صدقه جاريه ( لعلهم يتفكرون )

٨٩ : استراتجيه الصلاه علي النبي

استراتيجية الصلاه على النبي 💗😊

معنى جميل هافهمهولك ونحل مع بعض شوية الغاز بس اوعدني الاول تصلي عليه ف كومنت وتشير دا لغيرك وتاخد اجر البوست العظيم دا 😉👌

-ازاي استحضر ذكر الصلاه على النبي عشان انال اجرها العظيم وفضلها ؟
- ج : اولا انت بتاخد اجر ذكر الصلاه على النبي في كل الاحوال سواء استشعرت معناها او لا ودا اكرما ومحبةً من الله في النبي صلى الله عليه وسلم

بس هل اجرك وانت بتقول ذكر الصلاه ع النبي وسرحان زي اجر اللي مستحضر معنى الصلاه عليه بقلبه ف كل كلمه ومعنى .. الاجابه لا اجركم درجته مختلفه لكن اقدر اقولك ان ممكن تلاقي ان واحد صلى على النبي مره باستحضار قلب وبلسانه اجره ممكن اعلى من واحد صلى عليه بلسانه بس يمكن من عشر اضعاف لما لا يعلمه الا الله

- بس انا بسرح اثناء الصلاه عليه اعمل ايه ؟!
- ج : ومين اللي قالك ان انا وكل مصلي عليه ما بنسرحش زيك بس ربنا وحده بس هو اللي لا تأخذه سنة ولا نوم كل عباد الله ممكن يسرحوا ف اي ذكر بس شطارتك بقا انك تستحضر معنى الصلاه عليه ولو في كل ١٠٠ صلاه عليه تسرح تستحضر معنى ٢٠ او ٣٠ في ال ١٠٠ دول وكل ما تستحضر صلوات اكتر تاخد اجر اعظم
وفيه ملحوظه هنا: العدد ف الذكر يعوض الاجر يعني لو بتسرح كتير زود ذكر صلاه عليه يعوضلك اجر عدم تركيزك

- طب ازاي استحضر معناها ؟
- ج : عشان تستحضر معنى اي ذكر مش الصلاه على النبي بس لازم تقرأ تفسير العلماء ليه يعني مثلا يعني ايه سبحان الله ؟! .. يعني تعالى الله عن كل نقص ودنيه صيغة تعظيم واجلال .. فانت ف الصلاه ع النبي بتقول "اللهم صل على محمد" يعني بتدعي ليه ان ربنا ينزل عليه ويصله بكل خير دنيوي واخروي ويجعل الخير دا موصول .. طب وعلى ال محمد مين هما بقا ال محمد عشان ناس فاكراها اهل بيته فقط انما الحقيقه رأي جموع العلماء انه ال محمد هو احنا الذين امنوا به و اتبعوه .. شوفت يعني انت بتدعي ربنا يصلي عليه وعليك وانت مش واخد بالك 😊 .. وصلاة ربنا عليك رحمات تتنزل تغفر ذنب وتفرج كرب وتحقق دعوه .. طيب وبارك .. بارك هنا بمعنى زياده في كل انواع الخير برضوا للنبي وبرضوا وعلى ال محمد اللي هو انت منهم برضوا بتدعي لنفسك .. بص بقا اخر الصلاه انك حميد مجيد دي يعني يارب انك بتشكر يا حميد كل اللي يذكر او يعمل خير فاشكرني اني بصلي عليه ومجيد يعني عظيم وعطائك عظيم قدر عظمتك .. فتكون بقا النتيجه ايه ؟! ان ربنا اكراما للنبي وحبا فيه ولانه وعده انا سنرضيك في امتك ف يصلي عليك عشر مرات لكل صلاه تصليها عليه متخيل ؟! انت فاهم يعني ايه ربنا يصلي عليك ؟! يعني ابن عطاء السكندري قال انك لو ان العبد اتى بكثير صيام وقيام عمره كله دا لم يجازي عن صلاه واحده ربنا بعظمته يصليها عليه لان انت بتصلي ع النبي على قدرك وهو بيصلي على قدر عظمته ..

اقولك عن حاجه مجربه ونفعت معايا كتييير اقسم بالله 😊

عارف انت اليوجا ؟! لا بس احنا مش بتوع يوجا لا 😅😅 احنا بتوع علاج روحاني ومادي من عند الطبيب اللي صنعنا👌😊

انا عايزك وانت بتصلي ع النبي بعد كدا تاخد نفس عميق وتصلي عليه وانت جواك يقين وتتخيل ان فيه مطرة رحمااات نازله عليك من ربنا عماله تغرقك رحمات واد ايه دا هايغير اقدارك ويغسلك من ذنوبك ويفك عقدك وهمومك ويكسر كل عوائق دعواتك وتذق كل عسره ليك ليسر والله والله والله هاتحس جسمك قشعر وسعتها بس اعرف ان الفرج قرب جدا وكل ما تحس القشعره دي اعرف انها بتقرب اوي واستمر وانت عندك يقين ان طالما عملت كدا هايتحققلك افضل مما تتمنى والله

-اهم مفتاحين ف الاستراتيجيه بتاعتنا انك تستحضر الذكر ولو في ربعه وانك تستشعر ان طالما ربنا رزقك الذكر دا يبقا انت اصلا اتكتبلك الاجابه لذلك النبي قال "ادعو الله وانتم موقنون في الاجابه" عشان تعرف اهمية اليقين وقال "ان الله لا يقبل الدعاء من قلب غافل لاه " مش مستحضر ذكره كله كدا وبيعمله تقضية وقت ومفيش همه

لو عايزين تسألوا هارد ع اسألتكوا ف كومنت ويوم الجمعة اعظم يوم للصلاة على النبي
والدال على فعل الخير كفاعله❤️

صلي على النبي همك ينجلي 💗😊
متنسوش  #سورة_الكهف 🌸