اللهم انك عفو كريم تحب العفو فاعفو عنا🧡
نبدأ بإسم الله💙
.
.
.
الصمت يخيم على السياره لتتحدث نور بتأفف.
"عمر هو لسه فاضل كتير؟"
"يعنى حوالى ساعه، بتسألى ليه؟"
"عايزه اعمل بيبى"
نظر لها عمر بذهول محولا نظره إلى الطريق بسرعه حتى لا يفقد السيطره على السياره صائحا.
"مش احنا كنا لسه فى الاستراحه من ساعه، مدخلتيش ليه الحمام؟"
"الحمامات مش بتبقى نضيفه، و ممكن يتنقلى مرض تناسلى انا فى غنى عنه، انت عارف فيه كام واحده بتستخدم الحمام ده و ممكن اى واحده فيهم تكون تعبانه"
تنهد عمر بثقل فنور فى النهايه محقه فى قلقها هذا، و قد اقنعته بوجهه نظرها .
"طيب و انا اعمل ايه دلوقتى؟ "
تسائل عمر لتنظر له نور بتبرم صائحه به.
" خلاص خلاص انا هستحمل، أن شاء الله استحمل"
صمتت نور و صمت عمر كذلك منتبها للطريق امامه لتقطع الصمت نور بسؤالها.
" بقولك يا عمر مفيش ازازه فاضيه هنا؟"
"ليه؟"
تسائل عمر و هو قاطبا حاجبيه لينظر لها بصدمه صائحا بها بقوة.
"اوعى يكون اللى بفكر فيه يا نور"
"اعمل ايه يعنى خلاص مش قادره استحمل"
" يخرب بيتك، يخرب بيتك، هتعمليها ازاى اصلا يا متخلفه انتى، عايزه تعملى حمام فى الازازه ازاى! "
"أنت بتزعقلى ليه؟ انت اللى قعدت تقولى اشربى عصير و اشربى ميه و قعدت فى الاستراحه تشترى عصير و تشربنى و لا اللى مسحوب منها ١٠ لتر دم"
صاحت نور بتبرم هى الأخرى و هى تحرك يديها فى كل اتجاه و توجه عليه أصابع الاتهام ليتنهد دون الاجابه عليها لتكمل نور حديثها.
"و بعدين هعملها ازاى! هعملها زى ما الرجاله بيعملوها فى التلفزيون"
حديث نور التلقائي جعل عمر ينظر لها بأعين جاحظه ليمسك بذراعها فجأه بينما يده الأخرى تمسك بعجله القياده متحدثا.
أنت تقرأ
خطأ محبب
Romanceأخطاء الآباء يقع بها الأبناء، و لكن يبدو أن الخطأ متوارث، فهو خطأ مُحبب. "الجزء الأول" حملت بها والدتها في الوقت الخطأ، كان إنجابها خطأ، حياتها الجنونية مليئة بالأخطاء، حتى عندما وقعت في الحب وقعت مع الشخص الخطأ في الوقت الخطأ ولكنها لم تبالي في نها...
