامه او نصائح سمعتها و اريد ان تستفيدوا منها كما استفدت منها انا ، ولعلها تكون صدقه جاريه لي في يوم من الايام
