📌 ما الفرق بين صلاة الفجر و صلاة الصبح ؟
⭐ لا يوجد فرق بين صلاة الفجر و صلاة الصبح
🗯️ لأن الرسول ﷺ قال " من صلى الصبح في جماعة فكأنما قام الليل كله"
🔖 و كمان قال أثقل صلاة على المنافقين صلاة الفجر و صلاة العشاء،
🤔 ليه بنوضح الفرق ؟
✊🏻 عشان ما فيش حد يفتكر إن معنى صلاة الصبح إني أصليها بعد شروق الشمس وفاكر إني أنا كده صح
⭕️ لا ده كده تبقى مصيبة لإنك ضيعت عليك صلاة الفجر وصلتها في غير وقتها من غير عذر
📌 وماحدش يقول كنت تعبان ما قدرتش مهو ممكن تموت ولا تلحق تصلي ولا تلحق ترتاح فالحق صل الفجر قبل نومك ولو في عز تعبك لعلها المنجية
💥 خد بالك اللي تستثقل صلاة الفجر على قلبها حكمها صعب جدًا عند ربنا ، ده من علامات النفاق.💔
😔 منظر محزن لما نبقى بنصلي في المسجد و مفيش غير كام واحد بس ... و بعدها بساعة لو رميت إبرة مش هتنزل من كثرة الشباب.
💔 أول ما الدنيا نادت الساعة سبعة الصبح الكل صحي و لما ربنا نادى مين اللي صحي ⁉️
💭 الرسول ﷺ بيحذرك و بيقولك في صحيح البخاري إنه رأى العذاب في القبر فرأى ملك ماسك حجارة و بيقذفها على واحد لحد ما رأسه اتفرم
🗯️ فالرسول ﷺ قال ما هذا قال له الملك الذي معه في الرؤية : و كان ينام عن الصلاة المكتوبة.
⤴️ كانت رأسه بتتقل لما الفجر يأذن أو لما الظهر يأذن فيعذب في رأسه إلى يوم القيامة.💔
🗯️ عايز تصحى يبقى لازم حاجة بينك و بين ربنا و هي الدعاء
🤲 ادعي ربنا و قوله يا رب صحيني لصلاة الفجر ... يا رب حبب إليَّ صلاة الفجر.
💬 قل وكلتك يا رب تصحيني أصلي الفجر وثق بالله إنك تصحى
♻️خلي مراتك تشجعك أو واحد من صحابك يتصل بيك.
💬 الصدق مع نفسك لو أنت عايز فعلًا تصحى تصلي الفجر.
⭐ طب أذاكر امتى⁉️
🪄ذاكر بعد الفجر، أعظم مذاكرة هي مذاكرة بعد الفجر
🌿 ربنا وفقنا و نجحنا و طلعنا من الأوائل بسبب مذاكرة بعد الفجر دي
#حافظ_على_صلاة_الفجر
#الشيخ_حازم_شومان
أنت تقرأ
صدقه جاريه ( لعلهم يتفكرون )
Spiritualهتكون عباره عن معلومات عامه او نصائح سمعتها و اريد ان تستفيدوا منها كما استفدت منها انا ، ولعلها تكون صدقه جاريه لي في يوم من الايام
